إعـــــــلان

Collapse

.

,
See more
See less

عملت حادثة باللانسر.... (مخنوووووق جدا جدا)العربية عاملة 1200 كيلو بس

Collapse
X
 
  • Filter
  • الوقت
  • Show
Clear All
new posts

  • عملت حادثة باللانسر.... (مخنوووووق جدا جدا)العربية عاملة 1200 كيلو بس

    امبارح راجع من خروجة لذيذة ماشى فى امان الله
    وخارج من شارع جانبى مقابل للشارع اللى ساكن فيه يا دوب بخرج بالكبوت عشان اشوف حد جاى ولا لأ
    وموتسيكل جاى طاير لبس فيا من غير حتى ما يفرمل ناحية الباب اللى جانب السائق
    انا اتجننت ونزلت واذا بالمفاجأة
    الاكصدام كلو واقع على الارض والعربية بتنزل مية كتير تقريبا من القربة بتاع المساحات والرفرف داخل لجوة من فوق كدة وحكيتين جامدين جدا فى الرفرف برضو
    انا لما نزلت من العربية سبتها دايرة ومختش بالى كنت نازل هقتل الواد لقيت جيرانى اتلمو وحشونى وواحد خدنى على جنب وقالى هتعمل ايه خلاص يعوض عليك ربنا هتاخد منو كام يعنى بقيت هتجنن العربية لسة زيرو بقالها شهر بس معايا مش معقول انا حاسس انى فى كوكب تانى
    المهم لما لقيت مفيش صوت تخبيط فى الموتور قلت الحمد لله انها جات فى الاكصدام
    النتيجة الاجمالية الاكصدام سليم جدا خدوش بسيطة
    القربة بتاعة المساحات اتكسرت الاكصدام فيه كذا خبطة الكبوت مكنش بيقفل بعد ما فتحتو
    المهم الناس لصمو الاكصدام وركنتها فى الجراج لحد الصبح
    الحج طبعا زعقلى بعد ما الشارع سيحلو قبل ما يجى البيت وجاب تانى يوم سمكر اقل ما يتقال على استاذ
    ظبط العربية والكلبسات بتاعة الاكصدام كلها اتكسر ظبطتها تانى وخد 80 جنيه بس وكمان لحم القربة بمعجون اسمو معجون حديد
    المشكل بقى ان الرفرف شكلو زبالة بعد ما رد الحتت اللى دخلت لجوة والدهان كمان طلع بس مش كتير اوى بس واضح
    بس عموما الحمد لله الحمد لله الحمد لله انها جت على قد كدة
    بس بجد الاحساس ده صعب اوى ويا رب محدش يحس بيه
    عموما انا مش هخرج بالعربية كمان شهر كدة لحد ما انسى
    الحمد لله على كل شىء
    واسف على التطويل

  • #2
    اسف على الغلطة (سمكر اقل ما يتقال على استاذ)
    الحج جاب سمكرى اقل ما يقال عليه انو استاذ

    Comment


    • #3
      ان شاء الله ترجع زي الاول ......و ربنا يكفيك شر الطريق
      [FONT="Century Gothic"][CENTER]Eng.Mo'men Hamdy Fahmy[/CENTER][/FONT]

      Comment


      • #4
        ادهن الرفرف و العربية لسه دهانها جديد فمش ها يبان فرق لون
        بس طبعا ادهن سكينز
        أخوكم/ أبو حمزه

        Comment


        • #5
          معلش احمد ربنا على كل شئ وكل دا هيتنسي اومال لما تجيب ال 750il
          هتعمل ايه احمد ربنا انها جت على قد كدا
          [COLOR="Purple"][FONT="Comic Sans MS"][SIZE="4"]ERROR[/SIZE][/FONT][/COLOR]

          Comment


          • #6
            المشاركة الأصلية كتبت بواسطة sabbagh مشاهدة المشاركة
            ادهن الرفرف و العربية لسه دهانها جديد فمش ها يبان فرق لون
            بس طبعا ادهن سكينز
            معلش لو سمحت هو ايه دهان ال سكينز دا ؟؟؟؟ لو سمحت
            [FONT="Century Gothic"][CENTER]Eng.Mo'men Hamdy Fahmy[/CENTER][/FONT]

            Comment


            • #7
              قدر الله و ماشاء فعل

              Comment


              • #8
                متشكر جدا على المشاركات
                بس بليز ايه هوا دهان السكينز ده؟
                وسعرو كام؟
                وبعدين العربيه لونها شامبين فيه دهان سكينز لونو شامبين ؟
                بابا راح يسال على دهان قالولو كلو سيلفر مرضاش يجيبو عشان مش زى لون العربية اوى مع ان الشامبين قريب من السيلفر جدا

                Comment


                • #9
                  السكنز دة نوع دهانات
                  سعر الكيلو منة 320 جنية
                  واكيد هتلاقى شامبين إن شاء الله
                  ومتشريش لون مقارب او مشابة , اصبر لحد ما تلاقى لون عربيتك بالظبط
                  لإن اكيد العربية ليها كود للون
                  اللى هو تقريبا A17 (من موقع متسوبيشى مصر)
                  بص وإتأكد برضو

                  Comment


                  • #10
                    صورة فيها توضيح للألوان

                    Comment


                    • #11
                      ربنا يسترها معاك ومعانا
                      وترجع عربيتك زى الاول ان شاء الله

                      Comment


                      • #12
                        rabena ye3awad 3alik we kadar allah we masha2 fa3al wel mohem enak saleem ya 3am
                        matz3alsh nafsak kda

                        we ha2olak nasi7a 3ahan 7asaly haga zayak kda, so2 el 3rbya 3ala tool law a3adt shahr haterg3 hateb2a me2ala2 awy we law mesh mestahel, khod balak enta bas we el7dl enha gat saleema
                        [CENTER]
                        [/CENTER]

                        Comment


                        • #13
                          قدر الله و ما شاء فعل ....كان ممكن تبقى أوحش من كده بكتير ....لو كل واحد أتخبط قعد شهر في البيت ....الشوارع كلها حتفضى ....هون عليك يا أخي الفاضل
                          [CENTER] [/CENTER]

                          Comment


                          • #14
                            يراجل هى دى حادثة انا فكرت حاجة جامدة الحمد لله انها جت على قد كدا و عادى اتعود على كدا احنا فى مصر يعنى

                            Comment


                            • #15
                              اخي انا مقدر والله شعورك ولكن قدر الله وماشاء فعل والحمد للة احمد ربنا انك سليم والحج بخير ودي في الاخر دنيا ومسيرك تسبها ولعل الله فعل ذلك لرفع بلاء عنك
                              راي انك تروح لواحد بتاع دكو كويس جدا جدا جدا ومش عتحس ان العربية فيها حاجة وبكرة تنسي ياسيدي اكتر من اننا بننسي ال مات من اعز الاهل لو انت من اسكندرية انا اعرف واحد بتاع دوكو كويس خلي بالك الموضوع مش موضوع نوعية البوية المهم الخدمة ال تحته والصنعة وانصحك غير القربة علشان تنسي

                              Comment

                              Working...
                              X