ايه رايـــــــكم فى توكيل دايموند؟؟

[HaNo_ELBeh]

ياجمــــاعه ايه رايكم فى توكيل دايموند فرع ابو رواش انا رايح هناك يوم الاتنين وعايز احجز البوما بس مش عارف ايه اخبار الفرع ده وهل التوكيل ده محترم
سؤال كمان هل العربيه البوما يابانى 100*100 وهل التخليص الجمركى مكتوب فيه بلد المنشا وهى اليابان
تحياتى

[ALKareem]

اة ياباني مية مية المفروض دة لو مش مزورين الورق هههه هية فيها عداد ديجيتال جديد و فتيس اتوماتيك ستيب ترونيك و موتور معدل عن البومة القديمة و التوكيل الناس مشتكتش منة بصراحة و بيقولوا احسن من رواس و الدليل انة نزل البومة بتحديثات جديدة و غير موتور الشارك بموتور جديد 1600 يستحمل البودي بتاعها و ربنا يباركلك فيها و يكفيك شرها بس متتسرعش و دور على عربيات تانية في حاجات حلوة كتير البومة برضوا حتى لو موديل 2013 شكلها قديم من 2005

[salah_86]

ماتور البومة هو هو بدون تغيير اما ماتور الشارك هو اللى اتغير

[HaNo_ELBeh]

اة ياباني مية مية المفروض دة لو مش مزورين الورق هههه هية فيها عداد ديجيتال جديد و فتيس اتوماتيك ستيب ترونيك و موتور معدل عن البومة القديمة و التوكيل الناس مشتكتش منة بصراحة و بيقولوا احسن من رواس و الدليل انة نزل البومة بتحديثات جديدة و غير موتور الشارك بموتور جديد 1600 يستحمل البودي بتاعها و ربنا يباركلك فيها و يكفيك شرها بس متتسرعش و دور على عربيات تانية في حاجات حلوة كتير البومة برضوا حتى لو موديل 2013 شكلها قديم من 2005

شكرا لردك السريع بس بالنسبه للشكل انا مقنع بيها جدا خصوصا ان الشكل الجديد هينزل غالى فقلت الحق الشكل القديم بتاعنا بس اهم حاجه هل العربيه محترمه ومفيش فيها مشاكل لانى معايا الصنى الجديده ومش عايز اقولك
تحياتى

[HaNo_ELBeh]

ماتور البومة هو هو بدون تغيير اما ماتور الشارك هو اللى اتغير

اذيك ياابوصلاح كل سنه وانتا طيب
بس انا عايز رايك فى البومه هل هى تستحق الفلوس وتبقى جديده احسن وهل فى مشاكل فى العربيه وخصوصا فى الفتيس الجديد وهل هى فعلا يابانى 100*100
تحياتى ليك

[ALKareem]

ايوة تستحق الفلوس عربية عملية و اعتمادية و سعرها مناسب و موضوع الموتور هو هو بس عملو فية تعديلات عشان تمشي بي بنزين 92 بدل من 95 انا كنت قريت موضوع هنا لعضو محترم معانا عن الكلام دة

[ALKareem]

خالي معاه بومة و بقالها معاة 6 سنين من اول ما نزلت و شغالة زي الفل مفتحتش بقها

[salah_86]

اذيك ياابوصلاح كل سنه وانتا طيب
بس انا عايز رايك فى البومه هل هى تستحق الفلوس وتبقى جديده احسن وهل فى مشاكل فى العربيه وخصوصا فى الفتيس الجديد وهل هى فعلا يابانى 100*100
تحياتى ليك

الحمد لله ازيك انت ياباشا
بالنسبة للبومة انت ادرى منى بيها انت كان معاك بومة
العربية معايا بقالها 4 سنين فلة شمعه منورة
بس سعرها بقى اوفر قوى
انا ليا عم بيدور على انه يشترى زيرو ومستقر على البومة لانها من افضل السيارات الموجودة ويابانى 100%
بس لو تعرف تجيب الشارك يبقى احسن
انا شخصيا بتمنى انى اركب الشارك او اعلى حبتين واجيب الهوندا سيفك

[salah_86]

والفتيس الاستيبترونك الناس كلها بتشكر فيه محدش قال عنه كلمة وحشة

[boody_39]

الحمد لله انا جبت بومه 2013 والحمد لله زي الفل وجبتها من دايموند موتور الصحراوي والعربيه تمام بس التوكيل مش عارف لسه وفي ناس اشتكت منو وانو غالي شويه

[manfromegy]

ألف مبروك العربية أولا.و ربنا يكفيك شرها و شر العين.التوكيل كويس في أسعار قطع الغيار و الفلاتر و السيور و المصنعية كويسه لحد 10 تلاف كيلو.الوحش جدا هناك السمكرة و الدوكو ( يارب ما تحتاجهم )لان واحد الله يسامحه بقي ركبلي عليها من ورا بعربيه 3/4 و هي لسه ماعملتش 2000 كيلو و جري.يلا الحمد لله.المهم العربيه زي الفل و موفرة في البنزين جدا الحمد لله

[moutasim bella]

مبروك العربيه الجديده ...
بالنسبع للتوكيل مش بطال ... انا عملت صيانه البومه الاولى 1000 كم من حوالى شهر بــ350 جنيه و الصيانه الثانيه عرفت ثمنها بردو بـ555 جنيه و الاسعار دي شامله الضرائب و كل شيء .... العربيه ليس عليها اي ملاحظات محرك رائع و فتيس رياضي وهايل جدا ... انا كنت راكب opel vectra و دي عربيه مش بيهرج .. بس بجد البومه 2013 ادتني معظم اللى اتعوت عليه في الopel بس طبعا حاول تفتح الموتور واحدا واحدا و بلاش الكبس والـ kikdown دلوقتي لحد ما تغير زيت الــ1000 كيلو بتاع الفابريكه ... والورقه البيضه اللى على البربريز فيها الــserial number بتاع عربيتك ... حطو على الموقع بتاع متسوبيشي الرسمي " الياباني مش المصري" و هتعرف قصه حياه العربيه و تاريخ الانتاج و الجهة المصنع لها العربيه "دايموند" و كل شيء حتى اللون و تاريخ شحنها لمصر ...
العربيه رائعه و هتعجبك وثابته بشكل عجيب على السرعات العاليه انا شخصيا جربتها في العيد و جبت بيها 175 و انا راجع من الساحل فتتحت الموتور و جابت 198 لمده دقتين تقريبا ..!! مبروك عليك و ربنا يكفيك شر طريقها ....

[boody_39]

مبروك علينا ان شاء الله طيب هروح احمل صيانه ال 10000 وابلغكم ان شاء الله بالجديد وايه رايكم عاوز اركب فوجات الاوكتافيا ليها زي الموضوع اللي منشور هنا اعمل ايه واجيب الكابل منين اللي يدخل للتابلوه

[HaNo_ELBeh]

الحمد لله انا جبت بومه 2013 والحمد لله زي الفل وجبتها من دايموند موتور الصحراوي والعربيه تمام بس التوكيل مش عارف لسه وفي ناس اشتكت منو وانو غالي شويه

مبروك عليك العربيه وربنا يكفيك شرها ويديلك خيرها
فى انتظار التقرير بالصور..

[HaNo_ELBeh]

مبروك العربيه الجديده ...
بالنسبع للتوكيل مش بطال ... انا عملت صيانه البومه الاولى 1000 كم من حوالى شهر بــ350 جنيه و الصيانه الثانيه عرفت ثمنها بردو بـ555 جنيه و الاسعار دي شامله الضرائب و كل شيء .... العربيه ليس عليها اي ملاحظات محرك رائع و فتيس رياضي وهايل جدا ... انا كنت راكب opel vectra و دي عربيه مش بيهرج .. بس بجد البومه 2013 ادتني معظم اللى اتعوت عليه في الopel بس طبعا حاول تفتح الموتور واحدا واحدا و بلاش الكبس والـ kikdown دلوقتي لحد ما تغير زيت الــ1000 كيلو بتاع الفابريكه ... والورقه البيضه اللى على البربريز فيها الــserial number بتاع عربيتك ... حطو على الموقع بتاع متسوبيشي الرسمي " الياباني مش المصري" و هتعرف قصه حياه العربيه و تاريخ الانتاج و الجهة المصنع لها العربيه "دايموند" و كل شيء حتى اللون و تاريخ شحنها لمصر ...
العربيه رائعه و هتعجبك وثابته بشكل عجيب على السرعات العاليه انا شخصيا جربتها في العيد و جبت بيها 175 و انا راجع من الساحل فتتحت الموتور و جابت 198 لمده دقتين تقريبا ..!! مبروك عليك و ربنا يكفيك شر طريقها ....

ربنا يباركلك فيها ويكفيك شرها
ربنا يطمنك