سؤال الى المهندس طارق زويل

[nader makram]

انا عملت بالعربية اللانسر 2007 الشكل القديم 15000 كيلو و هى بقالها معايا سنة و 7 شهور فأنا ابتديت اسمع صوت صفارة خفيف أوى لما اكون ماشى ببطء و ادوس فرامل, فممكن اعرف أيه حل المشكلة؟
فهل لازم اروح التوكيل عشان يصلحوا المشكلة دى و الا ممكن اسيبها لصيانة ال 20000 كيلو؟
وسؤال تانى هو لازم اكشف على العربية دلوقتى فى التوكيل عشان هية بقالها سنة و 7 شهور عشان لو فى زيت هيتغير أو أى حاجة واللا مش شرط و ممكن اكمل ال20000 كيلو و ابقى اكشف عليها ؟
وشكرا

[مصراوي جدا]

أهلا بحضرتك يا استاذ نادر

انا بس كنت عايز اعرف العربية مصري ولا خليجي - ومانوال ولا أوتوماتيك - وهل سبق عمل اي صيانات للعربية أو حتى تغيير زيت وفلتر ولا لأ.

هو بخصوص الصفارة اللى مع الفرامل فدي حاجه بسيطة هي العربية محتاجة تيل فرامل وده هيتأكد بالكشف عليها ، وده طبيعي خاصة لو هي أوتوماتيك.

كذلك انا فهمت من كلام حضرتك ان العربية عاملة 15000 بدون ما تعمل لها اي صيانات رغم أن صيانات العربية بتكون عند الألف الأولى تغيير زيت وفلتر ثم عند العشرة آلاف ثم العشرين ألف ثم الثلاثين وهكذا كل 10 آلاف كيلو متر فيه صيانة دورية أساسها تغيير الزيت وفلتر الزيت ثم صيانات أخرى مثل المراجعة على تيل الفرامل والسيور والفلاتر وغيرها.

لو حضرتك معملتش اي صيانات قبل كده فيجب تغيير الزيت والفلتر في أسرع وقت ممكن وكذلك الكشف على تيل الفرامل لو محتاج تغيير

لو حضرتك بتغير الزيت والفلتر يبقى كل المطلوب هو الكشف على تيل الفرامل لو محتاج تغير والأفضل شراء تيل أصلي وسعره 385 جنيه شامل الضريبة

[nader makram]

أنا بعمل كل الصيانات فى مواعدها انا عملت صيانة الألف و 10 ألاف
انا كان قصدى الفترة الزمنية طويلة سنة و 7 شهور على عدد الكيلومترات فكنت خايف انى المفروض اغير زيت أو أى حاجة تانية كل فترة فهل الكلام ده صح واللا غلط؟
انا فهمت من كلام حضرتك دلوقتى انى المفروض اكشف على تيل الفرامل بس و لو بايز اغيره صح؟
وشكرا على سرعة ردك و معلش تعبك معايا

[مصراوي جدا]

هو الطبيعي ان الـ 10 آلاف كيلو يتعملوا في 6 شهور والعشرين في سنة وعلشان كده بيكون الضمان 20 ألف أو سنة (ومضاعفاتها مثل 60 ألف أو 3 سنوات)

فحضرتك استهلاكك نص الطبيعي يعني 10 آلاف في سنة ومفيش مشكلة من تغيير الزيت كل سنة

بخصوص تيل الفرامل فالمطلوب الكشف عليه وتغييره لو تطلب الأمر ويفضل من دلوقتي لأن صعب الانتظار لصيانة العشرين حيث أن المشي كتير على تيل منتهي بيسبب تآكل طنابير الفرامل وتحتاج الى خرط فيما بعد

وتحت أمرك في أي سؤال

[nader makram]

شكرا جدا جدا لردك احنا مش عارفين كنا حنعمل أيه من غيرك فى المنتدى