رايكم فى لانسر شارك 2008 كاملة

[zeyad saad]

السلام عليكم ..... انا اول مرة اشارك معاكم فى مصر موتورز واول مرة اشترى عربية فا عاوزكوا تساعدونى ضروررررى وانا خبرتى فى العربيات زيرو ...

-انا قدامى عربية لانسر شارك 2008 كاملة ب 60000 الف جنية اوتوماتيك. العربية العداد عامل 200 الف كيلو ... اية رأى السادة الخبراء اتوكل على الله فى الشراء ولا لا ولو اشترى اية المطلوب اعملة عشان اعرف عيوب العربية ... وشكـــرا.

[mr_vampire]

معرفش حاجة عن الشارك لاني مجربتهاش. بس اللي عايز اقولهولك العربية ده فيها حاجة مش تمام لان المكوة ( ميتسوبيشي 2001 ) ممكن تبقي اغلي من كدة. والبومة اساسي اغلي من كدة.

فشارك بالسعر ده معناها حاجة واحدة انها مش مظبوطة او مسروقة ومضروب ورقها.

ربنا يوفق ان شاء الله.

[saddam]

و.الله هي رغم إنها مش مرغوبة.في مصر فلازم.تكون.اللي معروضة عليك بايعة القضية عشان تكون في السعر ده بس برضو 200 ألف مش قليل فأكيد ماشية دقيقتين تلاتة عالسقف بص خدها سمكري يشوفهالك ملحومة نصين وإطلب من صاحبها تطلع على مرورها وإتأكد من ورقها وطلع شهادة بياناتها وخلي موظف الفحص راضيه ب 30 جنيه وأطلب منه يكشف عليها لو.عدت عليه يبقه خدها وإتكل على الله
ودمتم.للنضال

[hopeless20]

60 الف
الرقم ده مستحيل
العربيه دي تعمل 80 الف مستريح اوي اوي ... وممكن تبيعها وتكسب فيها
العربيه دي لونها احمر يا باشا ؟
عشان كان معروض عليا واحده مقلوبه ب 60 الف

[zeyad saad]

معرفش حاجة عن الشارك لاني مجربتهاش. بس اللي عايز اقولهولك العربية ده فيها حاجة مش تمام لان المكوة ( ميتسوبيشي 2001 ) ممكن تبقي اغلي من كدة. والبومة اساسي اغلي من كدة.

فشارك بالسعر ده معناها حاجة واحدة انها مش مظبوطة او مسروقة ومضروب ورقها.

ربنا يوفق ان شاء الله.

لا ياباشا دى من واحد قريبى هوا اشترى مرسيدس وعاوز يبيع دى بس العربية هوا قايلى ان التكيف بتاعها مش شغال عاوز يتظبط ...

[zeyad saad]

و.الله هي رغم إنها مش مرغوبة.في مصر فلازم.تكون.اللي معروضة عليك بايعة القضية عشان تكون في السعر ده بس برضو 200 ألف مش قليل فأكيد ماشية دقيقتين تلاتة عالسقف بص خدها سمكري يشوفهالك ملحومة نصين وإطلب من صاحبها تطلع على مرورها وإتأكد من ورقها وطلع شهادة بياناتها وخلي موظف الفحص راضيه ب 30 جنيه وأطلب منه يكشف عليها لو.عدت عليه يبقه خدها وإتكل على الله
ودمتم.للنضال

انا اعرف صاحبها بس اللى قالقنى انها 200 الف كيلو

[zeyad saad]

60 الف
الرقم ده مستحيل
العربيه دي تعمل 80 الف مستريح اوي اوي ... وممكن تبيعها وتكسب فيها
العربيه دي لونها احمر يا باشا ؟
عشان كان معروض عليا واحده مقلوبه ب 60 الف

لا ياباشا مش مقلوبة ولا حاجة دى بتاعت واحد قريبى اشترى مرسيدس واستقر عليها وعاوز يبيع الشارك .لا هيا لونها فضى مش احمر فا انا مش عارف اتوكل على الله فى الشراء ولا اية ؟؟؟؟

[zoma ahmed]

لا بلاش دي ماشية كتير اوي وبعدين السعر بيدل ان حالتها مش كويسة

[janagabr]

ماشية ٢٠٠٠٠٠ كم ليه يا باشا دا الراجل خد خير العربية كلوا وهتشيل انت واصلا هتلاقي العربية كلها بقت قطع غيار يعني مافيش حاجة اتبقت فيها اصلية رايي فكك منها ابعد عن الشر وغنيله

[abokoko]

اعتقد مش هتخسر حاجة لو عرضتها على وكيل او مكان متخصص فى الفحص
بل العكس ممكن تطلع بعربيه كويسه بسعر كويس
باعتبار ان قريبك هيكرمك فى السعر
بس لو حصل -واشتريتها - بناء على الكيلو متر الكبير فهيكون عليك تغيير عفشة غالبا

[mr_vampire]

مادام العربية مضمونة من صاحبها يبقي توكل عالله واشتري بعد الفحص عليها.

200 الف لا تمثل اي شيء لو مداوم عالصيانات وتغيير الزيوت والسيور في مواعيدها.

[hugan]

التوكيل افضل مكان تتاكد منه
غير كده ماتسمعش لحد
وبناء علي تقييم التوكيل
تقرر ان كنت تشتريها من عدمه

[sas5]

السلام عليكم ورحمه الله
عربيه ماشيه 200000 وتكييفها مش شغال
ممكن تقرا مابين السطور
العربيه سوف تطلع عنيك صيانه ومفيش حد بيركب عربيه مكيفه وتكييفها يكون عطلان معناه انه مهمل فى الصيانه والذى سوف يشترى من بعده سوف يعانى من كم المشاكل التى اهملها وخصوصا ان السياره عامله 200000 كم

[Bassem Youssef]

تلك السياره قطعت مسافات طويله جدا في خلال 5 سنوات فقط

[hulkyehia]

ماشاء الله السعر ده لقطة بما انك عارف صاحب السيارة بس مش حتخسر حاجة لو رحت للوكيل يكشف على السيارة والله الموفق.