نضفت الحساس والبوابة كذا مرة وبرضه الار بى ام مش مظبوط

[delaga]

كل مانضف الحساس والبوابة يفضل الار بى ام اسبوع تمام وبعد كده يرجع يبرجل تانى ياترى العيب من ايه وحد قالى ممكن يكون الحساس مش كويس وعايز يتغير
ايه رأيكم ؟؟؟

[temo85]

الحساس محتاج تغيير ,, اكشف كمبيوتر و غالبا هتطلع error

[delaga]

الحساس محتاج تغيير ,, اكشف كمبيوتر و غالبا هتطلع error

طب معلش يعنى لما اكشف كومبيوتر ومثلا طلع ايرورو ايه الحل ؟؟ هايتظبط لوحده ؟؟
ولا اغير الحساس وده بكام ؟؟؟

[temo85]

الحساس يتغيير

[mero100]

معلش عذرا ....

مفيش حساس بيتنضف ..... حضرتك بتنضف حساس ايه ؟؟

و لا حضرتك تقصد بتنضف بلف الايدل ؟؟

[delaga]

معلش عذرا ....

مفيش حساس بيتنضف ..... حضرتك بتنضف حساس ايه ؟؟

و لا حضرتك تقصد بتنضف بلف الايدل ؟؟

انا بروح ورشة بيقولى ننضف حساس الايدل والبوابة
ياما انا اللى فهمت غلط

[mero100]

كده تمام .... بس هوه اسمه بلف الايدل و ليس حساس .

و خلي بالك كتر تنظيف البوابه مش صح .

المفروض بتتنضف كل 20000 كم مثلا او 30000 كم .

[delaga]

كده تمام .... بس هوه اسمه بلف الايدل و ليس حساس .

و خلي بالك كتر تنظيف البوابه مش صح .

المفروض بتتنضف كل 20000 كم مثلا او 30000 كم .

طب انا كل مانضفها العربية تفضل كويسة وبتسحب ييجى اسبوع بعد كده ترجع تتخنق وتبرجل تانى
ولما اجى ابص عليها الاقيها متوسخة
ده معناه ايه بقى ؟؟؟
انا بقول ان ممكن يكون فلتر البنزين مش نضيف هو ودورة البنزين فكل شوية تتوسخ ..
ولا يكون الحساس مش تمام وهو اللى عايز يتغير ؟
وهو الحساس لو تعبان يخلى العربية مخنوقة ؟؟

[ramyayash]

طالما بيتوسخ بسرعة لدرجة انه يتكتم اعتقد ان دورة البنزين محتاجة تنضيف ابتداءا من تانك البنزين ثم الفلتر والبوابة والحساسات تتاكد منها عشان ترتاح

[delaga]

طالما بيتوسخ بسرعة لدرجة انه يتكتم اعتقد ان دورة البنزين محتاجة تنضيف ابتداءا من تانك البنزين ثم الفلتر والبوابة والحساسات تتاكد منها عشان ترتاح

طب ودول يتنضفوا ازاى
الفلتر هاغيره
التانك احطله منظف دورة وقود .؟

[A.Saad]

ممكن التانك ينزل ويتنضف
وتحط منظف الدورة
وافحص البوجيهات

[gookernet]

كان عندى هذه المشكلة وغيرت فلتر الهواء واتحلت المشكلة لانسر بومة 2011