صيانة ال30000 كم في التوكيل

[محمد أنور]

رحت انهاردة التوكيل عشان اعمل سيرفيس ال30000 لعربيتي .. المهم فوجئت بزحمة رهيبة عمري ما شفتها فالتوكيل .. و طبعا لحسن حظي ان المهندس طارق زويل ربنا يباركله كان حاجزلي عندهم و الا كنت هلف وارجع تاني D:
قعدت حوالي 3 ساعات منهم نص ساعة طلعت سلمت على المهندس طارق عدت زي الهوا من كتر ما اتكلمنا و المشكلة اني مكنتش نايم من امبارح فالمهندس طارق استحملنا والله من كتر كلامي D:d:d: ... هي دي الحاجة الوحيدة اللي هونت عليا انهارده فالتوكيل .. غير كدة طبعا الموظف اللي استلم مني العربية مش طايق نفسه ولا طايقنا D: ربنا يكون في عونه طبعا من ضغط الشغل .. ورحت اقعد في القاعة استنى العربية لقيتها مرشئة ناس .. شكلهم كانوا بايتين بقالهم اسبوعين في اماكنهم .. و فالمهم استنييت برة لغاية ما خلصت العربية .. و دفعت الفاتورة كانت ب 817 جنيه و 30 قرش "محدش ينسى ال 30 قرش دول" و تفاصيل الفاتورة :
فلتر زيت 30 جنيه
زيت موبيل 1 200 جنيه
لامبة 3 جنيه (و محدش يسألني ايه لامبة دي عشان معرفش D:)
طقم تيل امامي 350 جنيه
سرفيس 115 جنيه
تغيير تيل فرامل امامي 30 جنيه
ضريبة مبيعات 74,30 جنيه

طبعا المفروض انهم يربطوا عالعفشة بس لقيتهم سايبين الشرايط اللي رابط بيهم الطاسات زي ما هما معنى كدة انهم محلوش العجل و ربطوا العفشة بس معلقتش عشان كنت زهقت و عاوز امشي .. بس الفاتورة عالية والا انا بس اللي حاسس بكدة ؟ ممكن عشان مكنتش نايم .. بس انا مبسوط ان اللمبة مش عارف بتاعة ايه دي ب 3 جنيه بس D:

[boody2]

علي فكرة انا كنت هناك من فترة في صيانة ال 30000 انا ما انبسطش بصراحة من الزحمة و لكن شرايط الطاسات بيفكوها و يشتغلوا و بيركبوا جديد مكانها ده للامانة بس زي ما قلت قبل كدة مياه الراديتير ما حدش بص عليها و اكتشفتها بالصدفة بعد كدة ان ناقصة لاني عمري ما قربتلها و لا زودتها من سنتين و برده انا كانت عيني عليهم من بعيد لان العربية كانت قريبة من المدخال و لا ربطوا العفشة و لا عملوا و اتكلف حوال 420 من غير تيل

[محمد أنور]

على فكرة انا ظلمت الناس دي .. عشان انا لسة واخد بالي دلوقتي ان الشرايط البلاستيك اللي راكبة في العجل الامامي جداد .. و بعدين انا اتزاكيت شوية ..قلت ازاي هيغيروا تيل الفرامل من غير ما يفكوا العجل ..
متاسف يا جماعة انا جيت عالناس اللي فالتوكيل و بعتذرلهم و بجد الناس دي شغغلهم زي الفل بس ساعة لما يبقى عندهم ضغط شغل بيبفوا مضغوطين .. معلش يا جماعة سوء فهم مني
و كل سنة و انتوا طيبين و رمضان كريم