شوية اسئلة لخبراء الزينون

[delaga]

لانسر 2007 عايز اركب لها زينون
هل فعلا بيأثر على عمر الفوانيس وايه الاحسن اجيب فوانيس ديبو واعمل فيها اللى انا عايزه واركن الاصلية وهل مش هاتصفر اسرع وهاتستحمل الزينون؟؟
وبالنسبة للبطارية هل الزينون بيأثر عليها جامدة وبيقلل عمرها
واصلا لو ركبت زينون هالعب فى كهربة العربية ولا الموضوع عادى
وللانسر نوع المبة اللى فيها h كام
ولانسر هى لمية واحدة عالى وواطى ؟؟؟؟
وايه الفرق بين 35 وات 55 وات
وايه الفرق بين 4300 كلفن و 6000 و 8000 وهل بيأثروا على حاجة دول كمان
معلش اسئلة كتيرة شوية استحملونى

[lamada]

احنا نروح القسم

[salah_86]

بص ياباشا انا مش خبيرب ولا حاجة بس هرد عليك عن تجربتى الشخصية
بص اللى انا عملتة انى اصلا شايل الفوانيس الامامية والخلفية وحاططهم فى البيت نظرا للعك بتاع الموتوسيكلات والتريسكلات وخلافة وخايف عليهم لانهم اصلى وجايب الديبو اتنين قدام واتنين ورا
وركبت زينون نوع صينى ب 350 جنية كانت اللمبة 35 والجهاز كان 8000 كلفن بس رؤيتة كانت حلوة وهو مبيلعبش فى كهربة العربية فى حاجة هو الزينون بيبقى جاى بضيفرتة وبياخدلة وصلة مباشرة من البطارية حتى الكت اوت بتاع الزينون بتبقى جاية معاه
بس نصيحتى ليك بلاش
ليه؟
بس انا ركبتة ومكنتش فاهم الفرق بين ان فانوس عربيتك يكون مجهز اصلا لانه يركبلة زينون او لا
كنت بعمى اللى قدامى خالص برغم من ان اللمبة كانت 35
واللى عرفتة ان لازم يكون فانوس عربيتك مجهز ب بريجكتور مخصوص للزينون علشان يبقى مركز ويكون هادى وعلى خط مستقيم ومش مشتت وميعميش اللى قدامك
فبصراحة استحرمته وشيلتة برغم ان اخر يومين كان فى جهاز من الاتنين اتحرق وغيرتة علشان فى الضمان وادينى لحد دلوقتى راكنة عند الكهربائى بتاعى عمال يبيع منه حتة حتة قطاعى
اتمنى اكون افدتك
ولو زانق قوى فى الزينون بدل ما تجيب فوانيس ديبو زى الاصلى هات فوانيس فيها عدسات ولو انى مبحبش اغير فى شكل العربية الاستوك

[aboamina]

نصيحة مني بلاش الزينون المبالغ في نوره...انا بقالي اكتر من 10سنين بسافر على طريق القاهرة شرم وغالبا بسافر بالليل وماقدرش اوصفلكوا قد ايه بعاني لما يقابلني عربية مركبة زينون ابو نور مبالغ فيه...فعلا ما بشوفش اي حاجة وبحس بالخطر جدا جدا عند مقابلة اي عربية من اياهم في المنحنيات الكتير اللي في الطريق وسمعت عن حوادث كتير بسبب الموضوع ده...ناس كتير بتحب تركبه وتستعمله عشان لما بيجي ورا عربية سايقها واحد زي حالاتي ويضرب النور فيه اول حاجة بيعملها انه يعدي العربية دي ويخلص من نورها باي طريقة وطبعا ابو زينون بيعدي ويدور على اذى اللي بعده وبيفتكر ان دي شطارة. انا اتعرض عليا يجيلي زينون كامل هدية ببلاش ورفضت لاني لان الرسول ص امرنا باماطة الاذى عن الطريق مش بتركيب الاذى في عربياتنا وناذي كل اللي في الطريق.

[delaga]

احنا نروح القسم

ايه بلاش اسأل يعنى

[delaga]

بص ياباشا انا مش خبيرب ولا حاجة بس هرد عليك عن تجربتى الشخصية
بص اللى انا عملتة انى اصلا شايل الفوانيس الامامية والخلفية وحاططهم فى البيت نظرا للعك بتاع الموتوسيكلات والتريسكلات وخلافة وخايف عليهم لانهم اصلى وجايب الديبو اتنين قدام واتنين ورا
وركبت زينون نوع صينى ب 350 جنية كانت اللمبة 35 والجهاز كان 8000 كلفن بس رؤيتة كانت حلوة وهو مبيلعبش فى كهربة العربية فى حاجة هو الزينون بيبقى جاى بضيفرتة وبياخدلة وصلة مباشرة من البطارية حتى الكت اوت بتاع الزينون بتبقى جاية معاه
بس نصيحتى ليك بلاش
ليه؟
بس انا ركبتة ومكنتش فاهم الفرق بين ان فانوس عربيتك يكون مجهز اصلا لانه يركبلة زينون او لا
كنت بعمى اللى قدامى خالص برغم من ان اللمبة كانت 35
واللى عرفتة ان لازم يكون فانوس عربيتك مجهز ب بريجكتور مخصوص للزينون علشان يبقى مركز ويكون هادى وعلى خط مستقيم ومش مشتت وميعميش اللى قدامك
فبصراحة استحرمته وشيلتة برغم ان اخر يومين كان فى جهاز من الاتنين اتحرق وغيرتة علشان فى الضمان وادينى لحد دلوقتى راكنة عند الكهربائى بتاعى عمال يبيع منه حتة حتة قطاعى
اتمنى اكون افدتك
ولو زانق قوى فى الزينون بدل ما تجيب فوانيس ديبو زى الاصلى هات فوانيس فيها عدسات ولو انى مبحبش اغير فى شكل العربية الاستوك

اولا شكرا على الرد
ثانيا انا فعلا ناوى احط عدسات فى الفوانيس قبل ماركب الزينون بس عندى سؤال بالمرة اجيب فوانيس بالعدسات جاهزة ولا اركب العدسات على الفوانيس الاصلية ؟؟؟

[delaga]

نصيحة مني بلاش الزينون المبالغ في نوره...انا بقالي اكتر من 10سنين بسافر على طريق القاهرة شرم وغالبا بسافر بالليل وماقدرش اوصفلكوا قد ايه بعاني لما يقابلني عربية مركبة زينون ابو نور مبالغ فيه...فعلا ما بشوفش اي حاجة وبحس بالخطر جدا جدا عند مقابلة اي عربية من اياهم في المنحنيات الكتير اللي في الطريق وسمعت عن حوادث كتير بسبب الموضوع ده...ناس كتير بتحب تركبه وتستعمله عشان لما بيجي ورا عربية سايقها واحد زي حالاتي ويضرب النور فيه اول حاجة بيعملها انه يعدي العربية دي ويخلص من نورها باي طريقة وطبعا ابو زينون بيعدي ويدور على اذى اللي بعده وبيفتكر ان دي شطارة. انا اتعرض عليا يجيلي زينون كامل هدية ببلاش ورفضت لاني لان الرسول ص امرنا باماطة الاذى عن الطريق مش بتركيب الاذى في عربياتنا وناذي كل اللي في الطريق.

حضرتك انا ناوى اركب عدسات فى الفانوس ودى بتخلى النور مايضايقش اللى قدامك لانها بتجمعه وبتمنع تشتيته

[aboamina]

حضرتك انا ناوى اركب عدسات فى الفانوس ودى بتخلى النور مايضايقش اللى قدامك لانها بتجمعه وبتمنع تشتيته

انا مش ضد الزينون والسلام انا ضد الزينون ابو نور مبالغ فيه اللي بيتعمدوا يركبوه بعض الناس عشان يقلبوا الطريق قدامهم ضهر بدون مراعاة تأثير ده على باقي العربيات.
على العموم ربنا يوفقك وتركب احسن زينون في الدنيا

[delaga]

انا مش ضد الزينون والسلام انا ضد الزينون ابو نور مبالغ فيه اللي بيتعمدوا يركبوه بعض الناس عشان يقلبوا الطريق قدامهم ضهر بدون مراعاة تأثير ده على باقي العربيات.
على العموم ربنا يوفقك وتركب احسن زينون في الدنيا

اولا ربنا يخليك
ثانيا انا مش عايز اركب زينون ميهر وخلاص لا انا عايز اضاءة كويسة ليا وفى نفس الوقت ماتضايفش اللى قدامى علشان كده هاركب العدسات