كانت فى محاولة لتثبيتى ومازلت مصدوم

[salah_86]

من حوالى اسبوع كدا وانا راجع من الشغل حوالى الساعة 2 بليل قبل قيادة الطريق السريع فوجئت بعربية سيراتو كانت ماشية قبلى بشوية متفيمة ومكنش عليها نمر بيهدى فجيت اعدية لقيتة بيزنق عليا وفجأة لقيت قدام العربية 2 لفين على وشهم شال اسود وماسكين سلاح واحد شايل مسدس والتانى آلى والسيراتو عمالة تزنق عليها حاولت اهدى واقف والف لقيت نفسى قربت قوى من الاتنين اللى كانو واقفين بالسلاح انا كنت ماشى على الخامس على سرعة 80 تقريبا سقطت نقلتين وجيبت التالت ودوست بنزين باقصى سرعة ولقيتنى بدون احساس شيلت اللى كان ماسك المسدس ولقيت نفسى طيرتة بالعربية والتانى وعا عن العربية بس خبط بالآلى الفانوس الخلفى يمين وكسرة وسمعت صوت ضرب نار عليا ولقيت العربية بتحدف منى يمين عرفت ساعتها انهم ضربو عليا نار على الكاوتش الخلفى يمين واكيد دا اللى كان وقع اللى كان ماسك المسدس تقريبا لانى سمعت صوت طلقة واحدة اما الآلى اعتقد انه بيضرب كذا طلقة ورا بعض
وتنيتنى ماشى بالعربية بحاول اجرى باى طريقة لحد ما وصلت للهايكستب ودخلت على العساكر وقفوا معايا والعربية السيراتو كملت على طول
مش عاوز اقولكم انا لحد دلوقتى مش عارف اركب العربية تانى ومش جايلى قلب اسافر بيها تانى
الخساير كانت فردة كاوتش لسة مكملتش شهرين اشتريت واحدة جديدة لما وصلت شبين الكوم
والفانوس الخلفى شمال ودا كان لحسن حظى الحمد لله ديبو مش اصلى جبت واحد غيرة ديبو
والحمد لله انى كنت من فترة شايل الفوانيس الاصلى وعاينهم فى البيت
مش عارف اتكلم قوى بس مش قادر اقول غير حسبى الله ونعم الوكيل

[BLACKVERNA]

المهم حمدلله على سلامتك

و نفسى يبقى فيع عقاب رادع لكل من تسول له نفسه

حسبى الله و نعم الوكيل

[S O P H O S]

الحمد الله انك بخير

[hamaka]

ألف حمد الله على سلامتك و جدع انك طيرت واحد منهم بالعربية ، البلد نضفت من واحد منهم عقبال الباقيين ان شاء الله....

[eng.khater]

الف حمدله علي سلامتك الحمد الله انك بخير معلش ربنا بسترها علينا جميعا ويبعد عنا كل سوء ومعلش هدي اعصابك شويه ومتركبش العربيه لحد لما تهدا

[speed_magnum]

الف حمدالله علي سلامتك
ويا بختك اخدت حقك وطيرت واحد منهم غيرك بيتثبت وبيموت ولا حد بيعبره .....
هي فين قيادة الطريق السريع ؟؟

[MOTOR HEAD]

حمد لله على سلامتك

انت اتصرفت صح

[salah_86]

قيادة الطريق السريع دى بعد نفق السلام
الله يسلمكم جميعا بجد انا لسة جسمى بيرتعش لحد دلوقتى موقف رهيب جدا

[د.محمدعبدالعال]

الحمد لله على سلامتك يا ريس .. هو ده شغل المنايفة الجدعان ... ربنا يسترها علينا جميعا

[طارق _عبد السلام]

حمد لله على سلامتك واللى انت اعملته صح الصح

خلى بالك الخوف ده هيلازمك فتره وهيروح ان شاء الله
اخوك اتثبت مرتين والحمد لله ربنا نجانى ولحد دلوقت اى عربيه مفيمه او موتوسيكل او فسبا بتعدى من جنبى بتخلينى انسى الطريق واركز جدا معاهم واحاول ابعد بأى طريقه
ربنا ينجى الجميع ويحفظهم

[mohammed dodda]

الحمد لله على سلامتك...لاحول ولا قوة الا بالله ربنا يكفينا شر العباد

[kareem_eg]

الحمد لله علي سلامتك .. كفانا الله و اياكم مثل هذه المواقف

[blazer]

حمد لله على سلامت حضرتك
والتصرف الصح انك شلت واحد منهم لان دا خلاهم اكيد ارتبكوا

بس هل الى خبطته دا مات ولا مسكوه ولا ايه الى حصل؟
وازى الجيش متصرفوش او حاولو يمسكوهم

[محمد طايع]

الحمد لله على سلامتك
وانت اتصرفت صح
يا رب الدنيا تنظبط والأمن يرجع شويه زى زمان

[ahmedabutaleb]

حمد لله على السلامه والحمد لله انها جت على اد كده.