استفسار عن موبينة لانسر2007 ؟

[alkawther60]

من فترة حسيت برجرجة في الماتور ظهرت مرة واحدة وبتبقى واضحة اوي في بداية تزويد الدوس بنزين

قلت يمكن بوجيهات رحت لميكانيكي قال لي ان فيه موبينة من الاتنين بايظة

مقتنعتش ورحت غيرت البوجيهات الاربعة وغيرت كمان سلوكها ومفيش حاجة اتغيرت يادوب تحسن خفيف في سحب العربية لكن هزة ورجة الماتور زي ماهي

كنت عايز اسال ايه اعراض تلف الموبينة
وايه الافضل مع الاسعار جديد ولا استيراد

وكمان هل ده ممكن يكون قواعد مكنة لان فيه حد شار عليا بكده بس ان مستبعد الراي ده اوي لاني لسة مغيرها قريب ومكنش لشء من باب الصيانة والتجديد بس

ياريت الرد ضروري ياشباب

[MITSUKERO]

بص

بدل الاتنين مع بعض

يعني ايه؟

يعني الاول تعرف الكهرباء طالعة من انهو سلكين

و بعدين تبدل الموبينتين مكان بعض

و تشوف الكهرباء طالعة من نفس السلكين ولا من السلكين التانيين

لو من نفس السلكين يبقي كمبيوتر للأسف و لو اتغيرت و راحت لسلكين تاينيين يبقي موبينة بايظة

الكلام ده من محمد حسين بتاع المتخصصون و قال لي لازم تخلي بالك كويس و انت بتبدلهم بدل ما الدنيا كلها تتحرق

[alkawther60]

بص ان اللي عملته فعلا بدلت الموبينتين مكان بعض لاقيت صوت العربية علي والاربي ام بقى بعد ال 2 بالرغم من ان العربية كانت سخنة عادي يعني مش هقولك الاربي عالي عشان بداية دوارة والعربية باردة حتى لما رجعت كل واحدة مكانها تاني صوت العربية هدي ونزل عن واحد بس طبعا مع الرجرجة

انا جربت تجربة بسيطة كده كل بوجيه بيبقى داخله من الجنب من ناحية قدام كده كابل فيشة كهربة كده جربت اشيل كل واحد وارجع اركبه تاني طبعا الرجة بتزيد اكتر الا البوجيه اللي واخد سلكه من الموبينة اللي يقال انها بايظة مبيبقاش فيه اي تاثر لابتزيد ولابتقل

سواء فصلت فيشته من الجنب او حتى شيلت كبله اللي جايله من الموبينة

تفسير الميكانيكي بقى ان كبل البوجيه ده اللي جايله من الموبينة كان فاصل او كان يادوب ملمس لان لقى قلبه الحديد اللي جوه ده مكسورة ففضل البوجيه مياخدش كهربته وفضلت تتخزن في الموبينة لحد اما حرقتها ؟؟؟

[alkawther60]

اه ملاحظة كل موبينة بتغذي اتنين بوجيه واحد عن طريق السلك والتاني تحتها دايركت من غير سلك

[MITSUKERO]

سلك البوجية ممكن يحرق الموبينة و من اهم اسباب تلفها سوء نوع السلوك او تلف احد السلوك

غير الموبينة و لو عايز تكشف زي ما الكتاب بيقول روح التوكيل او المتخصصون