اضطريت أحط بنزين 80 وكاره نفسى ومخنوق آخر حاجة

[salah_86]

دلوقتى لمبة البنزين منورة بقالها يومين وكل ما اروح اقف فى بنزينة طوابير وحاجة اخر قرف ويا اما البنزين يخلص يا الكهربا تقطع فبزهق وامشى نزلت الصبح صليت الفجر وطلعت لقيت البنزينة اللى جنب الجامع رايقة رحت جبت العربية ووقفت فى الصف ربع ساعة واكتشفت لما وقفت ان البنزين اللى موجود 80 واصلا انا دايما اول ما اقف فى اى طابور بسئل ايه نوع البنزين اللى موجود بس انهاردة مسالتش لان كل اللى واقفين عربيات جديدة كارينز كرولا كيا ريو نيسان صنى اوبل استرا وجيتا
وقعدت اتناقش مع الراجل دقيقة بتاع الكارينز نزل وقالى مون لان مفيش بنزين وفول كمان انا نفسى هفول وكل الناس دى هتمون توكل على الله
ومونت اعمل ايييييييييييييييييييييييييييييييييه مخنوق وتقريبا العربية بدأت تسقف

[fourseasons]

يا باشا ماتقلقش ان شاء الله مفيش مشكلة المهم حضرتك متتكاش على العربية و تقرص عليها.يعنى متجمعاش مرة واحدة
حاول تديها واحدة واحدة وهى ان شاء الله مش حتسقف.وفيه حاجة اسمها اوكتين بوستر ممكن تحطه على التفويلة و تمشى تدى فرامل مرتين عشان يتقلب كويس

[mahmoud85]

انا حطيت برضو مره 80 وعربيتي اوتو
اتعلمت اسوق براااااااااااااااااااحه
بس الحمدلله دلوقتي لا لاقي 80 ولا حتي 70
ركنت العربيه بعد ما فولتها 92 مره واحده

[amagroup]

يا باشا ماتقلقش ان شاء الله مفيش مشكلة المهم حضرتك متتكاش على العربية و تقرص عليها.يعنى متجمعاش مرة واحدة
حاول تديها واحدة واحدة وهى ان شاء الله مش حتسقف.وفيه حاجة اسمها اوكتين بوستر ممكن تحطه على التفويلة و تمشى تدى فرامل مرتين عشان يتقلب كويس

ياريت تعمل الموضع ده عشان تحافظ علي موتور عربيتك
البنزين 80 صعب يشتعل بكفاءه مع الinjection او نظام الحقن الالكتروني لانه مش مصمم انه يشتعل تحت انضغاط وعشان مده مش هيشتعل كامل
حط اوكتين ده عشان العربيه تضبط معاك وتحافظ علي الماكينه (اهم حاجه الماكينه)

الحمد لله الناس كلها بقت ماشيه في الشارع كدهمن قله البنزين والوقفه في الحر في البنزينات

[4fun14]

شعب متبطر على النعمه
محصلش حاجه لما كام اسبوع كده يبقوا حر والكهربا مقطوعه والمياه مقطوعه ومفيش بنزين والشوارع واقفه
خليكوا كووول امال

[kokowasfy]

شعب متبطر على النعمه
محصلش حاجه لما كام اسبوع كده يبقوا حر والكهربا مقطوعه والمياه مقطوعه ومفيش بنزين والشوارع واقفه
خليكوا كووول امال

انتا مستفز اوى على فكرة
هو البنزين والكهرباء و المياة دا مش حقق بتدفع ضرايب ولا مبتدفعش دية مش حقوق ليك ولا اية يا جماعة لو فكرين دا اوبشن من الحكومة ولا حاجة لا دا حاجة اساسية
ليت النهضة لم تاتى يوم وحشنى اوى ايام الفساد

[akmm]

حلوه اوى ..... وحشتنى ايام الفساد ............... على العموم حط اوكتين بوستر .

[Fo1Fo]

لو فى مره أتزنقت وحطيت بنزين 80 الحل بسيط جدا نصف علبه أوكتان بوستر او منظف الكرباتير او الأنجكشن لأن المنظفات دى ماهيه الا لأوكتان وبيضحكو بيه على الناس وانت بتحس ان العربيه فاقت تفتكر ان المنظف عمل نتيجه والسبب هو الأوكتان العالى اما المنظف الأسبراى اللى بيترش داخل الكبراتير فده يعمل نتيجه نسبيا

[Dragon78]

ربنا يعدي الأزمه على خير

[Magoda]

العربيه تسقف ولا العربيه تقف منك ع الطررييق ولو لسه مضايق انا مستعد اجى اخدهم منك

[salah_86]

انا بفكر انزل احجز دور فى بنزينة واجيب ميكانيكى يفكلى طبة التانك من تحت وينزل البنزين

[lanos2004]

مش هيحصل اى حاجه لا تقلق المهم خليك حنين على العربيه وخلاص ولما التنك يبقه للنص مثلا دور على بنزين 92 وكمله
رافع الاوكتان والحاجات دى هتخلى البنزين اوكتان 84 يعنى مش هتفرق قوى

[4fun14]

انتا مستفز اوى على فكرة
هو البنزين والكهرباء و المياة دا مش حقق بتدفع ضرايب ولا مبتدفعش دية مش حقوق ليك ولا اية يا جماعة لو فكرين دا اوبشن من الحكومة ولا حاجة لا دا حاجة اساسية
ليت النهضة لم تاتى يوم وحشنى اوى ايام الفساد

يخرب بيت ام ذكائك

[mdogs1979]

جهاز لشراء بنزين 80 منك باى سعر


مش مهم تسقف .. مش مهم نتشل ... المهم رئيسنا الرائع يفضل على المرسى كلنا فداك يا كرسى lol

[salah_86]

دلوقت الحمد لله فولتها 92 بس لسه بتكركر ايه الحل؟
مع العلم انى دى اول مرة عربيتى تكركر وانا كمان اول مرة احط 80