محتار فى تركيب فرش الكهرباء الجديد

[sonystar]

انا جايب فرش ابواب كهرباء لانسر 98
هما بتوع عربية يمين وكلة قالى بيركبوا المهم وانا بركهم الكهربائى لقيتة بيقولى اللوحة مش عايزة ترفع الثلاث ابواب انما الباب الرئسى بيرفع عادى وكل باب بيرفع الزرار بتاعة لاكن اللوحة لا فا انا قاعد فى قرية فا انا جيبهم من المنصورة لما كلمت اللى انا جايبهم منة لقيتة بيقولى دى لعبت الكهربائى لانة بيقسمهم فا الكربائى قالى اصل الفيشة اللى فى اللوحة طالع منها 8كلابسات والمفروض يكونوا اكتر

معلش لو كنت طولت عليكم فا ياريت لو حد عارف يقولى اعمل اية

[sonystar]

12 مشاركة ومفيش رد يعنى مفيش حد هنا جايب فرش كهرباء ومعدلة كنت عايز اعرف اللوحة الرئيسة اللى جاية مع الفرش بترفع الاربع شبابيك ولا اية ياريت حد يفدنى

[el diesel]

والله يا فندم ما تزعلش واكيد اللى دخل وشاف ولو كان عنده معلومة واحدة كان رد بيها على حضرتك
"من قال لا اعلم فقد افتى " ومحدش عاوز يقولك معلومة خطأ ليس الا
وان شاء الله حد من الشباب هنا عنده معلومة اكيدة يرد على حضرتك

[yousefsemsem]

الفرش لو شمال هيشتغغل من غير تعديل لكن انا جايبه يمين يبقي تبدا تعدل في اللوحه الي انت جايلها وتتقسم تاني

[M.Elgergawy]

يا على دا شغل كهربائي لازم يقسم الكهربا على الزراير
وبعدين هو بيعكس البابين الامامي عشان تشتغل معاه
يعني الزرار الشمال يفتح ويقفل اليمين والعكس
انما الخلفي زي ماهو

[AbO MosTaFa]

السلام عليكم

انت تقريبا مش جايب المكن بالضفيرة بتاعته الكاملة لان الضفيرة بيبقي فيها فيش بتركب علي طول من غير لعب فيها

الحاجة الي انت بتجيبها اسمها ضفيرة سنتر

وبتروح لخراط عشان يعمل خرمين في البابين الي ورا

والتقسيم بيكون في الضفيرة بعيد عن لوحة المفاتيح

[yousefsemsem]

لما انت كلمتني ياعلي امبارح ماقولتليش انها بتاعت يمين انا فكرت انك جايب الشمال عادي فعلشان كده اشتغربت
لكن هي لازم تتقسم تاني ولو ماعرفتش انت قريب مني قفل عربيتك وهاتها اوديك لواحد هيقسملك الضفيره بتاعت باب السواق ويشغلهالك

[sonystar]

الضفيرة جاية كاملة راكبة على الفيش علطول لاكن فى تقريبا سلك واحد طلع من اللوحة مسئول عن الثلاثة الباقين تقريبا دا رايح على الفيشة الريئسى وبيتقسم على 3كتاوت انا لسة مخلصتش كهرباء فاضل بكرة يارب نوصل لحل لانى زهقت

[momo44]

فيشة الباب الرئيسى نوعبن
نوع صغير (زى اللى مركبه جرجاوى)
ونوع كبير
والاتنين بيرفعو كل الابواب طبعاااا

[Eng.Peter]

انا مش متخيل اللوحة او بمعنى ادق مشفتهاش على الواقع
بس لو هى لير واحد ممكن تفك الزراير من على البوردة
و تقلبها و تلحمهم من الناحية الثانية و بكده إتحلت مشكلة يمين و شمال

لو صورتها هيكون افضل

[sonystar]

لا المشكلة مش فى اليمين والشمال المشكلة ان اللوحة فيها اربع زراير المفروض يرفعوا لاكن لا الرئيسى هوا الوحيد فى الاربعة هوا اللى بيرفع بس لاكن الثلاثة الباقين لا فى حاجة ان الفيشة بتاعة الضفيرة بتاعة اللوحة طالع منها 8سنون والباقى فاضى يعنى عملية ملعبكة لاكن فيشة اللى فى قايم الباب داخل فيها سلوك كتير انااحترت وتعبتكم معايا