حد جرب السمكرة والدهان في المصرية؟

[Ralliart]

أنا عايز ارش العربية كلها ماعدا السقف نضافة وكنت بفكر اوديها هناك علشان جربت ورش كتير وبيطلع الشغل زبالة مع انهم بياخدو مبالغ محترمة
وكنت عايز اعرف هل المصرية شغلهم محترم ويستاهل ادفع زيادة ولا لأ ؟

انا مفكرتش في دايموند علشان انا مرة عملت صيانة هناك وكانت الأسعار خيالية

[mohamed hussei]

متروح عند الاستاذ كريم

[Ralliart]

متروح عند الاستاذ كريم

ليا تجربة وحشة مع نفس الصنايعية (قبل ما تبقى ورشة نايل موتورز) مفيش داعي لذكرها

[manfromegy]

نصيحة لله.إوعي تروح توكيل دايموند ولاد تيييت.لما عربيتي إتخبطت من الضهر روحت هناك.شغلهم في منتهي السؤ و العفانه و الوساخه و ...... زي ما إنت عاوز تقول.ياباشا شوف مين أنصف سمكري عندك هوا اللي يعملك شغل و هوا اللي يقولك مين اللي يخلص البويه

[Ralliart]

نصيحة لله.إوعي تروح توكيل دايموند ولاد تيييت.لما عربيتي إتخبطت من الضهر روحت هناك.شغلهم في منتهي السؤ و العفانه و الوساخه و ...... زي ما إنت عاوز تقول.ياباشا شوف مين أنصف سمكري عندك هوا اللي يعملك شغل و هوا اللي يقولك مين اللي يخلص البويه

كويس ان حضرتك قلت علشان الناس تاخد بالها ،بس ازاي استلمت العربية من غير ميصلحو الغلطات؟
أنا تقريباً بدأت أفقد الأمل في اني الاقي سمكري محترم في مصر!
كله بيعمل من البحر طحينة ولما تيجي تستلم تتصدم ودا اللي مخوفني من اني اجرب عند أي حد وخلاص

[amro0000]

ورشة كريم منير ممتازززززززززززززززززززززززززززززة جدا وبشهادة ناس كتير اوي كلامك مش مزبوط سامحني لاني قرايتي للناس الي اتعاملت في ورشة كريم منير ان الراجل دا وورشته وشغل الصنايعية مفيش احسن منهم انا اسف مع احترامي لحضرتك بس انا مش مقتنع بكلامك واقسم بلله انا لا تربطني بأستاذ كريم منير اي معرفة شخصية ولا غير شخصية بس انا بقول شهادة الحق

[manfromegy]

كويس ان حضرتك قلت علشان الناس تاخد بالها ،بس ازاي استلمت العربية من غير ميصلحو الغلطات؟
أنا تقريباً بدأت أفقد الأمل في اني الاقي سمكري محترم في مصر!
كله بيعمل من البحر طحينة ولما تيجي تستلم تتصدم ودا اللي مخوفني من اني اجرب عند أي حد وخلاص

كامل إحترامي لورشة النايل موتورز أنا شفت صور لشغلها قبل و بعد تحفه.بس لو إنت من المنصورة ممكن أقولك علي واحد في ميت غمر ممتاز و مضمون بس غالي شويه روحتله بعد عك مع دايموند و خناق و هما مصممين إن الشغل مظبوط و تمام و لما روحت للسمكري في ميت غمر و فك الأكصدام إكتشفت كذا مأساة و إتصلحت قدام عيني و الحمد لله نصيحة ياريت الأستاذ كريم يسمح بنشرها دايموند غشاشين و عكاكين الي مالا نهايه و حسبي الله و نعم الوكيل فيهم أقول ايه بس.عموما الغلطه غلطتي أنا إني وثقت فيهم إنهم التوكيل ﻷ ودا الفرع الرئيسي باأبو رواش

[Ralliart]

كامل إحترامي لورشة النايل موتورز أنا شفت صور لشغلها قبل و بعد تحفه.بس لو إنت من المنصورة ممكن أقولك علي واحد في ميت غمر ممتاز و مضمون بس غالي شويه روحتله بعد عك مع دايموند و خناق و هما مصممين إن الشغل مظبوط و تمام و لما روحت للسمكري في ميت غمر و فك الأكصدام إكتشفت كذا مأساة و إتصلحت قدام عيني و الحمد لله نصيحة ياريت الأستاذ كريم يسمح بنشرها دايموند غشاشين و عكاكين الي مالا نهايه و حسبي الله و نعم الوكيل فيهم أقول ايه بس.عموما الغلطه غلطتي أنا إني وثقت فيهم إنهم التوكيل ﻷ ودا الفرع الرئيسي باأبو رواش

أنا فعلاً من المنصورة بس عايش في القاهرة ،ممكن تقولي على عنوانه مع انه صعب اسيب العربية هناك المدة دي

ورشة كريم منير ممتازززززززززززززززززززززززززززززة جدا وبشهادة ناس كتير اوي كلامك مش مزبوط سامحني لاني قرايتي للناس الي اتعاملت في ورشة كريم منير ان الراجل دا وورشته وشغل الصنايعية مفيش احسن منهم انا اسف مع احترامي لحضرتك بس انا مش مقتنع بكلامك واقسم بلله انا لا تربطني بأستاذ كريم منير اي معرفة شخصية ولا غير شخصية بس انا بقول شهادة الحق

أنا بتكلم عن تجربة عملية مش عن قراءة عالنت ،ومبحبش أتكلم في شغل حد خصوصاً انه مكانش متفق معاهم ساعتها انها تبقى ورشة نايل موتورز ممكن الـquality control زادت عليهم وربنا يباركلهم ويرزقهم

[Karim_Monir]

اهلا وسهلا بيك وفعلا الشغل بيكون مختلف عشان ل شغل وليه ظروفة
الورشة عندنا احيانا بتقبل شغل تجاري بجودة قليلة
لكن كان اتفاقي مع شريكي مفيش شغل تجاري هايطلع لنايل موتورز نهائي
عشان كدة انا حابب اعمل عربيتك وما تدفعش فلوس نهائي الا لما تستلم وتكون راضي تماما
هي عربيتك لونها ايه وراشة ايه قبل كدة

[Ralliart]

اهلا وسهلا بيك وفعلا الشغل بيكون مختلف عشان ل شغل وليه ظروفة
الورشة عندنا احيانا بتقبل شغل تجاري بجودة قليلة
لكن كان اتفاقي مع شريكي مفيش شغل تجاري هايطلع لنايل موتورز نهائي
عشان كدة انا حابب اعمل عربيتك وما تدفعش فلوس نهائي الا لما تستلم وتكون راضي تماما
هي عربيتك لونها ايه وراشة ايه قبل كدة

أهلاً بحضرتك يا أستاذ كريم دا شرف ليا ان حضرتك تطلب مني كدة بس للأسف مش هقدر أعيد تجربة الحرفيين لأسباب كتيرة منها بعد المشوار وصعوبة المتابعة في ظروف البلد ولو معملتهاش في التوكيل هعملها جنبي في فيصل

عربيتي لونها شامبين ومن 3 سنين بالظبط سمكرت رفرفين وشنطة واكصدام عند العقيد خالد وبعدين عدت استعدال الرفارف اللي كانت بتدخل مياه بغزارة للشنطة عند واحد تاني بعد ما الصنايعي كان بيقنعني ان اكتر من كدة هحتاج اغير ربع!
بالنسبة للدهان كان تجاري بس أعتقد ان الفلوس اللي اتدفعت للأسف مكانتش تجاري خالص (1000 جنيه دوكو بس للأجزاء المذكورة) من غير فصال بعد ما أكدت عليه ان أهم حاجة نضافة الشغل ومش مهم الفلوس وهو كمان أكد عليا اني مش همشي غير وأنا راضي وفي الآخر بعد تأخير أسبوع عن المعاد لقيت بلاوي في العربية باينة بمجرد النظر تدل على انه مبصش عليها أصلاً وكانت حجته ان عنده ضغط شغل ،غير ان شبابيك العربية الاربعة كانو مفتوحين والصالون مردوم تراب وكان اسلوبه في الرد كله تهريج وخلاص ومعرفتش آخد منه لا حق ولا باطل ،وبعد سنة واحدة من الدهان لقيت حتت في أطراف غطاء الشنطة اتقشرت!

[فتح الباب]

التوكيلات تستعين بصنايعيه عاديين ملكى يعنى مش ميرى اقصد ميرى يعنى توكيل وصنايعية غير التوكيل شغلهم احسن من التوكيل بمراحل (سمكره& دوكو & كهرباء ) اقتراحى واختيارى لك كريم منير وهذا الاختيار ليس بمناسبة مشاركته ورده عليك فى هذا الموضوع انما نتيجة شغل طلع من عنده حتى بالصور انا عن نفسى شفت قبل وبعد ويمكنك التصفح لترى الشغل بالصور بنفسك (الشغل طالما عجبنى اكيد اكيد هايعجبك ) ربنا يوفقك

[Karim_Monir]

أهلاً بحضرتك يا أستاذ كريم دا شرف ليا ان حضرتك تطلب مني كدة بس للأسف مش هقدر أعيد تجربة الحرفيين لأسباب كتيرة منها بعد المشوار وصعوبة المتابعة في ظروف البلد ولو معملتهاش في التوكيل هعملها جنبي في فيصل

عربيتي لونها شامبين ومن 3 سنين بالظبط سمكرت رفرفين وشنطة واكصدام عند العقيد خالد وبعدين عدت استعدال الرفارف اللي كانت بتدخل مياه بغزارة للشنطة عند واحد تاني بعد ما الصنايعي كان بيقنعني ان اكتر من كدة هحتاج اغير ربع!
بالنسبة للدهان كان تجاري بس أعتقد ان الفلوس اللي اتدفعت للأسف مكانتش تجاري خالص (1000 جنيه دوكو بس للأجزاء المذكورة) من غير فصال بعد ما أكدت عليه ان أهم حاجة نضافة الشغل ومش مهم الفلوس وهو كمان أكد عليا اني مش همشي غير وأنا راضي وفي الآخر بعد تأخير أسبوع عن المعاد لقيت بلاوي في العربية باينة بمجرد النظر تدل على انه مبصش عليها أصلاً وكانت حجته ان عنده ضغط شغل ،غير ان شبابيك العربية الاربعة كانو مفتوحين والصالون مردوم تراب وكان اسلوبه في الرد كله تهريج وخلاص ومعرفتش آخد منه لا حق ولا باطل ،وبعد سنة واحدة من الدهان لقيت حتت في أطراف غطاء الشنطة اتقشرت!

السعر من 3 سنين طبقا لاسعار الخامات كان يعملهملك سكينز بالكامل مش تجاري
وقتها كان الاسكينز القطعه ب 250 جنيه والتجاري ب 150 جنيه
طبعا اسعار الخامات زادت
فلو عندك وقت تجيب العربية وتسيبها انا مش عايز منك تقف جنبها
ومش هاسالك برضه في سعر
واعتبرة تعويض عن اللي شفته سابقا ابقي هاتها وسيبها وهاقولك على ميعاد استلام وانا متاكد بفضل الله انك هاتتبسط وتشيل فكرتك تماما
يعني زي ما بيقولو مش عايز منك هامش ربح في العربية دي
اصل مكنش ده هدفي من المنتدي عشان يكون هدفي من الورشة
واحنا بيجيلنا ناس من الهرم زيك (عندي 3 عربيات دلوقتي اصحابها من الهرم وفيصل ) وبيسيبوهم ويمشو ويجو على الاستلام فقط
يعني تقدر تسميه نوع من انواع رد اعتبار وتغيير فكرة سابقة :-)
فكر وقولي وانا عند كلمتي
وطبعا حرية لاختيار ليك
تحياتي

[Ralliart]

شكراً لذوقك يا أستاذ كريم
بعد العيد ان شاء الله هشوف الدنيا عاملة وربنا ييسر اللي فيه الخير