عايز اشتري لانسر

[Martin5555]

السلام عليكم يا جماعة
انا عايز اشتري لانسر موديل 2011 إلى 2003 ومعاياه من الآخر 50 ألف ـ هل ممكن السعر ده يخليني اشتري عربيه حالتها كويسه ولا أصرف نظر من الأول .
ولكم جزيل الشكر
انا لسه مبعرفش اسوق ، هتكون اول عربيه في حياتي ، وهتعلم عليه السواقة

[AlGazar2]

المبلغ ده ممكن يجيب كريستاله موديل 98 لكن مكواه او بومة ميجيبش الا عربيه حالتها تعبانة جدا

نصيحة لو لسه هاتتعلم السواقة هات لانوس او نوبيرا قطع غيارهم رخيصه خصوصا الصاج و الفوانيس جديد و استيراد لان دى اكتر حاجات هاتتخبط معاك و الحاجات دى فى اللانسر غاليه خصوصا الفوانيس

[hossamalsadik]

المبلغ ده ممكن يجيب كريستاله موديل 98 لكن مكواه او بومة ميجيبش الا عربيه حالتها تعبانة جدا

نصيحة لو لسه هاتتعلم السواقة هات لانوس او نوبيرا قطع غيارهم رخيصه خصوصا الصاج و الفوانيس جديد و استيراد لان دى اكتر حاجات هاتتخبط معاك و الحاجات دى فى اللانسر غاليه خصوصا الفوانيس

أنا مع الكلام ده

أتعلم عليهم وبعد كده بيع وركب أعلى
ولو تقدر تجيب حاجه أقل من اللانوس هات عشان ديه أنتا هتتعلم عليهت وهتتبهدل منك

[Martin5555]

شكراً يا جماعة على المعلومات المفيدة ، انا هحاو ادور على لانوس ، بس لو لقيت موديل 98 أو 99 هل ده معناه نها عربيات قديمة ولا لأ؟؟؟

[diablo1978]

بسم الله الرحمن الرحيم
بص ، و الله انا مش تاجر ، بس أنا أصلاً معايا لانسر 98 ، بجددها علشان الترخيص و كمان علشان أقعد بيها زى الفل لحد ما أبيعها
أنا كنت ببص على أسعار السوق لقيت أن السوق رانجه من 47 إلى 53 كمان حسب الحاله و الأوبشنز ، فنصيحة أخويه ، إتعلم على حاجه قديمة أحسن ، و بعدين هات لانسر
و على فكره ، 50 تجيبلك لانسر 98 محترمه ، بس مش 2011