الانسر بعد الالف كيلو غير قبل خالص.....

[dr_bassem]

سلام عليكم
انا لاحظت حاجة الانسر بتاعتي اول معديت الف كيلو سحبها اتغير فعلا و استجابة الكيك بقيت اسرع(اه كنت ساعات ادوس كيك ف التليين)انا اه عارف ان العربية بتبقي احسن بعد الالف,بس لدرجة اني احس الفرق في نفس اليوم اول متعدي الالف؟؟؟؟!!انا مستغرب...بس مشاْء الله سحبها جميل..
حاجة تانية ناس كتير اول لما عرفوا اني غيرت زيت في صيانة الالف استغربوا جدا بيقلولي انت اتجننت ده الزيت اللي بيبقي ف الخليجي ده انضف من موبيل اللي غيرته فيها و ان ممكن كان يقعد معايا 10000,هوه الكلام ده فعلا صح؟؟؟مكنش المفروض اغير زيت؟؟؟اصلهم زعلوني علي الزيت النضيف اللي رميته ده:)

[Ahmed Samy]

الف الف مبروك
بس ماتزعلش على الزيت الأولاني ده

لأنه أولا معمول غلشان يتغير في صيانة الألف

ثانيا حتى لو الزيت كويس ..لأن الموتور جديد الزيت ده بيتملى رايش من الاحتكاك ولازم يتغير


تحياتي

[Tamer-Ezzat]

طبعا الموتور بعد الالف الاولى بيقى اتلين أكتر وان كنا كلنا بنعتمد على الاحساس أو مسألة نفسيه بحته يعنى معتقدش ان فيه فرق فى اداء الموتور فى 990 كم وأول ما يوصل 1001 حيبقى جبار بس هو احساس نفسى ان انا عملت اللى عليا ولينت الموتور فتلقائيا تبدا تقرص وانت مطمن فبالتالى تحس ان الموتور اصبح أكثر قوة ...

ربنا يباركلك فيها وعقبال ما تلين البورشه ...

[sarhan_game]

1000 مبروك السياره حضرتك عندك العربتينlancer 2007 super action,lancer ex 2008 أه أوجه الأختلاف

[mazen86]

الف مبروك علي العربية

وربنا يحرسك من العين يارب

[Adham]

الزيت اللي بينزل في العربية بيبقى معمول حساب انة يتغير عال 1000 كيلو و بس

و الفلتر كمان لازم يتغير معاو علشان لو فية اي رايش في الفلتر كمان

علشان الرايش اللي بيطلع من الموتور في التليين

و لو قعدتة اكتر من كدة يعمل مصايب

انت عملت الصح

و اللي يقولك خسارة الزيت الخليجي قوللة معلش رجعناه الخليج تاني :)

[dr_bassem]

sarhan_game
تاريخ الانضمام: 12Jul2008




1000 مبروك السياره حضرتك عندك العربتينlancer 2007 super action,lancer ex 2008 أه أوجه الأختلاف

الفرق بينهم كبير جدا بجد لانسر تفوقت علي نفسها,غير السوبر اكشن خالص,من جوه اشيك كتيير,و انعم و سحبها ممتع اكتر,تكيفها احلي كتيير,و من جوه حاسسها اوسع او مريحة اكتر,و طبعا الباور انعم كتيير(electronic),لما بسوق الشارك و اسوق البومة بعدها بجد بحس دي حاجة و دي حاجة,زي متقارن بي ام ب لانوس:),بجد حاجة تانية و لو عندك اي استفسار انا تحت امرك.
adham:الله ينور عليك يا باشا انتا زي العسل:)هوه ده الصح

[dr_bassem]

الله يبارك فيك يا مازن باشا

[sarhan_game]

1000شكر يا دكتور على أهتمامك الف مبروك علي العربية

[coolsh]

معلش سؤال يا دكتور ضروري... انته عندك داخل المدينه مع تشغيل التكيف نسبه استهلاك البنزين كام لتر لكل كيلو من الكمبيوتر؟؟ ونوع البنزين كام 92 ولا 95؟؟؟ يا رب تفيدني ضروري ابتديت اشك في عربيتي...

[dr_bassem]

لا انا مش بشوف استهلاك البنزين من الكمبيوتر,حاسس انه مش طبيعي خالص بيدي averageو ش منطقي,انا شغال 92 ص كنت حسبتها ال 60 جينه مشيت بيهم 330 كيلو تقريبا ده جوه البلد مع مشوار واحد بره البلد بتاع 60 كيلو