خبر عن قرب إنتهاء موديلات البومة

[Dr.lancer]

يظهر إن سنة 2013 حتكون نهاية عصر البومة! كنت فى مناقشة مع أحد مندوبى سمير ريان و أكد لى إن أخر شحنة بوما من اليابان جاية شهر 5 فيها أنواع Half Sport و دى حتكون أخر شحنة للبوما و حيوقفوا إنتاجها من بعد 2013.
كنت فاكر انه بيتوقع أو بيقول لى كده علشان أخلص بس حسيت أن الموضوع بجد فعلا. ده حتى قال لى سواء إشتريت من هنا أو لا توكل و هاتها بسرعة علشان أخر لوط بيبقى أسعاره عالية.

[mi22do]

صعب يوقفوا انتاجها طالما مبيعاتها عاليه , دة رايي

[monamize4]

مش عارف الخبر دا يفرح و لا يزعل !!!!!

[midooo_119]

اعتقد ده وارد جدا المفروض ان الشارك نزلت 2008 و البومة متوقفش انتاجها من ساعتها يبقى كتر خيرهم اوى انا ماشفتش شركة بتعمل كده الصراحه تنزل شكل جديد و تفضل تصنع فالقديم كل المده ديه ولكن ده يدل عالنجاح البومة مش اكتر

[SAMEH_FOUAD]

طبيعى لازم يوقفوا تصنيعها , لان خلاص التكنولوجيا والتصميم اصبح قديم ولا يواكب العصر

دة غير ان خلاص الشكل الجديد من اللانسر المفروض ينزل فى 2014 , فلا يمكن طبعا يقوموا بتصنيع الجيل الجديد وكمان الجيل القديم لان اكيد التكنولوجيا هترجح كفة الجديد طبعا , والفرق مابينهم هيكون قليل فى السعر

[akmm]

على العموم هيا سياره حماله اسيه .........

[S O P H O S]

خسارة لو مفيش بديل قوي زيها يحقق النجاح
مش نرجع لورااا وبسعر اعلي ..

[amro0000]

ربنا يستر من الحديث والاشكال الحديثة الحلوة المنفوخة الي الشعب بتاعنا بيحبها مع الاسف البومة من العربيات العملية جدااا واعتقد لو افورو في الشكل الجديد وزودوها في الكماليات هتبقي العربية معقدة في صيانتها وقطع غيارها وهنشوف العجب زي نيسان الشكل الجديد بصراحة مش عاجبني جدا والقديم كان احسن ربنا يسترررر لست متفائل اوي

[salah_86]

عمور سالتلك على المكيف على فكرة الفريون ملوش صلاحية ولا حاجة ومبتشحنش غير لما يكون فى مشكلة فى التكييف
اتمنى انى اعرف اركب شارك على فكرة العربية دى اللى ظلمها التوكيل الجديد والقديم مش المستهلك لان اسعار قطع غيارها هلامية واسعارها عليت قوى بس هيا حاجة يابانى بسعريابانى وتحس انك راكب المانى

[ahhazem]

ههههههه
ياباشا اكيد قصده انها آخر شحنة لموديلات ٢٠١٣
مش آخر شحنه من البومة
التوكيل بيستهبل ومازال بيطلب منها كل سنه
دي تقريباً مبقتش تتصنع الا لمصر بس
وده علشان خيبته في بيع وتسويق العربيه الشارك طبعاً

[مصراوي جدا]

الخبر ده صحيح 100% وفعلا البومة آخر انتاج لها ابريل 2013

حسب معلوماتي مفيش شكل جديد في 2014 والا كان ظهر بوضوح على النت وفي المعارض العالمية ربما 2015 وما بعدها انما 2014 مفيش لانسر غير الشارك وبدون تعديلات في الشكل كالعادة

[الطنطاوي]

أنا شوفت عربية مكتوب عليها لانسر لا هي بومة ولا شارك افتكرنها اللانسر الجديدة فيها شبه من قدام بالصني الجديدة

[hatem_swaf]

انا كنت ناوى اشترى بومه برضه

متابع

ياريت حد يقولنا نشترى ولا لا

[Dr.lancer]

انا كنت ناوى اشترى بومه برضه

متابع

ياريت حد يقولنا نشترى ولا لا

انا كنت قلقان زيك برضه من موضوع انتهاء موديلها السنة دى بس اكدولى فى التوكيل ان ده ميزة مش عيب نهائي أولا لان كل أسعارها حتعلى و ثانيا لان يحكون معاك آخر موديل ليها قبل توقفها فحتتباع بالغالى لو نويت. بصراحة انا اتشجعت و جبتها موديل السنة دى

[Eng.Peter]

كويس
و للعلم فى اشكال و موديلات فى اليابان مظنش بتتصدر و بيكون تصنيعها للاستخدام المحلى فقط