باركولى يا جماعه خلاص استلمتها

[mab]

الحمد لله استلمت 1300 مانيوال خليجى
تكييف و باور وسنتر و زجاج كهرباءو ايرباج للسائق وراديو سى دى
و كاسيت بس مش اصلى
اللون نبيتى
السعر 90000
ياريت يا جماعه تقولولى نصايحكو بالنسبة للاستخدام وهل السعر كده كويس ولا لا


ويا ريت اخوانى الى من المنصورة يفيدونى بخصوص صيانتها اعملها فين

ولو حد عارف ترخيصها يا ريت يعرفنى

ارجوكم لا تخلو علي

[mahmoudzaied]

الف مبروك وربنا يكفيك شرها يا رب
انا برضو لسة مشترى من شهر كدة لانسر 1300 مانيول خليجى وكنت هموت على اللون النبيتى بس ملقتهوش خالص واضطريت للاسف اخد اللون الشامبين هوا جميل بس مقارنة بالنبيتى يبقى وحش
عموما انا جايبها ب 89000 الف الراجل قال فى الاول 91000 بس الحج دفع فعلا 89000 مش عارف هوا بقى عمل ايه فى ال 2000 اللى باقين
عموما سعرها حلو اوى كدة
ترخيصها اتكلف حوالى 500 جنيه او اكتر شوية مش فاكر
لين براحتك اول 1000 كيلو واعمل الصيانة عند ناس موثوق فيهم لو مش هتقدر تروح المصرية ولا الرواس انا من بنها فابالنسبالى المصرية نص ساعة سفر
عموما ربنا يباركلك فيها ولنت اخترت عربية جامدة اخر حاجة واللون كمان تحفة

[mahmoudzaied]

صحيح معلش قولى هيا بضمان ولا لأ؟
لو بضمان قولى ضمان ايه الوكيل المصرية ولا حد تانى؟

[mazen86]

ألف مبروك يا باشا

وربنا يحميك من العين

انا من المنصورة عليك وعلي مركز صيانه العدوي علي طريق المحلة 7كيلو بالظبط

شغلهم كويسن ومحترمين اوي

ولو اي حاجة تانية انا موجود

[mab]

شكرا للاخ محمود
فعلا اللون النبيتى تحفة
بس العربيه من غير ضمان خالص
وربنا يسترها ان شاء الله

[mab]

متشكرين يا اخ مازن
وحاسس انى هاتعبك معايا الفترة الجايه دى يا ريت تستحملنى

فى كام حاجة كده عايز اسال عليها

انا كل محط ايدى على الكبوت بيبقى سخن ولمل بفتح بلاقى الريداتير كمان سخن هل ده طبيعى

هل ازوده ميه ولا لا وامتى ازوده وازوده مياه عادية ولا لا

ومعلش يا مازن لما اروح صيانه الالف عند العدوى هيعملوا ايه وهيتكلف كام
علما ان عربيتى خليجى

[Chicco]

ألف مبروك يا باشا و ربنا يحفظهالك و يكفيك شر الطريق

[mohamed ibiza]

الف مبرووووووووووووووووووووووووووووووووووووووووووووووو ووووك يا باشا ربنا يكفيك شرها و شر الطريق

[theking2690]

ألف مبروك و ربنا يحفظهالك

[hazem_khidr]

الف الف مبروك
بالنسبه للكابود السخن و الردياتير دي حاجه طبيعيه

[Noha.M]

الف الف مبرووووووووووووووووووك :)

ربنا يحفظهالك و ميبقاش فى اى حاجة للضمان :)

[limo]

الف مبروك ربنا يخفظهالك ويبارك فيها
بالنسبه لسخونه الكابوت ده عاديه جدا وسببها ان الكابوت مفهوش بطانه من جوه
انت لزياده الاطمأنان شوف مستوى الميه فى القربه -مياه البطاريه -زيت الماتور وبقيت الزيوت زى الباور والفرامل
المفروض الزيرت ده كلها تكون بين االmax وال min
شوف برضو المروحه شغاله ولا لأ

[mahmoudzaied]

يا باشا شخنية الموتور دى عادى جدا جدا
امال لما تشغل التكيف كمان وتسافر مثلا هتحس انو نار
طول ما مؤشر الحرارة فى النص انت كدة فى امان
وبعدين الريداتير فه مياه خضراء يعنى مش هتحط مياة فى الريداتير كمان سنة على الاقل دا بالاضافة للقربة بتاعة الريداتير
اهم حاجة التلين براحة وصدقنى هتحس بفرق فى السحب والسرعة فى اواخر التلين يعنى عند 850 او 900 كيلو كدة
انا كنت عاوز اسالك على حاجة
عربيتك خليجى و 1300..... هوا ال Rpm عندك تحس انو مستريح شويه يعنى مثلا التانى بيبقى 45 كيلو وال RPM على 3 ولا اخر 40 بس؟
لانى كنت راكب عربية مصرى ولقيت التانى 40 وال RPM 3بالظبط حاسس ان الخليجى احسن فى الحتة دى فيا ريت تشوف وتجرب كدة لحد ما يجى على 3 وتقولى السرعة كام بالظبط
والف مبروك مرة تانية على العربية

[mab]

متشكر جدا يا جماعه على كل من بارك لى
وربنا يكفينا جميعا شر الطريق
و كل عام وانتم بخير

[mab]

انا جربت فعلا يا ا/محمود

وهو تقريبا اخره 40 بس انا سالت واحد صاحبى
قالى ان ممكن بعد ما الين والعربيه تسحب شويه هيزيد
والله اعلم