افيدوني..... افضل إنذار لبومة يولف مع الريموت

[kadry_2012]

السلام عليكم

افيدوني..... افضل إنذار لبومة يولف مع ريموت العربية

ايه افضل الانواع واسعارهم كام وتكلفة التركيب وياريت لو في صور بعد التركيب

[amro0000]

spy راكب لعربيتي بس مشكلته الحساس بتاعة مش عاجبني مش حساس اوي يعني بلاصوات الخارجية لازم خبط جامد لاكن هوة كويس في المجمل العام

[topman_2m]

spy كويس انا مركبه وبالنسبه للحساسيه ممكن تتحكم فيها من الجهاز بتاعه فيها مسمار لفه يمين او شمال ودا بيتحكم ف الحساسيه
كنت جايبه ب 130 وتركيبه ب 50 مع تركيب وحده رفع وشويه شغل كهربا كدا ع الماشى

[kadry_2012]

شكرا amro000 و topman_m2 بس التركيب بيقطع في اسلاك كتير في الضفيرة ولا لأ ؟؟؟

[alkawther60]

متااااااااااااااابع

انا عندي مفتاح واحد للعربية ومعنديش المفتاح اللي فيه الريموت للاسف اللي باعني العربية قال لي ده ضايع

فهل ممكن اعمل مفتاح جديد شبه الاصلي ب ريموت وكمان بالمرة اركب انذار ووحدة رفع كل شباك يرفع لوحده واحد ورا التاني


ملاحظة عربيتي بومة 2007 اتوتوماتيك 1600


ارجو الافادة ضروري ضروري

[Dragon78]

بص ياباشا .. انت لو عايز حاجه كويسه ومش فارقه معاك الفلوس

خليك في الإنذار بتاع التوكيل الأصلي .. هو هاتلاقيه في التوكيل غالي شويه بيعمل بالتركيب حوالي 1100 جنيه

وهو نوعه جيمني إيطالي وده الموقع بتاعه أهو :
Gemini Alarm Systems

وللعلم هو موجود بره التوكيل برضه عند توكيل كلاريون وكينوود اللي في مصر الجديده _ شارع الحجاز

وخد بالك الجهاز ده .. أي نعم هو غالي شويه .. بس أولا انت بتشتري حاجه إيطالي , ثانيا الجهاز بيركب معاه 2 سينسور كده في القايم من جوه بحيث لو حس بأي حركه جوه العربيه الإنذار يشتغل .

وفي حاجه كمان مهمه جدا بقى .. كل أنواع الإنذار أبجريد اللي في السوق (اللي هي بتتولف على ريموت العربيه يعني) نوعها صيني وفيها عيب خطير انها بتشتغل على السنتر لوك مش على كهربة العربيه مباشره (بمعنى ان لو لاقدر الله في حرامي فتح العربيه ودخل جوه وقفل الباب وقفل السنتر .. يبقى كده خلاص انسى الإنذار ولا كأنه موجود .. السارينه هاتبطل طبعا). وده من رأيي عيب خطير جدا في كل الإنذارات الموجوده في السوق (أقصد الإنذار أبجريد) .. غير طبعا انهم بيلعبوا في ضفيرة العربيه عشان يركب .

أنا عن نفسي بصراحه هاركب الإنذار الجيمني ده .. بس انا عربيتي لسه في الضمان .. ياإما هاستنى الضمان يخلص .. أو لو عرفت أحوش ثمن الإنذار .. يبقى أكيد هاركبه في التوكيل .

ملحوظه أخيره : الإنذار الجيمني الإيطالي سعره في توكيل كلاريون .. 700 جنيه بالتركيب.

ولو حضرتك حابب تاخد العنوان بالتفصيل .. بلغني وانا ابعتهولك ان شاء الله

بالتوفيق في التركيب ياباشا

[د.عمرعبدالفتاح]

ممكن العنوان ياباشا ولو انا جاى من الدائرى انزل فين انا جاى من طنطا زراعى وبعدين دائرى والف شكر ليك مقدما

[michohat]

متابع

[kadry_2012]

الف شكر ل Dragon78 على المشاركة والمعلومات دي
بس انا في اسكندرية فين الاقي توكيل كلاريون او الاقي حد يبيع الجهاز ده في اسكندرية ؟؟

[Dragon78]

عنوان توكيل كلاريون للي عايزه ياجماعه ..

إسم المحل : المركز الياباني لستريو السياره
57 شارع فريد سميكه - ميدان الحجاز - هيليوبوليس مصر الجديده - القاهره
تليفون : 26353071 - 26359626 - 26352682
وفي واحد هناك اسمه الأستاذ باسم موبايله : 01227062669 اللي حابب يكلمه يستفسر منه عن أي حاجه في الجهاز

وبالنسبه للأخ اللي سأل عن الطريق من الدائري .. سامحني مش هاعرف أوصفلك بالظبط

لأن أكتر حاجه باكرهها في حياتي هو الدائري ... ( مافيش مره أطلعه وانزل منه منصوووف .. دايما باتوه فيه )
بس العنوان موجود عندك فوق أهو بالتفصيل .. لو نزلت مصر الجديده هاتقدر توصل ان شاء الله

وبالنسبه للأخ اللي من اسكندريه .. ممكن حضرتك تتصل بالتوكيل على أرقامه اللي فوق وتسألهم ان كان ليهم فرع في اسكندريه

وبالتوفيق جميعا ياجماعه