إعـــــــلان

Collapse

.

,
See more
See less

اسئله فى الشارك علشان بفكر اشترى

Collapse
X
 
  • Filter
  • الوقت
  • Show
Clear All
new posts

  • اسئله فى الشارك علشان بفكر اشترى

    السلام عليكم و رحمه الله و بركاته

    من فضلكم عاوز اشترى سياره جديده و محتار بين الشارك و الكورولا الجديده2014 و عندى شويه اسئله

    1- هو مين الوكيل بألظبط (دايموند ولا الرواس ولا حد تانى) و اجيب من مين احسن واحد
    2- اجيب مواصفات خليجى و لا العادى و ايه الفرق
    3-مراكز الخدمه اخبارها ايه و يا ترى كويسه زى الهيونداى
    4-ايه اخبار الشنطه الخلفيه - سمعت انها صغيره اوى
    5-استهلاك البنزين كويس و لا عالى
    6-اجيب اى فئه (و ليه دايما بيقولوا هات الهاى لاين مش اقل من كده)
    7-قطع الغيار لسه غاليه و لا ايه الأخبار
    8-سمعت ان عزلها مش كويس و الكاوتش اللى بتنزل بيه مش كويس ينفع ابدله قبل ما اشترى و اجيب بريدجستون
    9-ارتفاعها ايه عن الأرض

    و بصراحه كده لو حطيتها مع الكورولا فى المقارنه مين يكسب
    انا عارف ان الكورولا تركى بس الكورولا كورولا برضه

  • #2
    متابع
    ان فاتنا الياباني مش هيجلنا تاني

    Comment


    • #3
      - هو مين الوكيل بألظبط (دايموند ولا الرواس ولا حد تانى) و اجيب من مين احسن واحد ؟؟؟

      الوكيل دلوقتى هو دايموند موتورز ولكن لازال مصريه والرواس بيعملوا صيانه عادى وقطع الغيار
      متوفره عندهم
      الأحسن فى الصيانه مصريه والرواس لان عندهم خبره كبيره فى الصيانه عيبهم تحس انك فى ورشه
      دايموند كمكان اوسع وانضف بس بصراحه بيغير قطع غيار عمال على بطال (مش فى معادها)


      اجيب مواصفات خليجى و لا العادى و ايه الفرق ؟

      أعتقد نادره اوى انك تلاقيها خليجى لان التجار مش مقبلين على استيرادها والفرق بيكون فى الكماليات


      مراكز الخدمه اخبارها ايه و يا ترى كويسه زى الهيونداى ؟

      تعتبر كويسه بالعكس احسن من هيونداى ايلى عليهم ضغط شغل رهيب


      ايه اخبار الشنطه الخلفيه - سمعت انها صغيره اوى ؟

      فعلا الشنطه صغيره بس الصالون كويس ياخد 3 مستريح

      استهلاك البنزين كويس و لا عالى ؟؟

      انا الموتور ايلى معابا 1.5 وده بيعمل 6 لتر كل 100 كم بالتكييف

      اجيب اى فئه (و ليه دايما بيقولوا هات الهاى لاين مش اقل من كده)

      الهاى لاين فيها كماليات ورفاهيه وانت نفسك كده بتحس بثقه وانت سايق العربيه

      قطع الغيار لسه غاليه و لا ايه الأخبار ؟؟

      اليابانى غالى بس اصلا كله غالى ولكن التايوانى موجود وسعره كويس

      مثال: تيل فرامل امامى يابانى ب 550 جنيه ويوجد تركى ب 120 جنيه او 80 جنيه مش فاكر


      سمعت ان عزلها مش كويس و الكاوتش اللى بتنزل بيه مش كويس ينفع ابدله قبل ما اشترى و اجيب بريدجستون ؟؟

      هى مش مشكلة عزل هو صوت الماتور المايفك مع الشكمان عالى شويه بس ممتع (رياضى)
      هى بتنزل بكاوتش يابانى Dunlop بصراحه محترم وعاجينى مش بيلم زلط


      ارتفاعها ايه عن الأرض ؟

      مش عارف كام بالظبط بس الحمد لله عمرها ما حكت منى حتى مع وجود 3 أفراد فى الكنبه الخلفيه



      أخيرا انا لو منك اجيب الكرولا الشارك من 2007 او 2008 يعنى شكل قديم
      [SIGPIC][/SIGPIC]

      Comment


      • #4
        ملحوظة: الشارك اللي بتنزل هنا كلها مواصفات خليجي (مكتوب عندي على قايم باب السواق انها مطابقة للمواصفات السعودية) + (رقم الشاسيه في الخليجي بيبقى محفور في اعلى التابلوه من قدام من ناحية السواق) وهو ده اللي عندي بالظبط!!

        بالنسبة للشارك كعربية: ثبات وهمي فعلا على جميع السرعات وفي الملفات... بجيب بيها فوق ال210 ساعات وببقى ماسك الدركسيون بإيد واحدة لحد ال190 بسهولة... واسعة جدا من جوة... طبعا غير كمالياتها المعقولة جدا...

        عيوبها: الشنطة ضيقة - عزل الصوت فيها يعتبر متوسط مش اكتر (وكاوتش الدانلوب عليه العامل الاكبر من وجهة نظري لأن صوته عالي جدا) رغم انه ممتاز في التراكشن والفرامل - قطع الغيار الاصلية اسعارها استهبال في التوكيل (بس اعتقد كله بقى كده دلوقتي)...

        الكورولا الجديدة لسة منعرفش ايه ظروفها... كل اللي اعرفه اني شخصيا اتفاجئت بكمية التجهيزات والاوبشنز اللي فيها وحاسس انها هتنجح جدا في مصر... هي تقفيل تركي على عكس الشارك اللي كلها ياباني بالكامل...

        مش عارف بصراحة... بس لو هنقارن بالكورولا اللي فاتت اللي كلنا عارفينها ومجربينها يبقى الشارك على الطريق تكتسحها اكتساحا كشاسيه ونظام تعليق وثبات ومناورة وكل حاجة... في المقابل الكورولا بتكون مفضلة عند الناس اللي ملهاش في السرعات الأوفر + ان شنطتها اكبر وعزل الصوت فيها احسن وموتورها صوته اهدى من موتور الشارك الرياضي..!!

        بس لو حطينا في الاعتبار ان الكورولا لسة شكلها جديد تبقى دي نقطة تميز ليها على الشارك طبعا + الاوبشنز اللي بالعبيط السنة دي...
        [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

        Comment


        • #5
          المشاركة الأصلية كتبت بواسطة ahmed travco مشاهدة المشاركة
          ملحوظة: الشارك اللي بتنزل هنا كلها مواصفات خليجي (مكتوب عندي على قايم باب السواق انها مطابقة للمواصفات السعودية) + (رقم الشاسيه في الخليجي بيبقى محفور في اعلى التابلوه من قدام من ناحية السواق) وهو ده اللي عندي بالظبط!!

          بالنسبة للشارك كعربية: ثبات وهمي فعلا على جميع السرعات وفي الملفات... بجيب بيها فوق ال210 ساعات وببقى ماسك الدركسيون بإيد واحدة لحد ال190 بسهولة... واسعة جدا من جوة... طبعا غير كمالياتها المعقولة جدا...

          عيوبها: الشنطة ضيقة - عزل الصوت فيها يعتبر متوسط مش اكتر (وكاوتش الدانلوب عليه العامل الاكبر من وجهة نظري لأن صوته عالي جدا) رغم انه ممتاز في التراكشن والفرامل - قطع الغيار الاصلية اسعارها استهبال في التوكيل (بس اعتقد كله بقى كده دلوقتي)...

          الكورولا الجديدة لسة منعرفش ايه ظروفها... كل اللي اعرفه اني شخصيا اتفاجئت بكمية التجهيزات والاوبشنز اللي فيها وحاسس انها هتنجح جدا في مصر... هي تقفيل تركي على عكس الشارك اللي كلها ياباني بالكامل...

          مش عارف بصراحة... بس لو هنقارن بالكورولا اللي فاتت اللي كلنا عارفينها ومجربينها يبقى الشارك على الطريق تكتسحها اكتساحا كشاسيه ونظام تعليق وثبات ومناورة وكل حاجة... في المقابل الكورولا بتكون مفضلة عند الناس اللي ملهاش في السرعات الأوفر + ان شنطتها اكبر وعزل الصوت فيها احسن وموتورها صوته اهدى من موتور الشارك الرياضي..!!

          بس لو حطينا في الاعتبار ان الكورولا لسة شكلها جديد تبقى دي نقطة تميز ليها على الشارك طبعا + الاوبشنز اللي بالعبيط السنة دي...
          هو مش شرط يا استاذ احمد الخليجى يكون سعودى ممكن تاجر ينزلها من الكويت ا الأمارات عادى
          انا لما اشتريت عربيتى 2009 خليجى سعودى كانت مختلفه عن نقس الموديل الكويتى
          [SIGPIC][/SIGPIC]

          Comment


          • #6
            المشاركة الأصلية كتبت بواسطة M_Marwan مشاهدة المشاركة
            هو مش شرط يا استاذ احمد الخليجى يكون سعودى ممكن تاجر ينزلها من الكويت ا الأمارات عادى
            انا لما اشتريت عربيتى 2009 خليجى سعودى كانت مختلفه عن نقس الموديل الكويتى
            كلامك صح فى الموديل ال1500 من اول 2012 ال1600 cc الوكيل دايموند موتورز المستثمر الاساسي فيه الخرافي خد التوكيل فى مصر والسعودية والكويت فمفيش من العربيه حاليا مصري وخليجي كله واحد وسعرها فى مصر ارخص من انك تشتريها من الخليج وتجمركها عشان كده التجار مابيستوردوش العربية لحسابهم
            dr Ahmed Samy

            Comment


            • #7
              المشاركة الأصلية كتبت بواسطة m_marwan مشاهدة المشاركة
              هو مش شرط يا استاذ احمد الخليجى يكون سعودى ممكن تاجر ينزلها من الكويت ا الأمارات عادى
              انا لما اشتريت عربيتى 2009 خليجى سعودى كانت مختلفه عن نقس الموديل الكويتى
              انا اقصد اني لما شفت ده مكتوب على القايم اتصلت بدايموند وقالولي ان كل 2013 نفس المواصفات... فعلشان كدة انا برجح انها ممكن تبقى كلها سعودي على حسب كلامهم!!!
              [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

              Comment


              • #8
                كل اللانسر الموجودة سعودي

                كل العربيات الموجوده في السوق خليجي حتس عربيات دايموند
                أنا لسه جايب 2014 هي نفسها بتاعت الرواس مش فارقه
                بس اكيد الكورولا أفضل

                Comment

                Working...
                X