كيفية تنظيف فلتر التكييف

[إسلام شاهين]

النهاردة قلت أجرب التكييف (العربية بقالها معايا شهر ) المهم شغلته على 4 لاقيته ضعيف جدا قلت مش ممكن يكون ده تكييف لانسر 2007 المهم افتركت على طول مداخله للدكتور أحمد إنه كان نظف الفلتر بتاع التكييف عند واحد وقال إن الموضوع سهل بس المهم تعرف إزاي تفك درج التابلوه ، قلت لنفسي ليه ماجربش المهم فتحت الدرج لقيت كلبستين يمين (ثابته) وشمال متعشقه في الدرج زقيتها طلعت معايا عادي وخرجت الدرج لاقيته نزل لتحت خالص وكل اللي وراه بان المهم لاقيت قطعه بلاستيك مستطيله لونها أبيض مكتوب عليها air flow قلت يبقى هو ده الفلتر ، ولاقيتها مربوطه بمسمارين صليبه يمين وشمال فكيتهم وسحبتها لبره طلعت هيا فعلا الفلتر بس لاقيته بصراحه ولا كأنها لعربية بقالها ماشيه 5 سنسن مثلا كلها تراب وورق شجر من الصغير ده المهم نظفتها بالهوا ( كان نفسي أغسلها بميه بس بصراحه خفت ) وركبتها تاني وقفلت الدرج مكانه وشغلت التكييف ........ أيوه كده الوضع اختلف تماما بقى شديد جدا جدا .
الشكر لله أولا ثم للدكتور أحمد اللي جاب الفكره على بالي .
وأنا تحت أمركم في أي استفسار .

[boody2]

Re: كيفية تنظيف فلتر التكييف

النهاردة قلت أجرب التكييف (العربية بقالها معايا شهر ) المهم شغلته على 4 لاقيته ضعيف جدا قلت مش ممكن يكون ده تكييف لانسر 2007 المهم افتركت على طول مداخله للدكتور أحمد إنه كان نظف الفلتر بتاع التكييف عند واحد وقال إن الموضوع سهل بس المهم تعرف إزاي تفك درج التابلوه ، قلت لنفسي ليه ماجربش المهم فتحت الدرج لقيت كلبستين يمين (ثابته) وشمال متعشقه في الدرج زقيتها طلعت معايا عادي وخرجت الدرج لاقيته نزل لتحت خالص وكل اللي وراه بان المهم لاقيت قطعه بلاستيك مستطيله لونها أبيض مكتوب عليها air flow قلت يبقى هو ده الفلتر ، ولاقيتها مربوطه بمسمارين صليبه يمين وشمال فكيتهم وسحبتها لبره طلعت هيا فعلا الفلتر بس لاقيته بصراحه ولا كأنها لعربية بقالها ماشيه 5 سنسن مثلا كلها تراب وورق شجر من الصغير ده المهم نظفتها بالهوا ( كان نفسي أغسلها بميه بس بصراحه خفت ) وركبتها تاني وقفلت الدرج مكانه وشغلت التكييف ........ أيوه كده الوضع اختلف تماما بقى شديد جدا جدا .
الشكر لله أولا ثم للدكتور أحمد اللي جاب الفكره على بالي .
وأنا تحت أمركم في أي استفسار .

عايز اقول لحضرتك ان انا عندي نفس المشكلة و علي هذا انا ححاول اعمل نفس المحاولة ان شاء الله

[Dr Ahmed]

عفارم عليك يا أستاذ إسلام......

ماشاء الله المنتدى فعلا بيكسبنا خبرات بعض بطريقة فعالة جدا..
وفعلا ياريت كل واحد يمر بتجربة استفاد منها يوصلها للجميع لأن أكيد كتير بيمروا بنفس المشاكل وبيحتاجوا نفس الحلول.
شكرا لك أستاذ إسلام مرة أخرى على مشاركتنا تجربتك المفيدة.

[fahd_628]

شكرا يا استاذ اسلام على مشاركتنا التجربة

و ربنا يوفقك

[أبو_حمزة]

الله ينور يا استاذ اسلام
طب حد يعرف يفيدنا فى فلتر تكييف لانسر 99؟؟

[إسلام شاهين]

أنا أوجه الشكر للدكتور أحمد لأنه هو بصراحه اللي خلى الفكرة ديه تيجي على بالي .

[عمرو عبيد]

انا كمان عرفت افك الفلتر و فعلا كان غرقان تراب و جربت التكييف بعد كدة فعلا لقيت التبريد اعلى بكتير

[mabdo]

عملية الفك والتركيب بيفيد فيها وجود السيرفيس مانوال بتاع أي عربية وهو اللي بيعرفك إزاي تفك العربية وتركبها من تاني...
ولذلك ننتهز هذه الفرصة للتنويه عن أي حد يلاقي سرفيس مانيوال بتاع أي عربية يحطه في المنتدى عشان تعم الفائدة..

تحياتي

[Nile Heart]

طيب ازاى اجد الفلتر فى كورولا 2003؟ انا عمرى ماعملت الموضوع ده واهى بقالها 4 سنين ونص!!

[اسلام المصرى]

أنصحك يا أخ نايل بالذهاب الى حد متخصص فى التكييفات أو التوكيل يقوم بتنظيف الفلتر لك ,أكيد هتحس بفرق جامد جدا :D . السؤال هو هل الكورولا فيها فلتر داخل السيارة مثل اللنسر , الله أعلم.

[ali1spc]

ان شاء الله ححاول ابص علية وشكرا

[abo samra]

ع فكره والله من الصدفه انا لسه منظف فلتر التكييف النهارده لما حسيت انه ضعف قوى وسالت واحد صاحبى وقلتله عاوز اروح اشوفه فى التوكيل ضحك وقالى ده فلتر عاوز يتنظف المهم روحت لواحد ونظفه ب 5 جنيه والتكييف رجع لحالته وعلى فكره ممكن اى واحد ينظفه بنفسه يفك الدرج وبعدينن يفك مسمارين الفلتير

[aratux]

Can you post some photos ?

[tareq_khamesy]

انا برده امبارح فكيت فلتر التكييف و نضفته بنفس الطريقة و بقى 100%
و كمان فكيت فلتر الهوا و نضفته و طلع فكه اسسهل من فلتر التكييف بكتير !!!
هما كلبستين ترفعهم و تسحب الفلتر فى ثوانى و تنضفه و تركبه تانى و تنطلق زى حالاتى و فجأة تتسحب رخصك على الصبح رادار ههههه... و رجعت اقول يا ريتنى !!!!

[Karim_Monir]

الكرولا مفيهاش فلتر