مشاكل في لانسر 2009

[gomgom3]

دلوقتي في واحد صاحبي عنده لانسر 2009 ماشيه 30 الف كيلو مهتم بيها هو
بس عنده اما يجيب العربيه من N الي D تقوم العربيه نطره جامد اكن في حاجه سايبه كدة او مش مربوطه
انا قولته القواعد الي علي القنطره بتاعت الماتور
والعربيه طبعا فتيسها ممتاز يعني الغيارات كلها بتنقل حلو مفيش نطره في الغيار مفيش تأخير في العيار صوت العربيه مش بيعلي خالص الفتيس كله تمام يعني
المشكله في النطره ديه
تاني مشكله الكلاكس عنده بيعلق ساعات يشتغل وساعات لا بمزاجه كدة
انا بقوله cutout بس انا مليش في لانسر اوي انا معاي اوبل فيكترا
فقلت اسئل هنا عند رجاله الانسر :D
المكيف عنده بردو مش بيسقع اوي مش بتاع التويوتا خالص ومش بيسقع اصلا قلت اشوفله خرطوم الساقع الي جاي من الكمبورسير لقيته يعني بارد خفيف اوي كدة يدوبك علي اد التبريد الي جوا
فهل لانسر تكيفها مش حلو ولا الفريون عنده ناقص

عايز كمان اعرف علب الفيوزات الي في الانسر فين واماكن cutout كلها فين

[حماده المصري]

النطره دي ممكن تبقى كبالن داخليه لو العداد كيلو متر كتير احتمال تبقى هي

اعراضها نطره او رزعه غريبه بين n و d وممكن بين n و r وكمان بتنطر بين الاول والتاني وبتعمل رجه على السرعات

غير كده ممكن يبقى قاعده فتيس او حساس فتيس

[Egy_fan]

السلام عليكم:
- النطره دى قواعد فتيس و عن تجربه. خليه يكشف على القواعد و اللى بايظ يغيره بالاصلى
- الكلاكس بيعلق: اسباب كتير بس فى سبب واحد بيحصل فى اللانسر فقط و هو ان دايره srs بتبوظ و هى نفس الدايره اللى شايله الكلكس. يكشف عند كهربائى له فى اللانسر و لو الدايره طلعت بايظه ممكن يجيب واحده استيراد او الكهربائى يعمل حل بديل لتشغيل الكلكس فقط
- انا معرفش يعنى ايه cutout بس علبه الفيوزات جنب البطاريه
- التكييف فى اللانسر تلاجه. يروح يكشف عند واحد بتاع تكييفات ممكن فلتر تكييف عايز يتغير لو نقص فريون

اى خدمه يا باشا

[FAR!D]

بص يا معلم بالنسبة للتكييف هتروح عند اى حد بتاع قطع غيار تكييف و تبريد و تجيب من عنده بكره ارما فيلكس (عازل حرارى) البكرة 10 متر 15 جنية و بكرة لصق حرارى ب 10 جنية من عنده و بعدين هتيجى على كل المواسير بتاعت التكييف و تبدء تغطيها بالكامل و متسبش اى حته ظاهرة حتى لو كان مكانها صعب لازم تعطيها و بعدين هتلصق باللصق على الارما فليكس علشان ميفكش و حرب و ادعيلى و لو عندك استفسار قولى تحياتي

[MITSUKERO]

النطرة دي قاعدة فتيس و نصيحة من تجارب كتير قوي انها لازم تيجي اصلي و بتفرق جدا

لو مطلعتشي قاعدة يبقي حساس فتيس بيتنضف بس مظنش لانه له اعراض تانية و برضة علاجة سهل قوي و التنضيف و الريستارت للفتيس مش بتاخد 10 دقائق

الكلاكس قرص كلاكس و ب 1000 جنية جديد و ب 600 استيراد و انصحك بالجديد

ممكن القرص يتصلح بس الايرباج هتتلغي وظيفيا لانه هيخلي القرص شغال للكلاكس فقط و هيعمل صوت حكة اثناء لف الدركسيون

المكيف يا الفلتر الداخلي عايز يتنضف يا الفريون ناقص

حط المكيف علي الجهاز عند ورشة المتخصصون و هيعرفوا و لو قالولك شغال و بلاش نزود صر علي موقفك و قول لهم اسحبوا الشحنة و اشحنوا تاني و خدوا ثمن الحبة اللي هتزودوهم
النصيحة التقليدية: قبل ما تعمل اي شغلانه اسأل علي التكلفة بالتفاصيل و لو حسيت انهم غاليين امشي و اعمل الشغلانه في حته تانية