مشكلة !!!!!! ارجوكم ساعدوني

[tato2009]

غيرت طرمبة بنزين تانية كوري بـ160جنية والحمد لله
بس عند سرعة 30كم بحس بنتعة ( باحس بالغيار )في العربية يعني من الغيار الثاني الي الثالث العربية بومة اوتو 1300
الميكانيكي قالي بوجيهات ,,,,,,,,,, لكني مش مقتنع
وبعدين انا مغير بوجيهات اصلية بـ 180 جنية من التوكيل من شهر

ــــــــــــــــــــــــــــــــــــــــــــــــــ ــــــــــــــ

ارجوكم اللي يعرف حد كويس يبيع قطع غيار في الحرفيين وميكانيكي يعرف ربنا يديني عنوانة او تليفونة
لاني نفسي انزل الحرفيين اظبط العربية
وقريت عن مركز الصفا عايز اظبط الرشاشات

[kamero]

روح المتخصصون فى الاميريه

[MITSUKERO]

المتخصصون و عنوانهم في مواضيع سابقة اعمل بحث علي عايز اروح المتخصصون

[Ahmed Amin]

غيرت طرمبة بنزين تانية كوري بـ160جنية والحمد لله
بس عند سرعة 30كم بحس بنتعة ( باحس بالغيار )في العربية يعني من الغيار الثاني الي الثالث العربية بومة اوتو 1300
الميكانيكي قالي بوجيهات ,,,,,,,,,, لكني مش مقتنع
وبعدين انا مغير بوجيهات اصلية بـ 180 جنية من التوكيل من شهر

ــــــــــــــــــــــــــــــــــــــــــــــــــ ــــــــــــــ

ارجوكم اللي يعرف حد كويس يبيع قطع غيار في الحرفيين وميكانيكي يعرف ربنا يديني عنوانة او تليفونة
لاني نفسي انزل الحرفيين اظبط العربية
وقريت عن مركز الصفا عايز اظبط الرشاشات

أنا كنت رديت عليك قبل كدا في موضوع الطرمبة القديمة وقلت لك السبب كان من أيه,

http://www.nilemotors.net/Nile/371784-2007.html#post3875119149

ودلوقتي عايز أقولك إن العيب اللي عندك دا مش عيب طرمبة,
لأن الطرمبة بتطلع ضغط بنزين ثابت للموتور العربية حوالي 3 بار ومش بيتأثر مع الغيارات ولا النقلات.

فا النتشة أو النتعة اللي عندك دي واللي بتحكي عليها دي نتشة فتيس,
ومالهاش أي علاقة من قريب ولا بعيد بالطرمبة,,
يعني الطرمبة دي شيلها من دماغك خلاص طالما مركبها جديد والعربية بتدور من أول مرة معاك ومش بتغيب زي الأول وزي ما كان بيحصل مع موتور طرمبة القديم. ماشي ؟

أنت كدا في الغالب محتاج تغير زيت الفتيس لأنه عمرة أنتهي وعدي عليه أكتر من 3 سنين أو 60 ألف كيلو, فلازم تغيرة في أقرب وقت,
عليك أنك تتأكد الأول هوا فتيس عادي 4 سرعات ولا CVT
عشان تحط له نوع الزيت المظبوط,

وأخر حاجة عايز أقولهالك, بالنسبة للحرفين متفكرش أنها جنة..

[tato2009]

علي فكرة الطرمبة اللي كلمتك عليها قبل كدة باظت وغيرتها بوحدة تانية كوري
وكمان زيت الفتيس متغير من شهر فبراير اخدت 4 لتر موبيل
العربية 1300اوتو خليجي مش عارف نوع الفتيس يبقي اية
اشكرك علي اهتمامك بالرد

[Ahmed Amin]

ماهي الكوري اللي أنت ركبتها في الأخر دي هيا اللي أنت كلمتني عليها مش الأول,,
أنا كنت متابع معاك علي الكوري وقلت لك غير اللي كانت ب 275 لأنو كان واضح أنها مش كويسة, أو مش مركبة كويس,,
ولما أنت ركبت الكوري أم 160 جنيه المشكلة راحت, ركز معايا..


المهم بالنسبة للفتيس أنت في الغالب عندك الأوتوماتيك العادي اللي بينقل غيارات طالما 1300 أوتو,
وهتحس فيه بنقلة الغيارات فيه, مش ال CVT مفهوش الأحساس بنقلات الغيارات.,

وعموماً الأتنين بيتحط لهم زيت ATF SP III زي ماهو مكتوب في الكتالوج والصورة أهي,,



ممكن تجيب الزيت من أي شركة بتعمله سواء ليكوي مولي أو موبيل,
بس الأفضل أنو يكون Mitsubishi ATF SP III الأصلي,,

وأهم حاجة يكون sp iii,, وميكونش sp ii او dexron,,
فأتاكد من اللي أنت حطيتة, ولو كان sp ii أو dexron لازم تنزله وتحط مكانة sp iii
ودي عنواين التوكيل ومراكز الخدمة, متهيألي الغردقة هيكون أقرب واحد ليك,
www.nilemotors.net/Nile/251387-a.html


وأخر حاجة بالنسبة لعمر عربيتك لازم تغير لها فلتر الزيت بتاع الفتيس الأوتوماتيك,
لو أنت مواظب علي الصيانة في التوكيل كانو هغيروهولك من سنة مع غيار الزيت.

فا دا مهم جداً والمفروض تغيرة دلوقتي, وأحتمال كبير جداً يكون سبب النتشة منه لو مش من الزيت.