استفسار هام جدا عن التكييف

[المغامر]

هل هناك علاقة بين قوة البطارية وتكييف السيارة ؟؟؟

تفسير السؤال

انا معى سيارة باجيرو 3500 cc موديل 2004 ، البطارية الموجوده فيها 66 امبير

المشكلة ان لما باجى اشغل المكيف ممكن يشتغل وممكن لا

ولما بفصل كابلات البطارية واستنى 5 دقايق واشغل السيارة يشتغل زى الفل
لما ابطل السيارة واجى اشغل المكيف تانى بردو مش بيشتغل

ارجع افصل البطارية واستنى 5 دقايق واوصل الكابلات واشغل المكيف يشتغل تمام

وهكذا

ايه حل المشكلة دى ؟؟؟؟

وشكرا

[mem]

متابع

[Gelgel2004]

راجع ضفيرة التكييف و خصوصا الكتاوتات
و ممكن تروح كوول اير و تسال عن الكهربائى عبد العزيز شاطر وفاهم
تلفونهم 26202455
و بلغهم من نايل موتورز

تحياتى

[amro0000]

طيب انا عندي مشكله غريبه التكيف علي الطرق السريعة الصحراوي مثلا وانا بجري بيكون جميل جداااااااااااااااااا حتي في الصيف لاكن اما باجي اهدي او اقف بحس اختلاف وانه بيضعف اوي ويادوب يبرد تبقي اية المشكله دي؟؟؟؟؟؟؟؟؟

[Gelgel2004]

طيب انا عندي مشكله غريبه التكيف علي الطرق السريعة الصحراوي مثلا وانا بجري بيكون جميل جداااااااااااااااااا حتي في الصيف لاكن اما باجي اهدي او اقف بحس اختلاف وانه بيضعف اوي ويادوب يبرد تبقي اية المشكله دي؟؟؟؟؟؟؟؟؟

ده بيرجع لعده اسباب

1/ ضعف اداء الكباس خصوصا بعد استخدام ال 100000 كلم
2/ ضعف السرعه فى السلانسيه و بالتالى عدد اللفات بتاعه الكباس بتقل و بالتالى الاداء بيضعف عند الوقوف و السير البطئ وده طبيعى جدا خصوصا فى السيارات الاوروبى = عكس اليابانى و الكورى .
3/ يستحسن الكشف عند مركز معتمد لمراجعه سرعات المروحه - السرعه الثانيه - و مراجعه الكتاوتات
تحياتى

[walidadel81]

طيب انا عندي مشكله غريبه التكيف علي الطرق السريعة الصحراوي مثلا وانا بجري بيكون جميل جداااااااااااااااااا حتي في الصيف لاكن اما باجي اهدي او اقف بحس اختلاف وانه بيضعف اوي ويادوب يبرد تبقي اية المشكله دي؟؟؟؟؟؟؟؟؟

كانت عندي نفس المشكله بالظبط وكانت الاسباب عندي كلاتي
1- ضغط الفريون ماكان مظبوط كان عايز يتذود
2- فلتر التكيف كان عليه اتربه كتير جدااا وكان لازم يتغير
3- غسلت السربنتينه الاماميه بميه في البنزينه كان مليانه طينه
4- نضفت فتحات الكتيف الداخليه كلها باللاور كانت ملياته تراب كتير جدااا
والحمدلله المشكله اتحلت وبعدها فيمت الزجاج بقا الكلام جميل جدااا اشغله علي 4 وبعد مايتكيف العربيه انزل ل2 والكلام بيكون حلو جدااا والزحمه عادي