فرح ابن العمده شغااااال عندى فى الشارك وكله بسبب اهمالى

[Sa3D ALEX]

اول مشتريت الشارك كان فيها مساعد امامى شمال بدأ يجسب زيت والصنايعى قالى ممكن تسيبه شهرين تلانه اربعه يشتغل معاك يعنى المهم كسلت لحد مجابت اخرها والنتيجه لما روحت لصنايعى النهارده كتبلى الرووووشته الجامده دى

1 _ مساعد جديد ويفضل اجيب اتنين بالبطاحات بتاعتهم
2_ اربع جلب مقصات و2 بيضات بتاعتهم ( المقصات سليمه )
3_ اتنين دراع الاسكتره
4_ قاعده موتور خلفيه ( لان الموتور كمان بقى بيعمل دردره فى الطالعه والمرشديل ) ويفضل اجيب الطقم كامل
5_ شغل الصيانه التقليدى ( تيل فرامل - فلتر هواء - بوجيهات )


وكده هتستلم منى العربيه عروسه وربنا معاك

ونصيحه من اخ بلاش كسل فى العفشه بالذات لانها بتجر كتير وبتخسر كمان اكتر

دلونى ايه اللى اجيبه من التوكيل وايه الى اجيبه من المحلات ايه المستعمل وايه الجديد ايه التايوانى وايه اليابانى علما بانى عايز ألم الموضوع باقل تكاليف وجوده مضمونه بردو وياريت بالاسعار حتى لو اى حد جاب اى قطعه يقولى تمنها وجزاكم الله خيرا

[mimohsen]

حضرتك واثق في الصنايعي ده ... لان انا اهملت زيك وبتاع العفشه قالي انت تقريبا مفيش مساعد يمين من كتر ما خربان ولما غيرت المساعدين الامامي بالبطاحات ... قالي كل حاجه زي الفل ومرضيش يغير حاجه تانيه لان كله تمام

[MITSUKERO]

بتعمل الشغل عند مين ؟

المساعدين هاتهم جداد او استيراد بس علي التجربة و قاعدة الموتور اصلي

جلب المقصات اصلي

تيش الاسكاترة او دراع الاسكترا يا تكبس اللي عندك يا تجيبة اصلي و لو غيرته خد القديم و اقوله تكبسه عند مين و تخليه احتياطي

و بالله عليك ابعد عن الصنايعية الكفتجية العربية دي حاجتها نااااااااااااااااااااااااار غالية جدا و الغلطة بفلوس كتير

[yousefsemsem]

بص نصيحه غير اللي هو قالك عليهم انا معايا النترا 2008 جايبها من الزيرو وغيرت كل اللي انت قولته من غير مساعدين وﻻ قواعد بالرغم اني مكنتش بشتكي من حاجه بس قولت اهي صيانه لان كانت اول مرة افك مسمار من العفشه العربيه نعمت بصراحه واتزنت اكتر علي السرعات العاليه

[Sa3D ALEX]

حضرتك واثق في الصنايعي ده ... لان انا اهملت زيك وبتاع العفشه قالي انت تقريبا مفيش مساعد يمين من كتر ما خربان ولما غيرت المساعدين الامامي بالبطاحات ... قالي كل حاجه زي الفل ومرضيش يغير حاجه تانيه لان كله تمام

حضرتك جبت المساعدين جداد ولا استعمال وانا ناوى اروح بيها عند واحد تانى واتنين وتلاته

بتعمل الشغل عند مين ؟

المساعدين هاتهم جداد او استيراد بس علي التجربة و قاعدة الموتور اصلي

جلب المقصات اصلي

تيش الاسكاترة او دراع الاسكترا يا تكبس اللي عندك يا تجيبة اصلي و لو غيرته خد القديم و اقوله تكبسه عند مين و تخليه احتياطي

و بالله عليك ابعد عن الصنايعية الكفتجية العربية دي حاجتها نااااااااااااااااااااااااار غالية جدا و الغلطة بفلوس كتير

والله حضرتك ده واحد هنا فى اسكندريه وصفهولى واحد صاحبى وده ميكانيكى شغال فى البى ام فقط بس هروح لواحد تانى عفشجى صرف واخد رأيه وانا عندى احساس ان مش كل ده خربان علما بأن العربيه ما شاء الله ولا بتحدف ولا فيها زوايه وده الامر اللى شككنى فى الراجل ده خاصه انه مستغرب جدا انها مبتحدفش

بص نصيحه غير اللي هو قالك عليهم انا معايا النترا 2008 جايبها من الزيرو وغيرت كل اللي انت قولته من غير مساعدين وﻻ قواعد بالرغم اني مكنتش بشتكي من حاجه بس قولت اهي صيانه لان كانت اول مرة افك مسمار من العفشه العربيه نعمت بصراحه واتزنت اكتر علي السرعات العاليه

والله انا نفسى اعمل كده بس حضرتك عارف حاجه العربيه دى نار فمضطر اصلح اللى خربان خالص فقط

[S O P H O S]

فعلا دي مشكلة اي عربية
تهمل مشكلة بعد فترة تصبح مشاكل مش مشكلة