بومه 2013 ولا شارك 2013

[k_sedy]

السلام عليكم ورحمه الله وبركاته
انا حيران بين الأثنين
الناس بتقولي البومه أحسن
وبتقول الشارك كلها مشاكل بس انا مش مقتنع بالكلام ده
أعتقد ان صالون الشارك أوسع صح؟؟؟؟؟
انا طويل نسبيا فجربت البومه قاعد فيها مستريح نسبيا
بس لو الشارك أوسع هيببقي أحسن
لا حظت ان البومه فقيرة من ناحية الكماليات - بس انا مش مهم الكماليات بالنسبة ليا أوي
اللي اعرفه ان البومه أفضل في إعادة البيع
بس لو الشارك أحسن وتعيش هيبقي أكيد أحسن صح ولا لأ ؟؟؟
فياريت تفيدوني بعيوب ومزايا كل منهم
جزاكم الله خيرا
وكل سنة وانتم طيبين

[SERGIOOO90]

يا عم ملكش دعوة بالسوق , الشارك أجملو أشيك البومة في كل حتة في مصر و هيتوقف إصدارها الشهر الجاي خلاص
خليك في الموتور الأقوى و الشكل الأشيك و الأقوى

[yyy]

مش محتاجه تفكير
شارك طبعا

[semsem5144]

الشارك طبعا شكلها احلى موتورها اقوى ومن جوا اوسع واشيك بس شنطتها اديق
اعادة البيع اتغيرت بعد التغيرات اللى نزلت فى 2012 الموتور والعفشه والشكمان ومع ارتفاع اسعار العربيات كويس اوى انك تركب عربية ياباني 100% زي الشارك بسعر ارخص من كيا وهيونداي

[kazamodia]

الشارك طبعا احسن واقوى واشيك لكن البومة مميزة اكثر في الاعتمادية واعادة البيع وسعر قطع الغيار
الشارك قطع غيارها غالية اوي وشنطتها صغيرة واعادة بيعها بتخسر جامد

[Ahmed TRAVCO]

السلام عليكم!

باختصار شديد ومع احترامي الكامل للبومة اللي بحبها جدا... مفيش وجه للمقارنة!!

ده جيل وده جيل تاني تم تطويره من حيث انتهى الجيل الاول... ومش عارف ازاي لسة في ناس بتقول ان الشارك اللي بدات في 2008 اوحش من البومة اللي بدات في 2003... بجد حاجة غريبة... زي اللي يقوللك ان كورولا 2007 احسن من الجديدة!!! زي ما يكون الخواجات اللي صنعوا العربيات دي مجانين مثلا!!

المهم...
الشارك موتور المايفيك اللي فيها حاجة مبتكرة فعلا ومختلفة تماما عن موتور البومة... عزم وهورس باور اقوى (رغم ان الشارك وزنها اتقل بفرق عن البومة)... الشارك 117 حصان قصاد 107 للبومة...
بالنسبة للشاسيه... هوه وزنه اتقل من شاسيه البومة بحوالي 35%... ده غير ان قدراته الالتوائية اعلى بكتير ودة بيفرق جدا جدا في الثبات والقدرة على المناورة... زائد طبعا قدرة التحمل... شاسيه الشارك ممكن يشيل اكتر من 300 حصان زي نسخة الايفولوشن والاوتلاندر جيب...

بالنسبة للصاج... الناس هتقعد تقولك اكصدامات الشارك مش عارف ايه وبينسوا انها مصممة كدة لامتصاص الصدمات زائد ان لو الاكصدام الامامي مثلا لو اخد خبطة لا فدر الله فهوه برضه بعيد عن الاجزاء المهمة... في حاجة كمان... ميتسوبيشي عملت نظام مبتكر لتدعيم جسم العربية بالكامل بالالومنيوم الصلب وسمته Rise Body... ودة امان اكتر طبعا...

بالنسبة للتعليق... مفيش وجه للمقارنة (رغم ان ثبات البومة جيد جدا وافضل من تويوتا في رأيي)... بس اجنا هنا بنتكلم عن مجرد مقصين في البومة قصاد عفشة خلفية Multi-Link متعددة الوصلات في الشارك بتدي ثبات رهيييب زائد راحة اكبر... صدقني فرق الاحساس بالثقة كبير لصالح الشارك...

المساحة الداخلية... الشارك تتفوق كالعادة وبوضوح.. خصوصا في الكنبة الخلفية.. عموما الشارك اطول واعرض وارتفاعها عن الارض اكبر وقاعدة عجلاتها اطول... وخلي بالك ان الجنط الاسبور في البومة مقاسه 15 انش قصاد 16 في الشارك...

بالنسبة لداخل العربية اعتقد ان صالون الشارك (مع بساطته) ممكن يكون الاشيك في الفئة دي عموما خصوصا الهايلاين مع الابانوس في التابلوه والابواب الامامية... شوف انا هتكلم عن الهايلاين اللي معايا... عندك فتحة سقف.. اسبويلر.. بصمة... سمارت كي... اوكر ابواب نيكل من جوة... CD مع شاشة باللمس على نظام صوتي جبار من Rockford Fosgate مع 6 سماعات زائد صب ووفر في الشنطة... والله العظيم الساوند سيستم ده احلى من بتاع الفانتازيا والكورولا بمراااحل... طبعا تكييف اوتوماتيك... فوانيس شبورة... فتحة USB وAUX... الخ الخ!
الحاجة الوحيدة اللي تتفوق فيها البومة هي الشنطة!!! بس عندك كنبة الشارك بتطوى (بالكامل) مش تلت وتلتين زي البومة...

صوت موتور المايفيك اعلى شوية وبيديلك احساس رياضي... عزل الهوا افضل في الشارك... وخلي بالك ان كاوتش الدانلوب اللي نازل فبريكة خشن جدا (رغم انه ممتاز) فده بيحسسك بالصوت اكتر من الحقيقي... يعني لو جربت ميشلان مثلا هتشوف ان الشارك قريبة جدا من الكورولا في حتة العزل دي (اللي هي الميزة الوحيدة تقريبا في الكورولا)...

اه... بالنسبة بقى لموضوع سعر اعادة البيع فده بالنسبة لي كلام فاضي بصراحة (مش كتر فلوس هههه) بس علشان ببساطة انا جبت عرليتي ومش ناوي ابيعها قبل 5 او 7 سنين انشاء الله... فمش هقعد بقى احسبها بالسحتوت يا ترى هخسر كام لاني كدة كدة هخسر فلوس لما اجي ابيع... انما في السبع سنين دول انا راكب عربية جبااارة بمعنى الكلمة وببقى ماشي بيها وحاسس بثقة كبيرة ودايما بحس انها الافضل في فئتها بالسعر ده.... بصراحة ثبات الشارك فاجئني وخلتني موهوم بالعربية دي...!!

[k_sedy]

السلام عليكم!

باختصار شديد ومع احترامي الكامل للبومة اللي بحبها جدا... مفيش وجه للمقارنة!!

ده جيل وده جيل تاني تم تطويره من حيث انتهى الجيل الاول... ومش عارف ازاي لسة في ناس بتقول ان الشارك اللي بدات في 2008 اوحش من البومة اللي بدات في 2003... بجد حاجة غريبة... زي اللي يقوللك ان كورولا 2007 احسن من الجديدة!!! زي ما يكون الخواجات اللي صنعوا العربيات دي مجانين مثلا!!

المهم...
الشارك موتور المايفيك اللي فيها حاجة مبتكرة فعلا ومختلفة تماما عن موتور البومة... عزم وهورس باور اقوى (رغم ان الشارك وزنها اتقل بفرق عن البومة)... الشارك 117 حصان قصاد 107 للبومة...
بالنسبة للشاسيه... هوه وزنه اتقل من شاسيه البومة بحوالي 35%... ده غير ان قدراته الالتوائية اعلى بكتير ودة بيفرق جدا جدا في الثبات والقدرة على المناورة... زائد طبعا قدرة التحمل... شاسيه الشارك ممكن يشيل اكتر من 300 حصان زي نسخة الايفولوشن والاوتلاندر جيب...

بالنسبة للصاج... الناس هتقعد تقولك اكصدامات الشارك مش عارف ايه وبينسوا انها مصممة كدة لامتصاص الصدمات زائد ان لو الاكصدام الامامي مثلا لو اخد خبطة لا فدر الله فهوه برضه بعيد عن الاجزاء المهمة... في حاجة كمان... ميتسوبيشي عملت نظام مبتكر لتدعيم جسم العربية بالكامل بالالومنيوم الصلب وسمته rise body... ودة امان اكتر طبعا...

بالنسبة للتعليق... مفيش وجه للمقارنة (رغم ان ثبات البومة جيد جدا وافضل من تويوتا في رأيي)... بس اجنا هنا بنتكلم عن مجرد مقصين في البومة قصاد عفشة خلفية multi-link متعددة الوصلات في الشارك بتدي ثبات رهيييب زائد راحة اكبر... صدقني فرق الاحساس بالثقة كبير لصالح الشارك...

المساحة الداخلية... الشارك تتفوق كالعادة وبوضوح.. خصوصا في الكنبة الخلفية.. عموما الشارك اطول واعرض وارتفاعها عن الارض اكبر وقاعدة عجلاتها اطول... وخلي بالك ان الجنط الاسبور في البومة مقاسه 15 انش قصاد 16 في الشارك...

بالنسبة لداخل العربية اعتقد ان صالون الشارك (مع بساطته) ممكن يكون الاشيك في الفئة دي عموما خصوصا الهايلاين مع الابانوس في التابلوه والابواب الامامية... شوف انا هتكلم عن الهايلاين اللي معايا... عندك فتحة سقف.. اسبويلر.. بصمة... سمارت كي... اوكر ابواب نيكل من جوة... Cd مع شاشة باللمس على نظام صوتي جبار من rockford fosgate مع 6 سماعات زائد صب ووفر في الشنطة... والله العظيم الساوند سيستم ده احلى من بتاع الفانتازيا والكورولا بمراااحل... طبعا تكييف اوتوماتيك... فوانيس شبورة... فتحة usb وaux... الخ الخ!
الحاجة الوحيدة اللي تتفوق فيها البومة هي الشنطة!!! بس عندك كنبة الشارك بتطوى (بالكامل) مش تلت وتلتين زي البومة...

صوت موتور المايفيك اعلى شوية وبيديلك احساس رياضي... عزل الهوا افضل في الشارك... وخلي بالك ان كاوتش الدانلوب اللي نازل فبريكة خشن جدا (رغم انه ممتاز) فده بيحسسك بالصوت اكتر من الحقيقي... يعني لو جربت ميشلان مثلا هتشوف ان الشارك قريبة جدا من الكورولا في حتة العزل دي (اللي هي الميزة الوحيدة تقريبا في الكورولا)...

اه... بالنسبة بقى لموضوع سعر اعادة البيع فده بالنسبة لي كلام فاضي بصراحة (مش كتر فلوس هههه) بس علشان ببساطة انا جبت عرليتي ومش ناوي ابيعها قبل 5 او 7 سنين إن شاء الله... فمش هقعد بقى احسبها بالسحتوت يا ترى هخسر كام لاني كدة كدة هخسر فلوس لما اجي ابيع... انما في السبع سنين دول انا راكب عربية جبااارة بمعنى الكلمة وببقى ماشي بيها وحاسس بثقة كبيرة ودايما بحس انها الافضل في فئتها بالسعر ده.... بصراحة ثبات الشارك فاجئني وخلتني موهوم بالعربية دي...!!

شكرا جزيلا
شرحك واضح ورائع
أفيدتيني جدا

[mi22do]

الــشــارك طبعا تكسب

[salah_86]

انا معايا بومة وبقولك خليك فى الشارك وادعيلى احصلك واغير للشارك قريب إن شاء الله

[Dragon78]

بص ياباشا .. أنا مش هاقولك ان البومه أحسن ولا حاجه

ولا هاقول ان الشارك فيها كماليات أكتر وأوسع في صالونها وشكلها جديد وكده

ولا هاقول على البومه أحسن في اعادة البيع أو ان الشارك سعرها بيقل جامد ساعة ماتيجي تبيعها

اللي هاقولهولك ببساطه .. أهم النقط اللي يجب توافرها في العربيه لما تيجي تشتريها :
- الاعتماديه وسعر قطع الغيار .
- المبلغ المتاح بالنسبه ليك انك تقدر تشتري بيه العربيه
- حاجه كمان مهمه هي .. الخبره عند الصنايعيه اللي ممكن تحتاجلهم في المستقبل بعد ماتكون العربيه قدمت معاك شويه ... ياترى هايكونوا فاهمين في أنهي أكتر .
- كمان من ناحية السواقه .. الشارك في ناس ركبتها بتقول انك وانت قاعد على كرسي السواق كأنك قاعد في طياره (ممكن انت مش هاتفرق معاك الحكايه دي لأنك بتقول ماشاء الله انك طويل )

المختصر يعني .. انك بتشوف ايه أكتر حاجه تحبها تكون موجوده في عربيتك وتقدر توفرها في حدود امكانياتك وتجيبها .
يعني مثلا في ناس بالنسبه ليها .. الكماليات والحركات اللي في العربيات الحديثه مهمه أوي بالنسبه ليهم , وفي ناس تانيه بتحب الحاجه تكون بسيطه ( الناس أزواق).

فاانت فكر كويس الأول وروح اتفرج على الاثنين في المعرض واركب جوه دي واركب جوه دي وقارن .

بالتوفيق ياباشا ان شاء الله ومبروك مقدما

[k_sedy]

بص ياباشا .. أنا مش هاقولك ان البومه أحسن ولا حاجه

ولا هاقول ان الشارك فيها كماليات أكتر وأوسع في صالونها وشكلها جديد وكده

ولا هاقول على البومه أحسن في اعادة البيع أو ان الشارك سعرها بيقل جامد ساعة ماتيجي تبيعها

اللي هاقولهولك ببساطه .. أهم النقط اللي يجب توافرها في العربيه لما تيجي تشتريها :
- الاعتماديه وسعر قطع الغيار .
- المبلغ المتاح بالنسبه ليك انك تقدر تشتري بيه العربيه
- حاجه كمان مهمه هي .. الخبره عند الصنايعيه اللي ممكن تحتاجلهم في المستقبل بعد ماتكون العربيه قدمت معاك شويه ... ياترى هايكونوا فاهمين في أنهي أكتر .
- كمان من ناحية السواقه .. الشارك في ناس ركبتها بتقول انك وانت قاعد على كرسي السواق كأنك قاعد في طياره (ممكن انت مش هاتفرق معاك الحكايه دي لأنك بتقول ماشاء الله انك طويل )

المختصر يعني .. انك بتشوف ايه أكتر حاجه تحبها تكون موجوده في عربيتك وتقدر توفرها في حدود امكانياتك وتجيبها .
يعني مثلا في ناس بالنسبه ليها .. الكماليات والحركات اللي في العربيات الحديثه مهمه أوي بالنسبه ليهم , وفي ناس تانيه بتحب الحاجه تكون بسيطه ( الناس أزواق).

فاانت فكر كويس الأول وروح اتفرج على الاثنين في المعرض واركب جوه دي واركب جوه دي وقارن .

بالتوفيق ياباشا ان شاء الله ومبروك مقدما

الف شكر يا باشا علي الاهتمام وعلي هذه المشاركة الجميلة

[Dragon78]

العفو ياباشا .. أي خدمه وبالتوفيق ان شاء الله في الاختيار أولا وفي الشراء ثانيا

[S O P H O S]

الشارك عربية مختلفة جدا عن البومة
لو تقدر علي قطع الغيار الاعلي من البومة توكل علي الله