ارجو المساعدة للاهمية

[TeMoON]

السلام عليكم ورحمة الله وبركاتة وكل سنة وانتم طيبين بمناسبة الشهر الكريم شهر رمضان المبارك
ارجو من كل شخص بالمنتدى لدية خبرة فى السيارات اليابانى والكورى انة يفيدنى لانى انا محتار ما بين لانسر 1600 خليجى الكاملة والالنترا الكاملة مع العلم انى لا بحب اليابانى ولا بحب الكورى بس انا عاوز اعرف اى عربية افضل من حيث الاستخدام وقطع الغيار والمتانة والتحمل

[mohamedway]

الالنترا موتورها أنعم و أقوى من الانسر و بقيه العربيه كويسه بردو بس فى رأيى لو تغاضينا عن نعوميه و قوه موتور الالنترا بالنسبه للانسر يبقى تقريبا متساويين بس اكيد الانسر ال1600 اكثر ثباتا (مع العلم حكايه الثبات ده فيها جدل كتير لأن فى ناس بتقول الالنترا افضل بس انا مش مصدقهم لأنى معايا لانسر 1600 مواصفات مصرى و ثباتها رهيييييييييييييييييييييييييييييب عن تجربه و مواقف صعبه على سرعات عاليه فوق ال140كم و 160كم/س كمان (ايه رأيكم فى عربيه تاكل مطب جامد بالعجله الأماميه يمين وانت ماشى على سرعه 160كم/س و بتاخد ملف و من غير ما تهدى؟!!!!! انا الموقف ده حصلى بالانسر و قلت العربيه هتتقلب اكيد و هموت و كلت المطب و المساعد رزع رزعه حسيت ان العربيه اتفلقت نصين و اكيد العجله اليمين على الاقل قلبت .....المهم ان العربيه ما فقدتش اتزانها و كلت المطب من غير ما تسيب الملف على 160 كم /س ومن غير ما المطب يقلبها مع العلم انه كان عالى و على جنب واحد و السرعه رهيبه ..........المهم و قفت ابص على العجله اللى اترزعت وكنت شبه متأكد انى هلاقيها بزاويه 45 درجه على الأرض مثلا......و المفاجأه لاقيت مفيش حاجه و قلت استحاله و لما وصلت روحت لواحد بتاع زوايا و حطها على الجهاز و بصيت على العفشه و العربيه من تحت كويس و ملاقتش فيها الهوا و كأن مفيش حاجه حصلت و جهاز الزوايه ارقامه كلها فابريقه و انا كمان محستش بعد المطب ان العربيه اتغيرت فى حاجه وده كان مطمنى...........انا مهما باجرى بالعربيه ببقه واثق فى ثباتها و عمرها ما خذلتنى على اى سرعه على طريق مصر اسكندريه و انا واخد سرعتى 160 مثلا ما بحسش انى محتاج اهدى عشان افادى عربيه قدامى حتى لو هاضطر اجى من اقصى شمال الطريق لاقصى يمين الطريق و لا باحس ان محتاج اقلل سرعتى فى اى ملف و بتجتاز مطبات الهوا باتزان شديد و ما بتسيبش الارض بسهوله ابدا على سرعات عاليه جدا وعلى فكره انا بصراحه مجربتش ثبات الالنترا بس لو حد جربها فى مواقف صعبه زى كده يقولنا) معلش طولت شويه فى الكلام عن نقطه الثبات ده لان ده اشهر و اهم ميزه فى الانسر.
وفيه بقه ميزه تانيه ما يختلفش عليها اتنين فى الانسر وهى توافر قطع الغيار الاصليه و بدائل كتير للاصليه بأسعار متفاوته تناسب الكل و فى كل حته ليها قطع غيار ده غير اعاده بيعها السهل جدا مع الاحتفاظ بقيمتها و سعرها.
والعمر الافتراضى للعربيه بما فيها الموتور اكيد اطول من الالنترا
بس واضح ان متعه القياده للالنترا احسن من الانسر عشان كده هتلاقى ناس كتير متحيزه للالنترا.

[TeMoON]

متشكر اوى يا محمد بية على الكلام الجميل دا وعلى المعلومات الحلوة دى وانا بحاول اقتنع انى اركب لانسر مع انى حلمى انى اجيب جيتا فا نظرا لظروف انا هجيب لانسر لان كل العربيات الى ركبتها اوروبى ما ركبتش يابانى قبل كدا فا بحاول انى ائقلم نفسى على الانسر اجيبها لمدة سنة ولا اتنين بالكتير واخلص منها ولا انت اية رأيك لان الموضوع دا عاملى ازمة نفسية

[salem]

Lancer a7san bel nesbaly
awalan Ghabbour faker nafso BMW wel tawkel wel seyana 3ando 3'lya awy, el 3rbya nafsha 3['lyet fe ramadan we ba2et be 122 alf bayen
el 3rbya maknash feeha ABS we airbag we de a2al haga lel 2aman
bas sm3t en 2009 hayb2a feeha mesh mot2akd

lancer hatbe3ha helw awyy lama tegy tebi3 we keta3 3'yr sahla tab3an we 3rbya kowayesa
ana bel nesbaly moshkelty m3 el lancer enha montashera fe kol 7eta bas 3'er kda 3rbya kowayesa isA

[Adham]

اللانسر فعلا عربية كويسة
و كفاية انها ياباني, لا شك ان اليابان لا زالوا متقدمين و خبرتهم اكثر بعدد سنوات اكثر بكتير من الكوريين في صناعات السيارات

ممكن كمان تفكر في الاوبترا

[TeMoON]

انا فعلا يا ادهم بقول كدا ان الاوبترا احسن بس مش عارف لية انا بقارن بين الانسر والالنترا مع انى لا بحب اليابانى ولا الكورى انا الى بفضلة الصناعة الاوربية عموما بس اهو نعمل اية بختنا المنيل وقعنا فى العربيتين دول واهو احسن من ان الواحد يمشى من غير عربية واان بقالى اكتر من سنة ماشى من غير عربية فا ادعولى ان ربنا يوفئنى واجيب العربية

[Adham]

ربنا يوفقك في عربية كويسة ان شاء الله

بص انا عن نفسي مش باحب الهيونداي دوناً عن الصناعه الكورية انا شايف ان الدايوو افضل بمراحل و دة رأي شخصي

و اللانسر عربية حلوة جدا و فيها كذا ميزة,تصميم و تصنيع و تقفيل ياباني, سعر كويس جدا بالنسبة لأنها برضة عربية ياباني, قطع غيار متوفرة و مش غالية و العربية مفهومة و مش مبهمة للفنيين, و العربية نفسها ماشي منها كتير قوي في الشارع و دة يؤكد ان قطع غيارها حاتفضل متوفرة لسنين طويلة و مش حاتغلى بل بالعكس حايبقى فية منافسة بين المستوردين على استيراد قطع غيارها كمان

بس انا مش من النوع اللي يركب عربية نص الشارع راكبها, افضل التميز
و على فكرة احنا عندنا لانسر 2006 برضة في البيت مع مراتي, و هية عربية كويسة و موفرة بس عاوزة استعمال نضيف مش تتهان فية, و موفرة بنزين بس سحبها وحش قوي بس دة عال 1300 اما ال 1600 فامعرفش قوي عنها بس كتير بيشكروا فيها

طيب لو انت ميال للأوروبي ماتجيب حاجة فولكس فاجن زي بولو او باراتي, انا من زمان عاجباني الباراتي دي و سعرها حلو و هيا الماني تقفيل برازيلي

عامة انا لو منك فكر شوية و بص في معارض السيارات او جرنال سوق سيارات الجمعه و شوف اية اللي بيتباع فيها و شوف انت ميال لأية, و لا خاب من استشار

راجع و إسأل و شوف اسعار قطع الغيار و الوكيل و اسأل ناس راكبة النوعيات اللي بتفكر فيها و شور الناس اللي هنا في المنتدي, فعلا هنا في خبراء و محترفين و ناس كتير متعاونين

[askoda]

Ellancer el 1600 :)

Very nice engine and very nice stability

Enough CVVT in the Automatic which makes the fuel consumption less on high ways :)

[TeMoON]

والله يا ادهم انت كلامك زى الفل بس هى النقطة كلها انى بشترى عربية مؤقتة انا ان شاء الله هدفى انى اجيب جيتا فا انا قلت اجيب عربية امشى بيها سنة ولا حاجة مؤقتة كدا على اد الفلوس وبينى وبينك انا بفكر الغى الانسر والهيونداى واجيب سيريون على الاقل ارخص من الانسر وانا شايف انها انضف منها لانى بصراحة مش قادر اقتنع بالانسر من كتر ما هى منتشرة انا مش عاوز اركبها وهى مع واحد صحبى وبيجب قطع غيارها من برة لان قطع اليار الى هنا غالية ومغشوشة والى عرفتة كمان ان فراملها مش حلوة وان العربية بتعوم وانا بصراحة متعود على ركوب الاوربى من ثبات لكفاءة لكل حاجة واليابانى دا حاجة جديدة عليا وربنا يعينى واقدر اجيب الى انا عاوزة لحسن موضوع الانسر دا تاعبنى اوى

[Adham]

والله يا ادهم انت كلامك زى الفل بس هى النقطة كلها انى بشترى عربية مؤقتة انا ان شاء الله هدفى انى اجيب جيتا فا انا قلت اجيب عربية امشى بيها سنة ولا حاجة مؤقتة كدا على اد الفلوس وبينى وبينك انا بفكر الغى الانسر والهيونداى واجيب سيريون على الاقل ارخص من الانسر وانا شايف انها انضف منها لانى بصراحة مش قادر اقتنع بالانسر من كتر ما هى منتشرة انا مش عاوز اركبها وهى مع واحد صحبى وبيجب قطع غيارها من برة لان قطع اليار الى هنا غالية ومغشوشة والى عرفتة كمان ان فراملها مش حلوة وان العربية بتعوم وانا بصراحة متعود على ركوب الاوربى من ثبات لكفاءة لكل حاجة واليابانى دا حاجة جديدة عليا وربنا يعينى واقدر اجيب الى انا عاوزة لحسن موضوع الانسر دا تاعبنى اوى

مع احترامي لصاحبك دة كلامة مش مضبوط
اللانسر فراملها كويسة جدا جدا

و العربية دي ثباتها عالي جدا ومش بتعوم و لا شيء
من حسنات الانسر فعلا ثباتها و فراملها

و بعدين قطع غيارها متوفرة جدا و أصلي
بلبلدي كدة قطع الغيار الأصلي بتاعتها مرطرطة في السوق
و اللي عايز الأصلي بيلاقية و اللي عايز المضروب برضة بيلاقية

و بعدين عربية لسة زيرو مش حاتفكر في قطع غيار ليها دلوقتي, غير الصيانة العادية زي سير كاتينة او فلاتر او غيرة

و طالما هيه عربية مرحلية و مؤقتة يبقى ماتفكرش في كدة لأنها مش حاتطول معاك

و الأهم بقى ان سعر إعادة البيع ( ودة اللي يهمك) بتاعها كويس جدا بعكس الألنترا
حيث ان حضرتك منتظر انك تبيعها بعد شهور, يعني مجرد مرحلة انتقالية, يبقى اللي يهمك عربية تعرف تبيعها بسهولة و من غير ماتخسر فيها كتير

[salem]

a7san resale value el lancer akid

[AhMeD EzZ]

بصراحة اللانسر جميلة اويييي
انا كنت مش مقتنع بيها و بقول بقت زي الرز في الشارع
لحد ما ركبتها اول امبارح بس
حسيت بقيمتها
تسارع ممتاز و السحب جميل جدا
وفضلت اجرب الفرامل جميلة جداااااا

[TeMoON]

فى دى عندك حق يا ادهم بس انا مش بحب العربية دى خالص ومش نازلالى من من زور بس اهو لو على كدا انت كلامك مظبوط وتمام انا لو كدا هجيبها خليجى ومش جايب مصرى لان الخليجى انضف وانى ماخسرش فيها كتير لما ابيعها كدا انت مظبوط ودا شيئ كان تاية عنى وتسلم يا مان وميرسى اوى اوى على المعلومات الى افدتنى بيها دى

[Adham]

عينيا ياباشا

ومبروك مقدماً, ربنا يباركلك فيها ويديلك خيرها و يكفيك شرها

[TeMoON]

يارب بس اكمل فلوسها هى كمان