مساعدتكم بالله عليكم خلاص هاتجنن

[ahmedharon]

اولا السلام عليكم

جيت من مشورا والعربيه تمااااااام ركنت وطلعت البيت ونزلت بالليل اركب العربيه مش راضيه تدور مفيش مرش خااااالص قولت بطاريه دا بعد ما هزيت فيش البطاريه المهم جبت بطاريه تانيه ووصلتها بس تقريبا وصلت غلط لانى لقيت الانوار كلها اشتغلت والمساحات وكل حاجه المهم عكست ودورت دارت بس بطلت بعد ما دارت بثانيتيين ومن ساعتها وهيا على كده بس لما تزود تفضل دايره باختصار مفيش سلانسيه خالص روحت للكهربائى قاللى الكهربا مفيهاش حاجه دا كربراتير غالبا روحت لبتاع الكربراتير قالى زى الفل ولا فيه حاجه مش عارف اعمل ايه بصراحه هاتجنن وينفع اجرب كنترول تانى غير اللى فيها ولو كنترول يعمل كده

[ahmedharon]

ياريت متغيبوش فى الرد عليا لو سمحتم انا خلاص هاتجنن بجد

[mo7a_mo7a]

ممكن يكون فلتر البنزين مسدود وبالتالي العربية بتبطل علي السلانسيه

[ramyayash]

لتر جاز ابيض عالتانك وهو فاضي وعبي عليه 25 لتر بنزين نضيف 92 ولا حاجة واطلع مشوار خلص كل البنزين ويكون سواقتك وانت حارق عالغيارات لحد ما اللمبة بتاعت البنزين تنور ويكون معاك كام لتر بنزين احتياطي في جركن عبي وارجع فول بنزين من المحطة وبكده هتنضف دايرة البنزين كاملة.. الكلام ده لو اصلا سيارتك بتدور وتفضل شغالة وانت دايس بنزين.. اما لو بتبطل يبقي فلتر غيره وشوف

[Ahmed Amin]

اولا السلام عليكم

جيت من مشورا والعربيه تمااااااام ركنت وطلعت البيت ونزلت بالليل اركب العربيه مش راضيه تدور مفيش مرش خااااالص قولت بطاريه دا بعد ما هزيت فيش البطاريه المهم جبت بطاريه تانيه ووصلتها بس تقريبا وصلت غلط لانى لقيت الانوار كلها اشتغلت والمساحات وكل حاجه المهم عكست ودورت دارت بس بطلت بعد ما دارت بثانيتيين ومن ساعتها وهيا على كده بس لما تزود تفضل دايره باختصار مفيش سلانسيه خالص روحت للكهربائى قاللى الكهربا مفيهاش حاجه دا كربراتير غالبا روحت لبتاع الكربراتير قالى زى الفل ولا فيه حاجه مش عارف اعمل ايه بصراحه هاتجنن وينفع اجرب كنترول تانى غير اللى فيها ولو كنترول يعمل كده

باشا أنت كاتب في منتدي ميستوبيشي
ومكتوب في البروفايل بتاعك انك عندك تويوتا ولانوس !!!
ومش موضح في موضوعك نوع العربية أيه اللي بتتكلم عنها ولا موديل كام
عشان الناس تعرف انت بتتكلم عن ايه وتقدر تساعدك,
بعدين كنترول أيه مع الكربياتير !!

[ahmedharon]

باشا أنت كاتب في منتدي ميستوبيشي
ومكتوب في البروفايل بتاعك انك عندك تويوتا ولانوس !!!
ومش موضح في موضوعك نوع العربية أيه اللي بتتكلم عنها ولا موديل كام
عشان الناس تعرف انت بتتكلم عن ايه وتقدر تساعدك,
بعدين كنترول أيه مع الكربياتير !!

اولا شكرا لاهتمامك ثانيا انا بعت الدايو وجبت لانسر 2001 وهيا اللى فيها المشكله وهيا كربراتير برشاش

[ahmedharon]

دخلتها على جهاز اعطال قاللى الكمبوتر مفيهوش حاجه رجعت لواحد تانى بتاع كربراتير وربنا يستر قاللى اروح اخدها منه بالليل

[ahmedharon]

الحمد لله اتحلت المشكله وحبيت اقول السبب كان ايه لكى تعم الفائده

المشكله كانت فى سلك الارضى اللى واصل للكربراتير يعنى لو عملت تشيك بلمبه وكده فى الفيشه بتاعة الكربراتير هاتنور لان الكهربا واصله والارضى هوا اللى قاطع والحمد لله اشتغلت تمام

[Ahmed Amin]

مبروك علي حل المشكلة ومعرفة السبب. ومشاركتنا بالسبب عشان يفيد اي حد يحصلة نفس المشكلة.
وربنا يبارك لك ف عربيتك.

[ahmedharon]

مشكووووووورين وسعيد بانى احد اعضاء المنتدى
انا استفدت منه كتير وواجب عليا انى ارد جزء من اللى استفدته