لانسر مكواه بجدد فيها وعايز مساعدتكم

[م.محمد عبده]

السلام عليكم
انا عندى لانسر مكواه وبعدل فيها الايام دي بشدها شده جامده
يعني غيرت العفشه والحاجات الاساسية وظبط المكنه
للعلم هي بفتحة سقف وكانت مش شغاله وصلحتها ..
والعربيه لونها إسود
عايز اغير اكصدامين ورا وقدام وأجيبلها فوانيس قبل ما تدخل ترش
اللى عنده اي موقع عليه صور للحاجات الموجوده في السوق وكده
ياريت يديني اللينك او اي صور مثلاً للاكصدامات والفوانيس الموجوده
والأسعار وكده
وشكراً :)

[Satan_satan]

انا ممكن ادلك على حد للفوانيس
بما ان انت من المنصوره .. عندك باسم طه ودى صفحته على الفيس https://www.facebook.com/groups/modifiedcarlights/

ممكن تلاقى حاجات عملها قبل كده للمكوه .. او بيديلك اقتراحات وانت تختار اللى انت عايزه منهم وبيعملهولك

وبصراحه شغله ممتاز ونضيف جدا وارخص بكتير من الناس التانيه وكل الناس بتشكر فيه

[Satan_satan]

لقيتلك فوانيس للمكوه هو عاملها MITSUBISHI LANCER 2003 HEADLIGHTS - YouTube
وزى ماقلتلك لو فى حاجه محدده انت عايزها هيعملهالك

[madman2002]

انا كمان من المنصوره .. عايزين معمل رابطه المكوجيه من ابناء المنصوره بقى :))

[madman2002]

حضرتك متعرفش جوز الفوانيس دول عاملين كام

[Satan_satan]

لا معرفش سعرهم .. بس كلم باسم او ابعتله رساله وهو هيقولك .. علشان السعر بيختلف من عربيه لعربيه على حسب حجم الفانوس وعلى حسب انت عايز تعمل ايه فيه

[م.محمد عبده]

انا ممكن ادلك على حد للفوانيس
بما ان انت من المنصوره .. عندك باسم طه ودى صفحته على الفيس https://www.facebook.com/groups/modifiedcarlights/

ممكن تلاقى حاجات عملها قبل كده للمكوه .. او بيديلك اقتراحات وانت تختار اللى انت عايزه منهم وبيعملهولك

وبصراحه شغله ممتاز ونضيف جدا وارخص بكتير من الناس التانيه وكل الناس بتشكر فيه

تشكر ياباشا ربنا يخليك :)
انا هتواصل معاه واشوف وهو فعلاً شكله شغله حلو اوى
بس كنت بفكر اجيب حاجه جاهزه ..
انت ايه رأيك؟

[م.محمد عبده]

انا كمان من المنصوره .. عايزين معمل رابطه المكوجيه من ابناء المنصوره بقى :))

أجدع ناس وأحلي رجالة مكوجية المنصورة :)

[Satan_satan]

تشكر ياباشا ربنا يخليك :)
انا هتواصل معاه واشوف وهو فعلاً شكله شغله حلو اوى
بس كنت بفكر اجيب حاجه جاهزه ..
انت ايه رأيك؟

هقولك حاجه .. انت انزل واسأل على اسعار الحاجات الجاهزه .. وابقى كلم باسم وشوف اسعاره .. و بناء عليه انت تختار

الحاجات الجاهزه هتلاقيها اغلى وبفرق كبير كمان .. انا عن نفسي خليت واحد صاحبى يعمل عربيته عند باسم وانا كمان هعمل الياريس والفانتازيا فوانيس قدام وورا ومرايات عند باسم

وكمان لاحظ ان لما تعمل انت الفانوس هيبقى قدامك اختيارات كتير اوى انت تختار منها ( رنجات - عدسات - سموك - ليدات - اشارات ) اللى انت عايزه هيتعمل

اما فى الجاهز انتا محكوم باللى قدامك .. يبقى فى احتمال اكبر انك متلاقيش حاجه تعجبك

[م.محمد عبده]

هقولك حاجه .. انت انزل واسأل على اسعار الحاجات الجاهزه .. وابقى كلم باسم وشوف اسعاره .. و بناء عليه انت تختار

الحاجات الجاهزه هتلاقيها اغلى وبفرق كبير كمان .. انا عن نفسي خليت واحد صاحبى يعمل عربيته عند باسم وانا كمان هعمل الياريس والفانتازيا فوانيس قدام وورا ومرايات عند باسم

وكمان لاحظ ان لما تعمل انت الفانوس هيبقى قدامك اختيارات كتير اوى انت تختار منها ( رنجات - عدسات - سموك - ليدات - اشارات ) اللى انت عايزه هيتعمل

اما فى الجاهز انتا محكوم باللى قدامك .. يبقى فى احتمال اكبر انك متلاقيش حاجه تعجبك

والله كلامك عين العقل (y)
انا عامة الفوانيس الى عندى متكسره ومتبهدله عشان كده اختيار اني اجيب جديد هو اللى لازق في دماغي حبتين ..
بحيث اني اجيب فوانيس شكلها كويس وجاهزه
يعني لو هعدل الفوانيس هحتاج انى اشتري اصلا فوانيس عاديه جديده

[Satan_satan]

احسب تمن الفانوسين الجداد العاديين + سعر تعديلهم ....... وسعر المتعدلين جاهز

وشوف الارخص والاحسن بالنسبه ليك وتوكل على الله

[madman2002]

عاوزينك بعد ما تخلص كده يا كبير تعملنا تقرير عن اللى انت عملته والاسعار ... لانى برده عايز اغير الاكصدام القدمانى والفوانيس وعاوز صنايعى كويس يظبط وش العربيه بيهم لانى زى ما انت عارف فى صنايعيه سكه كتير وهتلاقى الفانوس والكابوت والاكصدامات مفرقه عن بعضها ... ياريت تقولى الاسعاروالاماكن طالما من المنصوره عشان اعمل حسابى عشان ملبسش :))

[م.محمد عبده]

عاوزينك بعد ما تخلص كده يا كبير تعملنا تقرير عن اللى انت عملته والاسعار ... لانى برده عايز اغير الاكصدام القدمانى والفوانيس وعاوز صنايعى كويس يظبط وش العربيه بيهم لانى زى ما انت عارف فى صنايعيه سكه كتير وهتلاقى الفانوس والكابوت والاكصدامات مفرقه عن بعضها ... ياريت تقولى الاسعاروالاماكن طالما من المنصوره عشان اعمل حسابى عشان ملبسش :))

أخلص وهتلاقي التقرير بالصور بالخلاصه عشان تنجز وقتك وفلوسك
بس ادعيلي

[madman2002]

تسلم يا زعيم .. وربنا يوفقك يارب

[madman2002]

اخبارك ايه يا زعيم .. وصلت لفين ؟!!!