ملاك اللانسر البومة محتاج مساعدة ضروري جدا

[A7medFox]

السلام عليكم اعضاء نايل موتورز

امبارح كنت ماشي بسرعة شوية و خدت غرزة من قدام ميكروباص و فجأة لقيت تريللا قدامي رحت كابس فرامل العربية فضلت تزحف مني مسافة 70 متر مش راضية تقف رحت شادد الهاند عشان تقف برضه فضلت تزحف و مش عايزه تقف طبعا الدركسيون مش مستجيب معايا لا يمين ولا شمال عشان احاول افاديها بس رحت لابس في التريللا .. طبعا نزلت و انا مذهول مش مصدق اللي حصل و مش مصدق ان العربية موقفتش في مسافة اكتر من 70 متر (فرامل قوية جدا لكن مش ABS ) ببص على الخساير طلعت كالاتي :

1- كبوت معدش نافع
2- رفرف يمين معدش نافع
3- خبطة قوية جدا في القايم اليمين محتاج يتغير
4- لوح ازاز امامي

طبعا الحمدلله انا و اللي معايا في العربية طلعنا بخير مفيش اصابات لكن بطلب من اهل الخبرة يدلوني على احسن واحد اقدر اشتري منه الحاجات ديه استيراد مش تايواني ( في الحرفيين ) بأرخص سعر عشان الاسعار اللي سمعتها عندي هنا خياليه و انا عندي السمكري بتاعي بس محتاج واحد بتاع قطع غيار ذمته نضيفة عشان نخلص و ترجع زيرو ان شاء الله

[aboamina]

الحمد لله على سلامتك وربنا يعوضك خير ان شاء الله...يوم بعد يوم بتأكد من اهمية الabs اللي ناس كتير في مصر بتعامله على انه كماليات

[aboamina]

حمد الله على سلامتك وربنا يعوضك خير ان شاء الله ... يوم بعد يوم بتأكد من اهمية الabs اللي كتير من المصريين بتعتبره من كماليات (للأسف)

[waleedrahmy]

الحمد لله قدر ما شاء فعل
بس
علي مااظن سبب عدم وقف العربية الكاوتش ماسح عند حضرتك

[mhkorayem]

يااااااااااااه 70 متر والعربيه مش عاوزه تقف ليه هو حضرتك كنت ماش على كام؟؟؟؟
عموماً قدر الله وما شاء فعل والحمد لله على سلامتك انت واللي معاك وربنا يسترها معاك

[Optiplex]

الحمد لله قدر ما شاء فعل
بس
علي مااظن سبب عدم وقف العربية الكاوتش ماسح عند حضرتك

1111111111111111111

[ekmarei]

حمد لله على السلامه و فداك العربيه
اكيد كنت على الدائرى

[شاهين - بنز]

حمد الله على سلامتك وربنا يعوضك خير ان شاء الله ... يوم بعد يوم بتأكد من اهمية الabs اللي كتير من المصريين بتعتبره من كماليات (للأسف)

فرامل البومة سيئة جدا جدا جدا سواء كانت ب abs أو من غير وأنا مجربها بالإتنين والجديدة بقى إن بال abs كان أسوء كمان!!
وكل مرة بسوقها ببقى مذهول ومش متخيل إن عربية في الدنيا ممكن تكون فراملها بالسوء ده
وربنا يعوض على صاحب العربية أنا لسه برضه داخل في نص نقل بالجمب بسبب غرزة خدتها وربنا يستر طريقنا جميعا وياريت كلنا نهدى

[Ahmed Amin]

أولا حمدلله علي سلامتك.
ثانيا العيب مش عيب فرامل. العيب عيب الكاوتش.
الي يخليك تسحف ٧٠ متر عال أرض هوا قلة أحتكاك الكاوتش بالارض لانه نشف وعمرة انتهي.
الكاوتش لو جديد اداء الفرامل ممتاز معاه وهيكون مقارب جدا للفرامل ب abs. لو بتضغط جامد عال دواسة من غير ما تعمل locking.

واللي بيقول فرامل البومة وحشة اكيد مش مالك للعربية أو جربها مرة مع واحد صاحبة.
لان العربية فراملها اكتر من ممتازة. وثباتها ممتاز.
وإلا مكنتش حققت النجاح الكبير دا في مصر وفي الدنيا كلها.!!
بس أكيد هوا ركب عربية متهانة وحكم عليها بحكم بناء علي تجربة غلط.!

إن شاء الله الاعضاء يفيدوك باماكن بيع واسعار قطع الغيار.

[شاهين - بنز]

واللي بيقول فرامل البومة وحشة اكيد مش مالك للعربية أو جربها مرة مع واحد صاحبة.
لان العربية فراملها اكتر من ممتازة. وثباتها ممتاز.

ياأستاذ بلاش ندافع عن عربياتنا بتعصب ونشتت أفكار الناس
العربية عندنا كاسرة ال 100 ألف كم من غير أي أعطال وحمالة أسية وكل حاجة
لكن أرجع وأؤكد لعدم التضليل الفرامل والثبات من أكبر عيوبها وعن تجارب كتيير وحوادث مع العربية دي

[Ahmed Amin]

انا هقولك بتبقي وحشة أمتي وبتبقي ممتازة أمتي.
بتبقي وحشة لما بيكون الكاوتش انتهي عمرة والعفشة عايزة تتربط. هتفق معاك انها هتبقي مش ثابته بس مش ضايعة يعني.
ودا كلام بحيادية وعن تجربة للحالة دي..
غير بقي كاوتش وربط عفشة والكاوتشات المتهالكة في اجزاء العقشة وتيش الميزان لو بايظ. وشوفي الثبات والفرامل تاني.
أقل غرزة كانت بتتاخد بيها علي ١٢٠ و ١٤٠. في حالة الكاوتش الجديد طبعاً والعفشة المتربطة تمام.
غير كدا اي عربية لو كاوتشها منتهي وعفشتها عايزة تتربط هتبقي وحشة ف السواقة ومش ثابتة. والانسر ممكن تزيد عنهم في المومضوع دا لانها خفيفة.
بس لو اتعملها صيانة في معادها زي ما المكتاب بيقول. فالعربية كانت بتكلبش في الأرض.

تحياتي لك.

[Egy_fan]

السلام عليكم. الحمد لله على سلامتك. امشى براحتك يا باشا و كل عربيه ولها سرعه معينه و بعدها تبقى مش امان ظبط عربيتك و اعرف امكانيتها و عليك و على الاستيراد

[A7medFox]

الحمدلله انها جت على قد كده و الحمدلله ان العربية مفيهاش خدش في الميكانيكة .. و الف شكر على ردود حضراتكم السريعة بس محتاج حد يفيدني في اسعار الاستيراد و واحد كويس اتعامل معاه في الحرفيين

[topstar]

الف سلامه عليك.. والحمد لله انكم بخير..
تاني حاجه انا شايف ان كل ده شغل سمكره لو سمكري فاهم وشاطر..كان معانا لانسر وكنا ماشين طلعت عربيه بسرعه في الجنب والعربيه كانت علي نازله بوظت قايم وباب ورفرف ...والسمكري رجع كل حاجه زي ما كانت .. وانا شايف ان الكبوت سهل يتعمل .. ومفصله الكبوت هي اللي جايبه علي جنب.. ام اللي فيه شهل يتعمل لو مش عايز تغير .. والقايم امره سهل ان شاء الله .. هي مش باينه اوي عشان الصور