سؤال لرجالة البومة

[dedo000]

هو ينفع نسحب بنزين من تنك البومة وازاى
انا جربت ومعرفتش
المشكلة ان نتيجة لازمة البنزين احويا حط فى العربية 80 وانا عايز اسحب البنزين دة بقدر الامكان فازاى ولا كدة خلاص

[mahmoud85]

اهلا يا ديدو
بسيطه حط خرطوم في الفاتحه بس اتاكد انه زق البوابه اللي في اول الفتحه بتاعه التانك
مش عارف اذا كان فيه فلتر بعد البوابه يمنع الدخول ولا لأ بس ما اعتقدش ان فيه
انت لقيت البنزين فين ؟
انا كنت حاطط 80 وكان مبهدل العربيه بس الحمدلله خلص

[M I D O]

هات خرطوم طويل بس يكون نضيف وحطة في فتحة التانك ودخلة جوة وهات جركن حطة في الارض و اشفط مرة واحدة ببوقك كدة و ابعد بسرعة عشان ميجيش بنزين في بوقك وحط الخرطوم في الجركن فضية فية ومترميهوش لانك ممكن تحتاجة تغسل بية اية حاجة

[mahmoud85]

كل ما كان قطر الخرطوم صغير كل ما كان اسهل انك تسحب بيه
اعتقد افضل حاجه خرطوم الغاز بتاع امبوبه البوتجاز اشتري متر ونص وعيش

[dedo000]

يا شباب المشكلة ان الخرطوم مش واصل للبنزين وحرطوم رفيع اللى انا حاطة ومدخل حوالى متر الا ربع جوة التانك فيا ترى فى مصفة او فلتر بعد فتحة التانك

بيقولى جاب البنزين من طريق المحلة بعد ميت عساس

[mahmoud85]

انا شفت ميكانيكي فك خرطوم من تحت العربيه وفتح غطا التانك وصفي البنزين
لو تربست بقا روح لميكانيكي واديله 10 جنيه ولا حاجه

[pop13]

لو اول مرة هتجيب منظف من بنزينة موبيل 18ج و وفضى العبوة قبل ما تفول وخلص الموضوع حصلت معية فى مرس علم وكنت موتر وبقت تمام

[MITSUKERO]

شوف كهربائي يعمل شورت علي فيوز الطرمبة و اسحب البنزين من الخرطوم اللي في الكبوت

اوعي تعملها بنفسك و ممكن تكبر دماغك وخلاص و فول 92

[walidadel81]

هههههههههههههههههههههههههههههههههههههههههههههههههه ههههههههههههه والله العظيم انت مكبر الموضوع جدااااااا انا اصلا مش بستخدم غير ال 80 والحياه كويسه ومافيش اي مشاكل خاااااااااااالص

[m.elsherif]

فى طبه فى التانك من تحت. خلى اى ميكانيكى يفتحهالك و سيبلو البنزين

[Ibrahim Nabil]

التانك فيه مصفاه

[salah_86]

للأسف انا كمان انهاردة لسة حاطط 15 لتر 80 لان لمبة البنزين منورة بقالها يومين وانا مش لاقى بنزين