العربية بقت غول بنزين بعد الصيانة

[kazamodia]

السلام عليكم

يا جماعة انا حاسس ان العربية بقت غول بنزبن بعد ما عملت صيانة الاف .. انا حسبت الاستهلاك لاقيته بيعمل بالميت 8 كيلو في اللتر مع ان قبل الصيانة كان بيعمل 10-12 كيلو في اللتر
انا مش عارف هل الاستهلاك ده طبيعي لاني بعمل اقل مشوار دلوقتي لازم المؤشر ينقص شرطتين من ال 8 شرطات .. مع العلم ان نص المشوار بيبقى على طريق سريع ونصه في الزحمة

المشكلة التانية بقا النقلات حاجة تجنن يصراحة انا بلاقي العربية جابت التالت على سرعة 30 كيلو النقلات عندي مش مظبوطة خالص مش عارف في ايه مع العلم ان بعد تغيير الزيت ولا في اي فرق عن الاول !! انا بفكر اني اروح بيها للتوكيل قريب .. ولا انتوا ايه رأيكوا ؟؟

[ahmed_elmelih]

انا متابع بس انا عاندى حاجه تاني ان العربية سحبها بأه جامد جدا بس بتسحب بنزين جامد وبتعمل حوالى 7 كيلو للتر اول اقل

[kazamodia]

يا ريت حد يفيدنا
انا السحب زي ما هو وصوت الماتور عالي جدا

[ekmarei]

شوف حضرتك انا السيارة 1600 اتومتك 2013 استهلاك البنزين شامل يعنى داخل البلد و سفر الكيلو متر بيتكلف 15.6 قرش تقريبا بنزين 92 طبعا و التكيف شغال طول النهار
15.6 قرش /185 سعر الليتر = 11.858 كيلو متر
لكن خد بالك من حاجه فيه بنزينة تمون منها و تكون حرامية وتسرق منك 10 % من قيمة التفويله

[kazamodia]

شوف حضرتك انا السيارة 1600 اتومتك 2013 استهلاك البنزين شامل يعنى داخل البلد و سفر الكيلو متر بيتكلف 15.6 قرش تقريبا بنزين 92 طبعا و التكيف شغال طول النهار
15.6 قرش /185 سعر الليتر = 11.858 كيلو متر
لكن خد بالك من حاجه فيه بنزينة تمون منها و تكون حرامية وتسرق منك 10 % من قيمة التفويله

يبقى فعلا ده معناه اني عندي مشكلة انا بعمل 8 كيلو في اللتر بالعافية

وانا مش بمون غير من موبيل او امارات مصر