إعـــــــلان

Collapse

.

,
See more
See less

هشتري لانسر 2013 كسر زيرو النهـاردة إن شاء الله .. أرجـو المســاعدة

Collapse
X
 
  • Filter
  • الوقت
  • Show
Clear All
new posts

  • هشتري لانسر 2013 كسر زيرو النهـاردة إن شاء الله .. أرجـو المســاعدة

    السلام عليكم ورحمة الله وبركــاته ،


    السادة الأعضـاء الكرام ..

    أخوكم ناوي إنشاء الله يشتري عربيـة .. وكان نفسه تشوروا عليـه

    دي إن شاء الله هتكون أول عربية ليّـا ، ونويت على اللانسـر

    لقيت في معرض لانسـر 2013 أوتوماتيك، الفئـة الثـانية (اللي هيّا كلاسيك + جنوط .. من غير abs) ، ماشية 11 ألف كيلـو , فبريكـة من بره وجوّه الإكصدام للإكصدام "على حد كلامه اللي ناوي اتأكد منه في التوكيل بإذن الله" .. ولو إن العربيـة حالتها باين عليها ماشاء الله

    فمعلش بما إني لسه جديد في العربيات ، فلو ممكن شوية استفسارات .. ويجازيكم ربنا كل خير


    - العربيـة مطلوب فيها 114 ألف .. إيه رأيكم في السعر !؟.. مع العلم إنها جديدة بـ 134 تقريبـا

    - موضوع إن مفيهاش abs ده فيه ناس خوفتني منه .. خاصة إنها أول عربية ليّا .. إيه رأيكم !؟

    - أنا سمعت عن موضوع صاجة الفرامل اللي مبتكونش في العربية في الأول ، وبعد كده التوكيل بيركبه .. إيه حكايتها وأعرف إنها متركبة إزاي !؟

    - إيه أحسن توكيل في اسكندرية ممكن أخليه يكشفلي على العربية كلها وأثق فيه ؟.. وتكلفته كام ؟

    - عامة,, إيه أهم الحاجات اللي اخد بالي منها وأنا بجيب اللانسـر !؟

    متشكــر جدا مقدما ، وأرجو الأخوة هنـا يفيدونـا بسرعة لأني احتمال أخلص في العربية النهاردة :)

  • #2
    نصيحة حاول تزود شوية وتجيب فيها abs لانة مهم جدا
    . . . . . . . . . . . . [SIGPIC][/SIGPIC] . . . . . . . . . . . .
    . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
    و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

    Comment


    • #3
      طيب هوا عدم وجود abs في العربية يعيبها !؟

      يعني عامة الصفقة مقبولة ولا لا ؟.. 114 وهيا بتتباع جديدة ب 134

      أصل حضرتك متنساش انها بتتباع مستعملة .. يعني يا تشيل يا بلاش ، مفيهاش نقاوة

      Comment


      • #4
        ربنا يوفقك و تشتريها. بالنسبة للسعر معقول قوى تنزل 20 ألف من الزيرو (10 تركيب نمر و عشرة علشان 11.000 كيلو. بس أتاكد أنها فبريكة من التوكيل) موضوع abs ممكن تتنازل عنه لأنها ماشاء الله فراملها حلوة (أنا معايا موديل 2013) و من غير abs .
        ماتنساش وانت بتشتريها تكشف على التكييف لانى لاحظت بعض الموديلات تكييفها ضعيف عن التانية. بالنسبة للتوكيل فباذن الله حد من الأعضاء الاسكندرانية يقولك عنه.

        Comment


        • #5
          طيب ماتجيب شارك احسن واجدد واشيك ؟

          Comment


          • #6
            المشاركة الأصلية كتبت بواسطة lancer in need مشاهدة المشاركة
            طيب هوا عدم وجود abs في العربية يعيبها !؟

            يعني عامة الصفقة مقبولة ولا لا ؟.. 114 وهيا بتتباع جديدة ب 134

            أصل حضرتك متنساش انها بتتباع مستعملة .. يعني يا تشيل يا بلاش ، مفيهاش نقاوة
            زي ما انتا قولت مافيهاش نقاوة وكل واحد علي قد فلوسة
            انتا فلوسك هتجبلك حاجة كده عايز بقا تزود وتركب ابي اس وفتحة سقف زود بس سعرها حلو ممكن كمان تخبط معاه في 2000 ولا 1000 كويس جدآآآ
            وربنا يرزقق بي الأحسن

            Comment


            • #7
              المشاركة الأصلية كتبت بواسطة shaddadfalcon1 مشاهدة المشاركة
              طيب ماتجيب شارك احسن واجدد واشيك ؟
              اعتقد الشارك لسه بتنزل 1500 وكما لو نزلت 1600 فا الماتور بتعها ضعيف علي البودي الشارك دي ماتتركبش الا ايفو

              Comment


              • #8
                ربنا يباركلك فيها
                وتستلمها على خير
                وابقا طمنا
                واهلا بيك منور المنتدى

                [OVERLINE][B]miceg =Khaled Fouly[/B][/OVERLINE]

                [mshosh4]http://imageshack.com/a/img812/1576/pujz.jpg[/mshosh4]

                Comment


                • #9
                  الف مبروك ربنا ييسر لك الحال وتستلمها علي خير ويبارك لك فيها ويعطيك خيرها ويحفظك من شرها

                  المشاركة الأصلية كتبت بواسطة mahmoud_anwar مشاهدة المشاركة
                  اعتقد الشارك لسه بتنزل 1500 وكما لو نزلت 1600 فا الماتور بتعها ضعيف علي البودي الشارك دي ماتتركبش الا ايفو

                  الشارك من 2012 بتنزل بماتور 1600 سي سي والماتور بسم الله ماشاء الله قوي وعزمه حلو جدا العربيه دية بسبب الكلام اللي طلع عليها اتظلمت في مصر جدا

                  Comment


                  • #10
                    خلاص يا جمـاعة مفيش نصيـب .. العربية اتبـاعت

                    ياريـت اللي يعرف لانســر موديل من 2007 لغاية 2013 ، أوتوماتيك ، كيلوات قليلة ، حالة نضيفـة ، من اسكندريــة يقـوللي .. ويكون جزاه الله خيــر

                    لأني فعــلاً زهقـت من البحــث

                    وشكــراً ،

                    Comment


                    • #11
                      هو لازم لانسر
                      يا ريس ما انت ب 114 الف دول
                      ممكن تجيب
                      301 او اليزية
                      جديد
                      اية حكمة اللانسر
                      هى طبعا عربية كويس ومعايا ولسة جديده
                      بس لية بقى ناوى تدفاع تقريبا 120 الف فى مستعمل

                      Comment


                      • #12
                        المشاركة الأصلية كتبت بواسطة salah eldin مشاهدة المشاركة
                        هو لازم لانسر
                        يا ريس ما انت ب 114 الف دول
                        ممكن تجيب
                        301 او اليزية
                        جديد
                        اية حكمة اللانسر
                        هى طبعا عربية كويس ومعايا ولسة جديده
                        بس لية بقى ناوى تدفاع تقريبا 120 الف فى مستعمل
                        والله يا باشا انا شكلي كده هعلى شوية واجيب لانسر هاف سبورت ع الزيرو وخلاص ..

                        بس هيا الفكرة اني كنت عايز اوفر ال 10 - 20 الف اللي بينزلوا من سعر العربية اول ما تترخص ..

                        وكمان عشان اول عربية ليا ..

                        Comment


                        • #13
                          مافيش أحسن من الزيرو. كمل عليهم و إستمتع بالزيرو

                          Comment


                          • #14
                            المشاركة الأصلية كتبت بواسطة lancer in need مشاهدة المشاركة
                            والله يا باشا انا شكلي كده هعلى شوية واجيب لانسر هاف سبورت ع الزيرو وخلاص ..

                            بس هيا الفكرة اني كنت عايز اوفر ال 10 - 20 الف اللي بينزلوا من سعر العربية اول ما تترخص ..

                            وكمان عشان اول عربية ليا ..
                            طبعا هو القرار قرارك
                            بس فعلا لية اخاطر واروح اشترى عربية كسر زيرو عشان 10 الالاف فرق
                            العربية لو لا قدر الله فيها حاجة وانت مختش بالك وشربتها وانا اسف فى اللفظ طبعا
                            هتدفعك فوق ال 10 الالاف
                            يا باشا
                            خليك فى الزيرو اتكل على الله
                            انا كنت هعمل زيك كدة واشوف حاجة مستعمل واوفر
                            بس حسبتها لقيت ان اول استخدام دة له متعة تساوى ال 10 الالاف
                            تحس ان العربيية بتتولد وتكبر على ايدك تبقى عارف قصتها من طأطأ لسلام عليكم

                            Comment


                            • #15
                              انا متفق معاك جدا ف حكاية كسر الزيرو لانها بتكون تقريبا نفس حالة الزيرو (بس طبعا لازم تكشف ف التوكيل حتى لو ماشية 10 كيلو ) و ف نفس الوقت انت كسبان فرق السعر لان العربيات حاليا اسعارها غريبة اوى و مش متناسبة مع قيمتها الحقيقية

                              تانى حاجة ,, كويس انك مشترتش العربية دى , ال abs اساسى و مهم جدا و متنستاش انك لما تبيع العربية بعد 7 سنين مثلا , هتكون بتبع عربية ف 2020 مافيهاش abs !!!!!!!!!!

                              ربنا يوفقك للخير و ان شاء الله تلاقى طلبك
                              [COLOR=Black]الحمد لله عدد ما احصى كتابه و الحمد لله على ما احصى كتابه
                              الحمد لله ملء ما فى السموات و ملء ما فى الارض و ملء ما بينهما [/COLOR]
                              [img2]http://nileup.com/up/uploads/nilemotors_13651184541.jpg[/img2][COLOR=Black]
                              [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

                              Comment

                              Working...
                              X