يا اهل البروتون والمتسوبيشي مقارنة مهمة جدا جدا

[ramyayash]

لسلام عليكم ورحمة الله وبركاته
ازيكم يا اهل البروتون
ويا اهل المتسوبيشي
امتلك سيارة جالنت 2002 في السعودية
السيارة عايزة جوان وش السلندر يتغير
وباقي الاصلاحات غيرتها ومستقرة
السيارة 2000 سي سي وتسارع قوي
في المقابل قدامي سيارة بروتون جين تو موديل 2009 لكن شاريها سنة 2010
عاملة 180 الف كيلو
اوتوماتيك وسينسور بارك ومالتي فنكشن
كاملة فل اوبشن من الاخر
فيها صوت عند التلاجة عاليمين بيقول عايز تغيير البلاستيكاية او يتشال اصلا وتمشي من غيرها
التسارع اكيد اقل طبعا
لكن تكييف وثبات معقول وسيارة حديثة تعتبر عن الجالنت ب8 سنين
انا محتار خصوصا ان الجالنت هنا قطع غياره ممكن تلاقيها مستعملة او تقليد انما البروتون عالتوكيل في الرياض وبس والتوكيل بعيد عني 350 كيلو عالاقل
رايكم في السيارة وهل فرق الموديل يستاهل ولا اخليني عالياباني الجالنت واضبطها؟
خاصة اني كمان بيركب معايا صحابي في السيارة بنروح الشغل 3 ورا وواحد قدام غير السواق اللي هو انا طبعا
رايكم مهم اوي بالنسبة ليا

[M I D O]

لا كدة كملت بعربيتك احسن الجين 2 ضيقة من ورا وكمان بتقول قطع غيارها بعيدة عنك لا خلاص سيبك منها

[MITSUKERO]

ادخل منتدي بروتون و شوف بيقولوا ايه علي فراملها و الحوادث اللي بتعملها

[yousefsemsem]

ادخل منتدي بروتون و شوف بيقولوا ايه علي فراملها و الحوادث اللي بتعملها

يعني ياباشا هي بعد اذنك يعني فرامل الانسر اللي حلوه

[MITSUKERO]

يعني ياباشا هي بعد اذنك يعني فرامل الانسر اللي حلوه

ياعم الاتنين وحشين بس البروتون من كلام الناس بتموت !!! بس

و لو عايز رايي الشخصي في فرامل الانسر من غير ما اركب بروتون : الفرامل معايا مريحاني جدا و عمرها ما زعلتني علي الرغم من انها مش abs و قديمة موديل 99

البروتون الناس اللي ركباها هي اللي اشتكت و انا عمري ما كنت اعرف اي حاجة عنها

شوفت بسيطة ازاي

[yousefsemsem]

ههههههههههههههههههههههههههه
ياعم هي كلها بسيطه وكل حاجه
بس البروتون فراملها وحشه ليه الاي بي اس الياباني كله وحش مش حلو زي الالماني
فرامل الجين تو حلو بكتييييييييييييييييييييييييييييييييييييييييييير من غير الاي بي اس انا معايا بروتون ويرا عفشتها هي هي الانسر وفراملها هي هي الانسر
بس اتقل من الكرستاله فالفرامل فيها وحشه مع ان سحب المكنه اعلي من الكرستاله بتتعدل لفرامل الميراج بتبقي ولا كلمه
الفكره اننا في مصر اي توكيل ممكن يجيب العربيه رايحه في داهيه في سبيل انه ينزل جماركها ويبعها بنفس السعر علشان يكسب
انا ليا اتنين صحابي بره واحد معاه بروتون ويرا زي بتاعتي وكان بيتحايل عليا يجبهالي تربتك اخد اللي عاوزه منها ويرجعها تاني عربيه ولا كلمه كل حاجه فيها والتاني معاه جين تو وكان راكبها هنا في مصر قبل مايسافر بيقولي انها تدي اللي في مصر لو مؤاخده بالجزمه وفي الاول والاخر مافيش عربيه مابتخلاش من المشاكل
فانا برجحله يخليه في الجالانت لو هو مش عاوز يخبط المشوار علشان الصيانه لكن لو هو مستعد لكده
فيجيب الجين وهو مستريح وده مجرد راي

[ramyayash]

متشكر يا رجالة عالمشاركة بس برضو ما وصلناش لنتيجة
البروتون انا جربتها وفراملها مش اقوى من الجالنت فعلا
ضيقة بس اقتصادية وحديثة
الجالنت متانة الياباني القديم بس برضو 11 سنة مستخدمة
الجين تو هنا مش زي اللي في مصر
اللي هنا فل اوبشن تماما وتقفيل بلدها ومرايات كهربا ومالتي فنشكن والذي منه
انا محتار خصوصا ان الجالنت عايزة طقم شنبر وخايف بعد ما اعمله تفتح بوقها في حاجات تانية

[جيفارا]

دخلها ف جالانت حالتها احسن من عربيتك...
الميتسوبيشي بيعها لواحد مصري واشتري من السعودي...
الجالانت هي حلم من احلامي... ومرسي حطمه منهم لله...

[ramyayash]

مرسي حطملك حلم الجالنت؟ ليه الجالنت اتاخونت؟

[eslamhamdy]

و اللهى يا باشا بما انى معايا لانسر هنا و اتروقت فى قطع الغيار خصوصا ان العيسائى متوصى الصراحه فى القطع بتاعتهها
فالافضل و تريح دماغك يا تويوتا يا هيونداى من الاخر

[ramyayash]

للاسف رحت اعمل طقم شنبر وبعد ما جبت طقم كامل وجه يركب لقي الشكل مش مضبوط وفضلت الف كتير لحد ما لقيت واحد مصري هو الوحيد اللي بيعمل طقم تفصيل عملي الطقم كامل واشتريت صوفة وشوية حاجات غالية جددددا
وجلدة البلوف رحت اشتريها من التوكيل لقيت 16 قطعة ب500 ريال رحت توكيل هيونداي لقيت نفس المقاس والشكل ال16 قطعة اصلي ب60 ريال اشتريتهم وربنا يسهل وينفع يركبو
السؤال الاخير جلد المقص والركب عايزين يتغيرو والمتسوبيشي لازم تغير المقص كاملا وتمنهم 2500 ريال
اتنين يمين واتنين شمال واحد علوي وواحد سفلي
طبعا حرام ادفع كده عشان شوية جلد وفي نفس الوقت العربية بتعوم خصوصا لو مشيت علي مياه او مكان خشن
الحل ايه؟

[ramyayash]

الحمد لله غطا البلوف بتاع الهونداي ركب مضبوط والمقصات في المخرطة بيتركبلها جلد مش بتاعتها بيضبوطها عشان تبقي نفس المقاس.. لما استلم هقولكم ايه الجديد والوضع

[د.أبونضال]

طب كويس إن فيه مخرطة في السعودية ...تحيا جمهورية مصر العربية... ربنا يتم تصليح العربية على خير.

[ramyayash]

ياعم هنا المخارط والتكنولوجيا اللي فيها ونوعية العمالة اللي شغالة فيها عبااااقرة وحريفة بجد.. هنا المخارط بتطلع شغل المواتير والحاجات دي مفيش فيها غلطة .. الحمد لله السيارة استلمتها وماشية الحمد لله بس حاسس صوتها خشن شوية الراجل قالي اسبوع كده وهتنعم معاك.. اما المقصات اتخرطت والسيارة مبتش بتعوم بس بتطقطق كتير وانا مريح راسي من الطقطقة المهم متلعبش بيا عالطريق.. الحمد لله راتب الشهر اتصرف تصليح عالسيارة من قبل ما يبدا الشهر .. ههههه