صوت فى الدركسيون

[SALAH ELDIN]

السلام عليكم
البومة 2013 1600 يعنى لسة جديدة
المهم بقالى يومين بسمع طأطأه فى الدركسيون وانا بحركة يمين وشمال
طأطأه غريبة
بس مع المشى مسافات بحس ان الصوت قل او اختفى
انا بجد هيجيل كساح من العربية دى

[MITSUKERO]

لو واقف علي اسفلت يبقي ممكن يكون فيه ظلط في الكاوتش بيفرك في الارض او احتكاك الكاوتش بالارض بيعمل كده فقط

علي كل حال اقف علي ارض ناعمة مثلا في بنزينة نضيفة و جرب

[SALAH ELDIN]

لو واقف علي اسفلت يبقي ممكن يكون فيه ظلط في الكاوتش بيفرك في الارض او احتكاك الكاوتش بالارض بيعمل كده فقط

علي كل حال اقف علي ارض ناعمة مثلا في بنزينة نضيفة و جرب

باشا
الصوت جاى من جوا العربية
على العموم هجرب
مع انى متأكد ان الصوت جاى من الطاره

[MITSUKERO]

بتبقي جايب ال d و دايس فرامل ؟ علي الرغم من ان ده ميعملشي صوت في العربيات الزيرو بس ممكن

لو الصوت متأكد انه من جوة عليك و علي الضمان و اهم حاجة تعرف تسمعهم الصوت فحاول تعرف بيطلع امتي بالظبط

[Ahmed_Mega]

ياباشا شوف كده زيت الباور اية ظروفه وروح اكشف فالتوكيل ومتسيبهمش

[SALAH ELDIN]

طبعا الموضوع استمر شوية
طويله
اتصلت بالتوكيل قلت اروح اشوف ايه الحكايه البنت حولتني على مهندس صيانة علطول
المهندس قالى احجز ميعاد صيانة او اقلك خليك
انا كده كده كنت حاجز صيانة ال 10 الالاف
المهم روحت جه المهندس الحكاية والرواية حسيت من كلامه ان الموضوع عادى لانة هو فهم انا اقصد ايه من غير شرح -- لمجرد انى قلت له وانا بحرك الدركسيون بيبقى فى صوت -- قالى علطول فى صوت طأطأه
فعلا هو دة
المهم العربيه عملت صيانة زيت وفرامل وشده وتشييك والكلام دة كله على الرغم من انهم ضربوا على باقى جركن الزيت مع انهم اعطونى جركن الزيت بتاع صيانة الاف فيه ربع الكميه تقريبا ما علينا مش هو دة المهم
العربية طلعت والصوت اتعمل واتظبت
طب يا عم الحج العربيه كان فيها حاجة الصوت دة من ايه من الباور ولا من علبه الدركسيون
طبعا هو مرددش رد مقعنع
قال ايه كان فى جلبه مقطوعه فى علبه الدركسيون ودة على اساس ان انا اول مره اركب عربيه
ما علينا المهم الصوت اتصلح
وتجاهلوا تماما موضوع الصوت بتاع الزجاج الخلفى بتاع التزييق
توكيل نص كم