خلاص هتجنن

[salah_86]

عندى صوت فى العربية من ناحية الشمال ورا الصوت زى ما يكون جاى من خارج الصالون عامل زى ما يكون فى حاجة معدنية سايبة بتخبط فى كوباية بلاستيك بيظهر فى الشوارع المكسرة شوية اه وشوية لا وبعدين انا لما سالت فى توكيل المصرية قالولى دا مساعد غيرت ال 4 مساعدين والصوت زى ما هو روحت للمتخصصون فكولى الطنبورة الخلفية وكشفو على التيل وبرضة طلع مش منه الصوت دا بقى هيجننى خلااااااااااااااااااااااااااااااااااااااااااااص بجد قرفت جدا ومطهقنى قوى قوى
ياريت تشورو عليا وتساعدونى

[amro0000]

يا نهااااااااااااااار يا ابو صلاح انتة كأنك بتتكلم علي المشكله الي عندي بلللللللللللللزبط والله العظيم الموضوع دا بقاله عندي حوالي شهرين ونص بص ياسيدي انا روحت لواحد بتاع عفشة فضل هيتجنن ويبص ويبص ويهز في المساعد وينزل تحت العربية وفي الاخر لاقيته بيقولي دا مساعد طب ازاي ياعم المساعد ودة الصوت مبيحصلش الا في الشوارع الي فيها تكسير جامد زي عيون القطط مثلا ومش بيحصل وانا ماشي علي السريع او باخد مطب عالي الصوت مبيظهرش الا في الشوارع الي مش متسفلته صح بجد بجد بجد مقتنعتش بكلامة ورحت للميكانيكي بتاعي وبصلي وقالي ياعم المساعد زي الفل مفهوش حاجة طب ازاي المساعد بايظ واما اجي اضغط علية فوق وتحت ميعملش الصوت دا نهااااااائي؟؟؟؟؟ وكمان يا ابو صلاح غلطة منك معلش انك تغير مساعدين لو كان الصوت بيروح ويجي مش ثابت لاكن لو الصوت ثابت كان ماشي غير مساعد واحد بس مش اربع مساعدين بص ياابو صلاح مش هطول عليك المهم المشكله دي مش لاقيلها حل نهائي بردة زي حلاتك ومش عارف اية سببها بردة المهم انا هقولك علي كام حاجة جربتها وهيا ممشيتش عندي بس يمكن تمشي عندك بص ياسيدي تانك البانزين معروف انه تحت العربية روح لبتاع العفشة خلية يربطهولك دي اول نقطة تاني نقطة النمر بتاعة العربية الخلفية في شنطة العربية وحاول تحت وراها قطنة او منديل او قماش بحيث متحتكش النمرة بلشنطة وجرب تالت حاجة انفض شنطة العربية كويس وشوف فية حاجة بتضرب في الصاج بتاع العربية مثلا الكوريك او عصاية الكوريك او الصليبة اة ومتنساش الاستبن بردة لية مسمار لو مش موجود ممكن يعمل الصوت يعني من الاخر شيل كل الي في الشنطة عندك وشوف الشنطة عندك خليها مفتوحة وامشي يمكن الشنطة كانت مخبوطة قبل كدة ولا حاجة ومش مزبوطة قفلتها فخليك فاتح الشنطة وجرب وحاجة تانيه بردة انا اشك في الاكصدام بنسبة كبيرة معرفش لية ممكن ميكونش مربوط كويس او ريح شوية او ممكن يكون الفانوس مش متركب صح او كمان الكنبة بتاعة العربية الخلفية شوف يمكن تكون فكيتها قريب ومركبتهاش صح فحاول بردة تفك الكنبة لاني اشك فيها بصراحة بردة ولو فية سماعات بردة شوفهم مربوطين كويس ولا لاء ولمبة الاستوب الي عند الازاز شوفها متلخلخة ولا حاجة وحاول تشيل اي حاجة من ضهر العربية علي قد ماتقدر وجرب كل حاجة لحد ماتعرف العيب فين هههههههههه وانا عارفك مش هتسكت الا اما تجيب اساس المشكله وياريت تقولي لاني بجد عاوز اعرف اساس المشكله لاني مليش خلق زيك ادور وابحث في دا كله انا بيني وبينك قولت كبر دماغك واكيد حاجة تافهة وماشي ومكبر دماغي مادام حاجة مش اساسية وانشاء الله هتعرف العيب وتقولي بقا ههههههههه وكل سنة وانتة طيب ورمضان كريم

[salah_86]

هههههههههه كل سنة وانت طيب يا عمور
انا عملت كل اللىانت قلتة دا وبرضة مفيش فايدة

[alking_2006]

طب ممكن يكون شداد الشكمان سايب؟
او علبة الشكمان بتشخلل علشان اخدت مطب و لو كدا يبقى عايزة تتغير

[yousefsemsem]

سبحان الله انا المشكله ديه عندي بقالها شهر ولسه عاملها حالا اه والله لسه جاي من عند العفشحي المقص اللي ورا هتلاقي في شدادين مسكينه ورا في جسم العربيه واحد صغير والتاني كبير عنه طلعهم وشوف الجلب بتاعتهم ولو جلبهم كويسه شحمهم انا عملت كده والحمد لله ظبطت

[salah_86]

الحمد لله
تكبير الأول بقى
السبب طلع هايف جدا جدا جدا جدا من هنا لبكرة
انا روحت لعفشجى ركب وسمع الصوت ونزل تحت العربية 40 ثانية وطلع قالى جرب كدا والمفاجاة الصوت راح يا جدعان طلع من ايه بقى
حاجة اسمها الصدادة بتاعة المساعد ومسمار المقص الخلفى الاتنين كانو سايبين
تخيلو بقى توكيل مصرية اللى فى قليوب والمهندس اللى مبيفهمش اللى طلع جرب العربية مرتين والتالتة معايا وقالى ال 4 مساعدين عاوزين يتغيروا
توكيل قليوب دا فسكونية

[amro0000]

كنت متأكد يا ابو صلاح انك مش هتعديها كدة هههههههه استاذ ياباشا استاذ يعجبني اصرارك

[salah_86]

هههههههههههه
الله يخليك ياباشا
دا مش منى دا بفضل الله عليا انه هدانى للعفشجى دا بعد معاناه مع الصوت دا اكتر من 7 او 8 شهور
وبعد ما غيرت ال 4 مساعدين والحمد لله انى وانا بغير المساعدين احتفظت بالقدام الاصلى بتوع العربية وشايلهم عندى علشان فى اى وقت اغيرهم تانى وارجع الاصلى لانهم كدا يبقو سلام

[BASOOMVIP]

هههههههههههه
الله يخليك ياباشا
دا مش منى دا بفضل الله عليا انه هدانى للعفشجى دا بعد معاناه مع الصوت دا اكتر من 7 او 8 شهور
وبعد ما غيرت ال 4 مساعدين والحمد لله انى وانا بغير المساعدين احتفظت بالقدام الاصلى بتوع العربية وشايلهم عندى علشان فى اى وقت اغيرهم تانى وارجع الاصلى لانهم كدا يبقو سلام

انا كان معايا لانسر 2008 و مرة فى المصرية روحت اعمل صيانة قالولى العربية عاوزة 4 مساعدين و غيرتهم و هما تقريباً برده كانوا كويسين بس المفاجأة انى روحت بعدها بشهرين توكيل مصرية اللى فى المهندسين و قالولى العربية عاوزة 2 مساعدين قدام بجد قلة ضمير مفيش بعد كدة و نصيحة منى متغيرس مساعدين اللانسر قبل 100 الف كيلو و ممكن كمان يقعدوا بعدكدة بكتير لو مشيك حلوبس انا غلط لما غيرت ال4 انى مختش القدام مع انى كنت شبة متأكد انهم كويسين مش عارف التوكيلات بيه حاطة المساعدين فى دماغها كدة

[Dragon78]

عندى صوت فى العربية من ناحية الشمال ورا الصوت زى ما يكون جاى من خارج الصالون عامل زى ما يكون فى حاجة معدنية سايبة بتخبط فى كوباية بلاستيك بيظهر فى الشوارع المكسرة شوية اه وشوية لا وبعدين انا لما سالت فى توكيل المصرية قالولى دا مساعد غيرت ال 4 مساعدين والصوت زى ما هو روحت للمتخصصون فكولى الطنبورة الخلفية وكشفو على التيل وبرضة طلع مش منه الصوت دا بقى هيجننى خلااااااااااااااااااااااااااااااااااااااااااااص بجد قرفت جدا ومطهقنى قوى قوى
ياريت تشورو عليا وتساعدونى

ايه يابو صلالالالالالالالالالالالالاح ... ايه ياعم اللي بتعمله ده بس

انت كده شكلك هاتزعلني منك

مبدئيا .. ياراجل حد يمشي ورا كلام بتوع التوكيلات وهو مغمض كده !!!

ثانيا بقى .. لما انت بتقول انه صوت من بره ومن تحت .. طيب ماكنت تروح لواحد بتاع عفشه الأول ولما يفشل ابقى روح التوكيل , لكن تقوم رايح مغير الـ 4 مساعدين مره واحده ؟؟؟ ياخبر أبيض

كلفت نفسك جامد أوي على حاجه طلعت هايفه في الآخر .. وبرضه هاقولك زي المره اللي فاتت أديك أخدت درس .

وفي عتاب صغير كمان .. أمال ياأخي المنتدى ده لزمة ايه ؟!!! مش عشان الأعضاء كلها تفيد بعضها كده
كنت سألت يمكن حد يقدر يفيدك .. حتى لو مش هايفيدك بالحل مباشرة .. ع الأقل كنت هاتلاقي واحد زي حالاتي كده يقولك روح لواحد بتاع عفشه يكشفلك ع العربيه من تحت .

تحيــــــــــــاتي

[salah_86]

ياباشا لفيت ودخت وسالت قبل كدا عند عفشجى وقالى مفيش حاجة ورفعت العربية بنفسى كذا مرة وبصيت تحتها ولا نتيجة وسالت هنا كتير بس الاجابة ربك لما يريد وبالنسبة للمساعدين اهم القدام الاصلى بتوعها عندى فى البيت وقت ما اللى راكبين يهيسوا اشيلهم واركب الاصلى