المساعده في شراء لانسر

[waaeell]

السلام عليكم

ان شاء الله بعد عدم وجود تقسيط شرعي في اي مكان قررت اشتري لانسر مكوه مستعمله كاش بس عايز اعرف معلومات فنيه وعمليه من خلال التجربه عنها وكذلك السعر في حدود كام للعربيات المانيوال الكامله ذات الحاله الجيده جدا

واستفسار مهم عن ارتفاعها عن الارض والمطبات؟؟؟؟؟؟؟؟؟؟؟

وجزاكم الله خيرا

[Bassel]

انا معايا العربية بقالها 5 سنين
في المطبات محكتش مني ولا مرة بس ممكن لو فيه عدد تحك مجربتش
العربية مريحة جدا وعفشتها ناعمة جدا , اريح من عربيات كتير جربتها زي الi30 , Yaris
,optra
ثباتها ممتاز
مفيش صوت للموتور تحت ال3000 rpm
العزل معقول
الباور بتاعها كويس
الفرامل معقولة
عربية معمرة محصلش فيها مشاكل معايا اطلاقا
قطع الغيار غالية شوية
استهلاك البنزين عالي جدا
متورها ضعيف وخصوصا والتكيف شغال والعربية ثقيلة كوزن
العربية بعد ال120 دركسيونها بيعرعش بسيط بس ده مبيأثرش في حركة العربية او اتجاهها
لو نسيت حاجة ابقي قولي انا في الخدمة
وانا جربت عربيات كتير جدا في نفس الفئة فالمعلومات دي مبنية علي أساس

[Ahmed Samy]

انا معايا العربية بقالها 5 سنين
في المطبات محكتش مني ولا مرة بس ممكن لو فيه عدد تحك مجربتش لو اربعة و المطب عالي
العربية مريحة جدا وعفشتها ناعمة جدا , اريح من عربيات كتير جربتها زي الi30 , Yaris أنا ماجربتش دول بس أنا بسافر بيها و باسيب A5 لأن اللانسر أريح كتيييييييييييييييييييييييير

ثباتها ممتاز جدا بس في المعقول
مفيش صوت للموتور تحت ال3000 rpm
العزل معقول مش قوي
الباور بتاعها كويس
الفرامل معقولة ممتازة
عربية معمرة محصلش فيها مشاكل معايا اطلاقا حقيقي
قطع الغيار غالية شوية لو أصلي فقط
استهلاك البنزين عالي جدا 470 كم في التفويلة
متورها ضعيف وخصوصا والتكيف شغال والعربية ثقيلة كوزن
العربية بعد ال120 دركسيونها بيعرعش بسيط بس ده مبيأثرش في حركة العربية او اتجاهها مش عندي دي
لو نسيت حاجة ابقي قولي انا في الخدمة
وانا جربت عربيات كتير جدا في نفس الفئة فالمعلومات دي مبنية علي أساس

انا معايا العربية من سنتين تقريبا بس أحب أوضح تجربتي من خلال نفس النقك في الاقتباس

و نصيحة العربية دي ممتازة
أنا كل ما أجي أغيرها تصعب عليا و أحس اني قليل الأصل و ندل

[waaeell]

جزاكم الله خيرا علي الرد