إعـــــــلان

Collapse

.

,
See more
See less

ملاحظ هجوم غريب علي لانسر؟لية كدة

Collapse
X
 
  • Filter
  • الوقت
  • Show
Clear All
new posts

  • ملاحظ هجوم غريب علي لانسر؟لية كدة

    بصراحة انا بقالي كام يوم كدة انا ملاحظ كلام غريب وهجوم علي الانسر وردود في صالح السيارات الكوري انا مش عارف لية التحامل دا علي الانسر وبعدين لية الاعضاء اشتروها اما هيا عربية مش زي الكوري في كزا وكزا ولية التحامل دا علي الانسر بلطريقة دي انا اتمني هنا الاعضاء يكتبو رأيهم في عربياتهم الانسر ويقولو رأيهم وهل فعلا حد ندم انه اشتري لانسر؟ ياريت الي بيشتكي من الانسر يكتب هنا بيشتكي من اية لاني ملاحظ هجوم ضد الانسر اليومين دول ومش شايف مبرر له ياجماعة كل واحد يقول رأية بصراحة ورضائة عن العربية بما يرضي الله
    66
    العربية كويسة جدا
    0%
    53
    يعني ماشية
    0%
    7
    لو يرجع بيا الزمن هجيب كوري
    0%
    3
    ندمت اوي اني جبت لانسر من اساسة
    0%
    3

  • #2
    هجوم؟؟؟؟؟؟ و من مين الكورى؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ احنا ممكن نتحامل على اللنسر اة لو قارنا بعربيات عاليه مثلا ميتسوبيشى جالانت تويوتا كامرى نيسان التيما بى امات مرسيدس اودى باسات اوبل فى الحاله دى نقدر نذكر مساوئ كتيير لكن هقارن بالكورى معادله خاطئه ........ انا لحد الوقتى مركبتش عربيه كورى بمعنى كلمه عربيه ...... حتى السيراتو اللى اتعمل عليها ضجه رهيبه على مدار ال 3 سنوات اللى فاتو او اكتر قررت انى اركبها و اسوقها و كانت اعلى فئه و للاسف خيبت كل توقعاتى و مش عايز اقول مساوئها عشان ممكن نص المنتدى يزعل منى بس هى موتور و اوبشن عشان ما اكونش ظالم ...... اركب كدة السوبر اكشن و احكم عليها .... و مش معنى ان عربيه تكيفها حلو عن عربيه تانيه تبقى احسن منها و مش معنى ان عربيه كذا كورى موتورها عفى و بتطلع من اللنسر تبقى احسن و مش معنى ان قطع الغيار ارخص تبقى احسن ..... فى اعتبارات تانيه كتييييييييييير ميعرفهاش الا الركيب و اللى جرب دى و دى و دى و كل واحد راكب عربيه مفكر انها احسن عربيه فى الكون و ذلك لعدم الخبرة , الله الموفق

    Comment


    • #3
      الكورى = شكل جميل + موتور عفى + تكييف تلاجة
      غير كده متسألش عن اى حاجة تانية تكون عايزها من العربية

      Comment


      • #4
        أنا ركبت كورى لمدة 13 سنة (لانوس كورى موديل 99) ولسه جايب لانسر السنة دى فأقدر أقارن بطريقة عملية.
        طبعا أنا بقارن لما كانت اللانوس لسه جديدة و برضه اللانسر أفضل منها فى العفشة و السحب يمكن التكييف متشابه و لو أنه دوخنى بعد كام سنة فى اللانوس لما بدأت أملاه مرة كل دخله صيف بس مجملا الاتنين متشابهين.
        عفشة اللانسر أفضل بكتييير (مع العلم إنى كنت محافظ على اللانوس جدا) سحب و موتور الانسر أفضل مليون مرة.
        طبعا أنا عارف أن اللانوس لا تقارن باللانسر بس حبيت أنقل التجربة العملية بينهم

        Comment


        • #5
          المشاركة الأصلية كتبت بواسطة m7md87 مشاهدة المشاركة
          الكورى = شكل جميل + موتور عفى + تكييف تلاجة
          غير كده متسألش عن اى حاجة تانية تكون عايزها من العربية
          هو انا عاوز اى من اى عربية غير كده ؟؟؟؟؟

          Comment


          • #6
            المشاركة الأصلية كتبت بواسطة alzelafy مشاهدة المشاركة
            هجوم؟؟؟؟؟؟ و من مين الكورى؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ احنا ممكن نتحامل على اللنسر اة لو قارنا بعربيات عاليه مثلا ميتسوبيشى جالانت تويوتا كامرى نيسان التيما بى امات مرسيدس اودى باسات اوبل فى الحاله دى نقدر نذكر مساوئ كتيير لكن هقارن بالكورى معادله خاطئه ........ انا لحد الوقتى مركبتش عربيه كورى بمعنى كلمه عربيه ...... حتى السيراتو اللى اتعمل عليها ضجه رهيبه على مدار ال 3 سنوات اللى فاتو او اكتر قررت انى اركبها و اسوقها و كانت اعلى فئه و للاسف خيبت كل توقعاتى و مش عايز اقول مساوئها عشان ممكن نص المنتدى يزعل منى بس هى موتور و اوبشن عشان ما اكونش ظالم ...... اركب كدة السوبر اكشن و احكم عليها .... و مش معنى ان عربيه تكيفها حلو عن عربيه تانيه تبقى احسن منها و مش معنى ان عربيه كذا كورى موتورها عفى و بتطلع من اللنسر تبقى احسن و مش معنى ان قطع الغيار ارخص تبقى احسن ..... فى اعتبارات تانيه كتييييييييييير ميعرفهاش الا الركيب و اللى جرب دى و دى و دى و كل واحد راكب عربيه مفكر انها احسن عربيه فى الكون و ذلك لعدم الخبرة , الله الموفق
            يعنى حضرتك بتقول الكورى مواتيره عفيه قطع غياره رخيصة وتكييفها حلو وعربيات اوبشن بس فيه اعتبارات تانية كتير ( اللى هى ايه موش عارف )
            طيب انا عايز من اى عربية غير كده ايه ولو كان حتى تصنيع السودان

            Comment


            • #7
              لو الكلام على اللانسر البومة فانا من اللي بيهاجموها حاليا

              بس الحق انا مش باهاجم العربية نفسها , الا لو اعتبرتم اللي جاي في كلامي ده هجوم

              العربية كعربية كويسة جدا
              لكن الحقيقة ان برده لها وقتها , تكنولوجيتها قدمت (من 2003 يعني بنتكلم في 10 سنين) , و الصح مع ده ان سعرها يقل بما يتناسب مع ده, في رأيي انا هي عدلها (على الاسعار السابقة) 100 الف تقريبا , يعني ممكن نقول ان المشكلة الحقيقية في الوكيل و في الناس اللي بتشتريها باسعار مبالغ فيها جدا

              احساس الواحد و هو راكبها احساسه انه راكب عربية فعلا من اول الالفينات , كمالياتها نازلة بالقطارة


              الرد المعتاد على تقييم زي ده هو طبعا انها متفوقة في قطع الغيار و اعادة البيع , رغم ان عربية زي اللانوس (الاقل منها كعربية) متفوقة عنها في الاتنين , لكن ده مش معناه ان اللانوس تبقى اغلى منها طبعا

              و ما ينفعش الواحد فينا يبقى جايب عربية عشان قطع غيارها رخيصة , و يدفع فيها 20 الف جنيه مقدما كده زيادة عن اللي تستاهله , رخيصة ايه بقى ما ال20 الف دول يعملوا فرق قطع غيار شوف كام سنة , يعني كده فرق قطع الغيار اللي وفرته من العربية الوكيل اخده منك و حطه في جيبه برضاك

              اللي مش مقتنع هاقول له بمنتهى البساطة اركبها , و انزل منها اركب اللانسر شارك اللي من 2008 , و اركب السيفيك 2007-2010 و السيفيك اللي من 2012 , و اركب السوبارو اللي اظنها من 2008 برده , و اركب النيسان صني اللي من 2004 تقريبا هي كمان , و شوف اللانسر البوما تتقارن مع انهي فيهم

              للعلم انا تعمدت المقارنة بعربيات ياباني كلها عشان ما ادخلش في الجدال العقيم بتاع ياباني و كوري و اوروبي
              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

              [sor2]http://imageshack.us/a/img838/2058/8l0n.jpg[/sor2]

              Comment


              • #8
                المشاركة الأصلية كتبت بواسطة m7md87 مشاهدة المشاركة
                الكورى = شكل جميل + موتور عفى + تكييف تلاجة
                غير كده متسألش عن اى حاجة تانية تكون عايزها من العربية
                هو انا هعوز ايه من العربية اكتر من كدا

                Comment


                • #9
                  مفيش مقارنة كفاية عمر قطعة الغيار
                  الياباني عمر قطعة الغيار فيه ضعف الكوري يعني الكوري يمشي 40 الف الياباني يمشي علي الالقل 80 الف ده علي الاقل غير عمر الموتور الطويل جدا غير التكنولوجيا المحترمة الامنه غير سهولة التصليح و تركيب غير معقد

                  لو الواحد يتكلم هيتكلم كتير انا معايا لانسر و لانوس و الفرق ضخم بينهم لدرجة اني كرهت الانوس فعلا بدون اي مبالغة

                  و للعلم فقط هيونداي قائمة علي تكنولوجيا مشتراة من ميتسوبيشي

                  والله اعلي و اعلم
                  [CENTER]ربي قد مسني الضر و انت ارحم الرحمين
                  لا إله إلا انت سبحانك اني كنت من الظالمين[/CENTER]

                  Comment


                  • #10
                    ياجماعه الخلاف على ايه كل واحد حر يركب العربية اللى تريحة واللى لسة هيشترى يسئل قبل ما يشترى
                    انا نفسى بحب عربيتى اللانسر جدا مع انها 1300
                    ولو هغير هجيب شارك يا هعلى واركب كورولا او هوندا اكورد او سيفيك بس مش هركب كورى
                    تـأكـد حين تنكســر لن يرممك ســوى نفسك.وحيــن تنهـــزم لــن ينصرك سوى إرادتك.فقدرتك على الوقــوف مــرة أخـــرى لايملكهــا سـواك

                    Comment


                    • #11
                      عن نفسى معايا نوبيرا 2002 و لانسر 2005 بسوق الاتنين و طبعا اللانسر اغلى من النوبيرا

                      بالمقارنة بين الاتنين بقى

                      النوبيرا عفشتها اضعف اه بس مريحة عن اللانسر عفشة اتنطط بيها فى الجبل بس ناشفه جدا
                      النوبيرا ثبات اعلى بكتير من اللانسر فى كل حاجة
                      ماتور اللانسر انا حاسه ضعيف جدا كاستحمال ( سخنت مره جابت وش سلندر ) النوبيرا ولا بيأثر فيها الحمد لله

                      طبعا اللانسر قطع غيارها اغلى من النوبيرا بكتيييييييييييييير اووووووووووووووى

                      ميزه اللانسر الوحيده ان استهلاكها للبنزين اقل من النوبيرا لان اللانسر 1300 و النوبيرا 1600
                      بحس ان اللانسر بتجرى عن النوبيرا ( احساس بس عشان خفيفة )
                      اللانسر مبتروحش للميكانيكى كتير عشان النوبيرا بتعمل فى اسبوع الى بتعمله اللانسر فى شهر

                      اجمالا اللانسر حلوه لوحد استخدامة فى طرق مكسرة كتير و هيستحمل النشوفيه بتاعتها سعرها زياده اوى على امكانياتها ( زياده بغباء يعنى ) تظبيطها سهل طبعا ( لانسر بقى ) لو فكرت ابيع هاتتباع ( عشان لانسر برضه )
                      لو رجع بيا الزمن ورا تانى مش هجيبها بصراحة :)

                      Comment


                      • #12
                        هههههه هجوم ع اللانسر امال اللى بيتعمل ف الصنى ايه :)
                        دا زميل فاضل بيشتكى ف حاجة بسيطة ف التكييف و اكيد هاتتحل اكمن لسه بيلين غير كده اللانسر بومة فيها فيها كل المواصفات اللازمة للانتشار ف مصر و دا اللى خلاها تحقق كل النجاح ده مهياش السوبر كار زى اغلب عربيتنا انما فيها اغلب اللى تتمناه فعلا عدا شكل التابلوه اللى قدم
                        فين بقى الهجوم ده يا باشا اتمتع بعربيتك و ربنا يكفينا و يكفيك شر الطريق

                        Comment


                        • #13
                          انا اللى مضايقنى فى الانسر بومة ان النور بتاع الفانوس ضعيف مش موضح الطريق جامد
                          و كنت بفكر فى الفوانيس المعدله بتاعة البومة بس مش عارف هيبقى الضوء بتاعها حلو ولا لأ و اشد من الاصلى .

                          انما اى حاجه تانيه فى الانسر حلوه بس فيها عيب تانى ان سحبها ضعيف

                          Comment


                          • #14
                            اعتقد انه مش هجوم ولا حاجه بس من خمس ست سنين كانت اللانسر شكل وسعر مناسبين .دلوقتى بعد ما الموديلات الفرنسيه والكوريه نزلت السوق باشكال واوبشانات واسعار مناسبه ,وسعر اللانسر زاد بشكل جنونى والشكل هوه هوه
                            ابتدى كتير من الناس يعترضوا
                            [SIGPIC][/SIGPIC]

                            Comment


                            • #15
                              فعلا سعرها جديد مبالغ فيه

                              Comment

                              Working...
                              X