Tweet
بصراحة انا النهردة مشيت مسافة طويله من مصر الجديدة لحد ستة اكتوبر مول العرب ولاحظت الاتي .. بصراحة سحب العربية وتجميعها مش عاجبني حاسس انها بطة بصراحة ومش عارف اية السبب للعلم انا مغير بوجيهات قريب وانا مواظب علي تنضيف فلتر الهوا دايما بلهوا بأستمرار وبلنسبة للزيت هوة بقاله دلوقتي 9الاف كيلو وفاضل الف والمفروض اغيرة مش عارف هل الزيت هوة سبب في المشكله دي ولا لاء؟ وفية نقطة تانيه فلتر البنزين صاحب العربية الي انا شاريها منة بيقولي انه غيرة تقريبا علي حوالي 55الف والعربية دلوقتي عامله تقريبا 100الف كيلو الا شوية فمشعارف هل دا سبب وللعلم هوة مغير الفلتر الاصلي من توكيل ميتسوبيشي وانا دايما بأستمرار بكون مفول التانك دايما وهوة كمان كان معود العربية علي التفويل دايما ومش بيسيبها لاخر شرطة وانا بصراحة مش عارف العيب من اية يعني الزيت الي عاوز يتغير ولا فلتر البنزين وهل فلتر البنزين ممكن يكون سبب في المشكله دي؟؟؟؟ وبلنسبة للكاوتش مظبوط بصيت علية وللعلم العربية 1300 مانول وانا النهردة هروح للميكانيكي يبوصلي علي فلتر البنزين ويقولي لازم يتغير ولا لاء بس ياريت ياجماعة تقولولي الحل اية لاني بصراحة ساعات بحس عربيات موديل قديم بتطلع مني وبحس التجميع من صفر ل 100 مش عاجبني هل دا طبيعي عشان 1300 ولا عشان الزيت ولا البنزين بصراحة احترت واتمني تقولولي المشكله دي ممكن تكون من اية اة وياريت تقولولي احسن نوع زيت اغيرة فية قدامي زيت توتال وزيت امارات مصر بيقولو الاتنين كويسيين حد جرب حاجة فيهم ياريت يقولنا الاحسن لاني مش لاقي الزيت ليكو مولي وياريت الي يعرف فلتر البنزين الاصلي من ميتسوبيشي عامل كام بلزبط قبل ما انسي انا لسة عامل ايدل ليزن ومنضف الانجشكن بلاسبراي من شهرين تقريبا ويادوب مشيت علية خمس الاف ....واشكركم واسف اسف اني طولت عليكم ورمضان كريم عليكم
-
-
تلخيص أسباب قلة السحب:
1-أسلاك البوجيهات: يوصي المصنعين بتغير أسلاك البوجيهات كل 100 الف كيلو نتيجة لإزياد مقاومتها للكهربا بالإستهلاك و الإهتزازات و بالتالي ضعف الشرارة الواصلة للبوجيهات و التأثير على القدرة على حرق البنزين و زيادة إستهلاكه .. نصيحة أولى غيّر أسلاك البوجيهات بالأصلي من الوكيل و ما تجيبش حاجة غير الأصلي ... مبدأيا هتلاقي العربية بقت أهدى كتيييييير في السلانسيه و السحب عالي (لسة مجرّبها على فكرة)
2-تغيير الزيت: بيأثر طبعا على السحب عند ال9000 كيلو خاصة لو موبيل وان ... انصحك بشيل ألترا هيلكس ... بيعيش أكتر عن تجارب كتير
3-فلتر البنزين: طبعا روح غيره خلاص حرام عليك يعني ههههههه ... تفويل التنك على طول بيساعد لكن مش هيمنعك من تغيير الفلتر يا راجل ههههه ... و لو عندك ميكانيكي نضيف خليه يخلع التنك و يغسله كمان و انسى لمدة 100 الف كيلو كمان :) ... لمّا ما بتغيروش طرمبة البنزين بتتخنق كمان و ممكن تبوظ ... خلّي بالك
4-ضغط الكاوتش: إتأكد إنك مش على أقل من 30 بأي حال من الأحوال
5-نظام التبريد: الحرارة بتموّت السحب ... حط دايما مية كولنت من موبيل و غيّرها كل سنتين
6-الظروف الجوية: الحرارة بتخلّي كميّة الأكسوجين في ال سم المكعب أقل بكتير ... هتلاقي سحب العربية أجمد دايما في الشتا ... و المشاوير الطويلة بتزوّد التراكمات الحرارية جوة حوض الموتور و بالتالي السحب بيبقى أبطأ
7-فلتر الهوا: دايما ما تجيبش غير الأصلي و غيّره بالكتير كل 20 الف كيلو
8-البوجيهات: تتغيّر كل 20 الف مهما كانت حالتها ... لو بوجيهات Stock
جرّب و قول لي :)
4- -
استاذ طارق انا مش عارف اشكرك ازاي علي ردك التفصيلي بلطريقة دي حقيقي لا كلام يعجز عن الشكر وانا هوضح لحضرتك كام حاجة بلنسبة للبوجيهات دلوقتي همة عاملين حوالي 12الف وجايبهم من ميتسوبيشي الرواس وفلتر الهوا انا بنضفة دايما بأستمرار لاكن مش عارف بقاله كام الف ولاكن بنضفة بأستمرار دايما وبلنسبة لاسلاك البوجيهات انا شايفهم ماشاء الله بحالتهم لاني كمان انا من النوع الي مش بيستعمل العربية في الحر لاني عارف ان الحرارة بتخنق العربية والسحب والموتور بيقصر عمرة اانا من النوع الي بيكرة الشمس وان العربية تمشي في شمس والزيت الي حاطة اسمة ليكو مولي ودلوقتي عامل حوالي 9الاف كيلو وانا النهردة هغير الزيت والفلتر وهشوف وهخلي الميكانيكي يبوصلي علي فلتر البنزين ويقولي ان كان كويس ولا اغيرة وهبوص علي ضغط الكاوتش اشوفة بس معلش حضرتك جربت الزيت شيل دا جربته كزا مرة ورأيك انه كويس؟ عموما انا هعمل التجارب دي وربنا يسهل انا مش عارف الي بقوله صح ولا لاءالمشاركة الأصلية كتبت بواسطة tarekmg مشاهدة المشاركةComment
-
يا جميل لا شكر على معلومة :)
بالنسبة للبوجيهات هات الNGK الG-Power ... و تقدر على الأريديوم ب300 جنيه هاتهم و دول هيعيشوا معاك 100 الف كم ... بالنسبة للزيت انا لفيت على كل انواع الزيوت و بس زيتك ده جديد بس سمعته حلوة برضه ... انا بس بقول لك رأيي عن تجربة و 14 سنة سواقة :)
نصيحة أخيرة ... انت عملت 100 الف كيلو و دي مسافة محترمة محتاجة كل الصيانات اللي قلت عليها فوق دي بالإضافة لتغيير اسلاك البوجيهات يا معلّم ... اي حاجة أقل من كده مش هترجّع عربيتك لحالتها الأصلية
عارف انه موضوع مكلّف ... بس النتايج مذهلة جداComment
-
انا متشكر ليك يا استاذ طارق بجد ربنا يباركلكComment
-
ايه بوجيهات الاريديوم دى لو سمحت ومنين ؟؟؟؟؟؟المشاركة الأصلية كتبت بواسطة tarekmg مشاهدة المشاركةComment
-
فلتر بنزين و فلتر هواء
والله اعلي و اعلم[CENTER]ربي قد مسني الضر و انت ارحم الرحمين
لا إله إلا انت سبحانك اني كنت من الظالمين[/CENTER]Comment
-
مع الاسباب اللى فاتت دى كلها وهيه صح .... فى احتمال ان البنزين اللى انت حطيته اخر مره كان مغشوش يعنى كان مخلوط ب80 ولا حاجه وده طبعا يفرق جدا جدا فى السحب والعزمComment
Comment