سؤال لملاك اللانسر الشكل الجديد

[Bassel]

السلام عليكم
انا عندي اللانسر المكواة موديل 2003 وهي عربية عفشتها ناعمة جدا وجربت البومة السبورت وكانت عفشتها متعبة جدا جدا
فكنت عايز اعرف بالنسبة للشكل الجديد السبورت او العادي
العفشة مريحة ولا متعبة؟ والكلام ده مقارنة بانهي عربية ؟
وشكرا

[aymanouff]

انا عندي السياره ذات العفشه الرياضية
في النصف الامامي من السياره بحس انه مريح جدا
بس لما حد بيركب معايا ورا احيانا بيشتكي من ان العفشه
متعبه في المطبات , انا برجح انه علشان سببان
اول حاجه ان العفشه الرياضيه اكثر قوه من العفشه العاديه
وبالتالي فانها تكون اكثر خشونه
ثانيا العربيه لسه جديده مكملتش 1000 ك واعتقد انها بعد
كده حتكون اكثر نعومة

[Bassel]

شكرا علي تعاونك
بس حضرتك مقولتش مريحة مقارنة بأيه ؟

[tote_ide]

اللى انا عرفته من البشمهندس طارق ان العفشى بتاعة الشكل الجديد كلها واحدة مفيش منها رياضية وغيره كلها واحدة

[aymanouff]

اللى انا عرفته من البشمهندس طارق ان العفشى بتاعة الشكل الجديد كلها واحدة مفيش منها رياضية وغيره كلها واحدة

بصراحه انا مش عارف بس انا عندي العربيه السبورت "اعلى فئه" مش عارف كل الفئات ذيها ولا لأ . وبالنسبه ل thunder انا بتكلم انها مريحه عامة لكن بصراحه في المقارنه انا مش حعرف اقارنها بعربيه تانيه لاني مجربتش عربيات كتير بس طبعا مما لا شك فيه ان الكرولا والميجان عفشتهم أنعم واعتقد ان المستوى متقارب بينها وبين السيفيك اما الالنترا
فلا اعرف عنها الكثير ولكن الناس بتشكر في نعومتها جدا .
وطبعا انا بتكلم على النعومه وليس على القوه
وانا في رأيي الشخصي النعومه بس مش مقياس لقياس العربيه , يعني مثلا انا عندي واحد صحبي عنده عربيه BMW 316 2007 العفشه عندي انعم منه ولكن لو وضعنا السياراتان في مقارنه شامله اكيد 316 افضل

[Bassel]

بيعني مثلا انا عندي واحد صحبي عنده عربيه BMW 316 2007 العفشه عندي انعم منه

الف شكر
هو ده الي انا كمت عايز اعرفه بظبط

[Bassel]

اللى انا عرفته من البشمهندس طارق ان العفشى بتاعة الشكل الجديد كلها واحدة مفيش منها رياضية وغيره كلها واحدة

انا فاهم انهم كلهم عفشة واحدة بس عايز اعرف بشكل عام قد ايه هي كويسة؟

[nobody]

العفشة في اللانسر ناشفة جدا
من أنشف العفشات اللي موجودة في السوق
بس ده عشان يزود الثبات