الاسعار جابت ليا جلطة

[SALAH ELDIN]

اية الاحباط دة
النهاردة لسة قارى عن اسعار البيجو 301 سيدان جديدة فى مصر 1600 سى سى
اولا شكل وهم وامكانيات وهم والاسعار وهم الوهم ارخص من اللانسر2013 1600 cc
احنا انضحك علينا يا رجالة
معلش عاوز اى حد من الجماعة قدماء الميتسوبيشى لانسر يبرد نارى شوية
لية كدة
وهل فعلا اليابانى يستاهل فرق السعر للامكانيات دة
-يعنى الانسر فاضية وكلنا عارفين انها فاضية يعنى لا الباور والتكييف ولا السنتر بقت كماليات دى بقت اساسيات صح
فى المقابل نجد البيجو والسيتروين كل دول وفيهم abs epd وحاجات تانية كثير من اول فئة لاخر فئة وامكانيات وشكل اكثر من رائع واسعار مقاربة ان لم تتسوى مع اللانسر

[IronHead]

البيجو ال301 والسيتروين اليزيه فعلا نازلين بسعر تنافسى جدا وافضل قيمه سعريه قصاد الكماليات والتجهيزات فى الفئه دى
بس يظل اليابانى افضل فى الاعتماديه وقله الاعطال والتكييف وسعر اعاده البيع فمتزعلش نفسك

[SALAH ELDIN]

البيجو ال301 والسيتروين اليزيه فعلا نازلين بسعر تنافسى جدا وافضل قيمه سعريه قصاد الكماليات والتجهيزات فى الفئه دى
بس يظل اليابانى افضل فى الاعتماديه وقله الاعطال والتكييف وسعر اعاده البيع فمتزعلش نفسك

ما هو دة الى مصبرنى
ان انا عارف ان الفرنساوى كلة عاوز عناية و تحسيس و طرق نضيفة والتلاتة مش موجودين
وتوكيل محترم ودة كمان مش موجود
--
بس دة برضة مش مبرر لرفع سعر اليابانى كدة
الا اذا خبر تخفيض جمارك السيارات الفرنسى دة بقى صح
انا سمعت مجرد خبر

[M.Elgergawy]

هو سعر البيجو كام واللانسر كام

[SALAH ELDIN]

يا باشا لم نعرف ان البيجو مثلا بدأت ب 108 الف والهايى لين ب 138 تيجلك جلطة ولا لا

[M I D O]

بص يا باشا هجبلك الخلاصة العربيات الاوروبي عموما بتبيع عربية اساسياتها abs & ebd & air bags وطبعا باقي الكماليات الي موجودة في اي عربية تانية باور تكييف وهكذا يعني بتديك مقابل قدام الفلوس الي بتدفعها العربيات الياباني بقي و الكوري في مصر عشان سوقهم شغال بتبيع اسم مقابل فلوس عاوز كماليات الي المفروض تبقي اساسيات ادفع فلوس زيادة يعني سرقة علني وعشان كدة الستروين و البيجو الجديدة ان شاء الله هينتشرو جدا وخصوصا انهم صفقة رابحة وبتدفع فلوس مقابل تركب حاجة محترمة باقي العربيات بتدفع فلوس وتشتري اسم وبس و المشكلة ان الناس عارفة كدة وبتشتري برضو وكل همهم اعادة البيع يعني بيفكر يبيع عربية قبل اصلا ما يشتريها عشان كدة عمرة ما هيشتري حاجة نضيفة و التجار هيغلو اكتر واكتر وجشعهم هيزيد اكتر واكتر ... لكي الله يا مصر

[shaddadfalcon1]

يعني هي جت علي لياباني
اهو علي الأقل اسمه ياباني

امال تعرف ايه لما تلاقي الاكسنت ولا الريو عدت ال 130 الف وهي كانت ب 103 الف

[salah_86]

والله ياباشا انا معايا لانسر بومة 2009 1300 سى سى شاريها زيرو ب 93500 كاملة مانيوال ولو هغير هجيب لانسر شارك بس هجيب الكاملة اوتو 1600 دا لانى اقتنعت تماما بالانسر ولو خرجت برة ميتسوبيشى هركب تويوتا كورولا بس هنا فى مصر احنا مظلومين ميتسوبيشى مبتنزلش غير لانسر مع ان فى جالانت و اوت لاندر و كولت وموديلات تانية كتير ومبينزلناش غير انواع معينة

[kokowasfy]

صراحة اسعار الانسر مبالغ فية و على فكرة دا مش عيب فى العربية لا العربية ممتازة جدا و تعجبك اوووووووووى و موفرة لكن التوكيل قاتلة اوووووووى

[SALAH ELDIN]

صراحة اسعار الانسر مبالغ فية و على فكرة دا مش عيب فى العربية لا العربية ممتازة جدا و تعجبك اوووووووووى و موفرة لكن التوكيل قاتلة اوووووووى

ما انا لسة شاريها 2013 ودة ال تاعب اعصابى

[hossamsmsm]

بص يا باشا هجبلك الخلاصة العربيات الاوروبي عموما بتبيع عربية اساسياتها abs & ebd & air bags وطبعا باقي الكماليات الي موجودة في اي عربية تانية باور تكييف وهكذا يعني بتديك مقابل قدام الفلوس الي بتدفعها العربيات الياباني بقي و الكوري في مصر عشان سوقهم شغال بتبيع اسم مقابل فلوس عاوز كماليات الي المفروض تبقي اساسيات ادفع فلوس زيادة يعني سرقة علني وعشان كدة الستروين و البيجو الجديدة ان شاء الله هينتشرو جدا وخصوصا انهم صفقة رابحة وبتدفع فلوس مقابل تركب حاجة محترمة باقي العربيات بتدفع فلوس وتشتري اسم وبس و المشكلة ان الناس عارفة كدة وبتشتري برضو وكل همهم اعادة البيع يعني بيفكر يبيع عربية قبل اصلا ما يشتريها عشان كدة عمرة ما هيشتري حاجة نضيفة و التجار هيغلو اكتر واكتر وجشعهم هيزيد اكتر واكتر ... لكي الله يا مصر

انت كده جيبت من الاخر

[S O P H O S]

الفرنسي هينافس بقوة الفترة الجاية
وكنت قريت الكلام ده عن شمال افريقيا كمان مش عندنا فقط

[M_Marwan]

اليابانى أفضل فى مصر بسبب قلة الأعطال وسهولة الصيانه وتوافر قطع الغيار وطبعا
سعر اعاده البيع