انجدونى فى باجيرو 2004

[المغامر]

جبت سيارة باجيرو 2004 - 3000 cc اتوماتيك المشكلة ان السيارة وهيا طالعه شارع يكون عالى او مطلع مش بتحسب مهما ادوس بنزين وصوت الموتور بيبقى عالى جدا ولما بتوصل السرعة ل 40 بتبتدى تبقى كويسه

انا غيرت البوجيهات ونضفت البخاخات وغيرت طلمبة البنزين ونضفت الفلاتر وزى ما هيا مفيش اى جديد حسيت بيه

ياريت تنقذونى من المشكلة

فى بعض الميكانيكية قالو ان ممكن يكون العيب من زيت الفتيس هل الكلام ده صحيح ولا اى كلام بيقولوه وخلاص

[Samooh_2003]

شيك على زيت الجير ممكن يعمل كدا وشوف اي مشحمة خليه يشيكلك على البيض اللي قدام وورا بالمرة بما انك ماتعرفش حالتها هوه حاجة شبيها بالشحم واوعااا تماما حد يقولك اغيرهولك وتسمع كلامه ده بيتزود بس انا الجير عادي

[shriefcolt]

طلع علي التوكيل وتغير زيت الفتيس كله وبسرعه علشان كده زيت الفتيس بايط ومفيش ضغط جوه الفتيس عن تجربه شخصيه

[MITSUKERO]

كده بلوف الفتيس فيها مشكلة بنسبة كبيرة يا اما نتيجة ضغط الزيت او حاجة تانية

اكشف فورا ولا تتكاسل العربية حاجتها ناااااااااااااااار

اطلع علي التوكيل او ورشة المتخصصون في اقرب وقت

والله اعلي و اعلم

[المغامر]

انا غيرت زيت الفتيس والفلتر وبردو زى ما هيا وفى فنى فتيس شاف السيارة قالى ان الفتيس كله لازم يتغير هل الكلام ده صحيح وسعره هيكون كام الفتيس الجديد

[MITSUKERO]

انا غيرت زيت الفتيس والفلتر وبردو زى ما هيا وفى فنى فتيس شاف السيارة قالى ان الفتيس كله لازم يتغير هل الكلام ده صحيح وسعره هيكون كام الفتيس الجديد

مين الفني ده و بيشتغل فين ؟

الفتيس بتاعها ب 15 الف باين حاجة كده !!! اكشف صح قبل ما تغامر بالفلوس

[المغامر]

هل بلوف الفتيس بتتغير لوحدها يعنى لو فى بلف او اتنين بايظين بيتغيروا لوحدهم ياريت حد يساعدنى فى المشكلة دى ربنا يخليكم

[المغامر]

حد يساعدنى ؟
مفيش

[amro0000]

مع الاسف محدش هيفهم في الباجيرو لان ملاكها قليلين لازم تروح التوكيل يشوفوهالك

[MITSUKERO]

هل بلوف الفتيس بتتغير لوحدها يعنى لو فى بلف او اتنين بايظين بيتغيروا لوحدهم ياريت حد يساعدنى فى المشكلة دى ربنا يخليكم

بتتنضف بفك الفتيس

[Eng.Peter]

روح التوكيل اضمن و افضل