مــــــــــــفاجـــــــأة جديده من الـــــــشارك العملاقه..

[HaNo_ELBeh]

أذيكم يا اجمد اعضاء
انا لسه عارف معلومه جديده بالنسبه للهيحجز الشارك 2014
العربيه تم تغير علبه الدركسيون من الكهربا الى زيت بسبب تقليل المشاكل الناتجه عن باور الكهربا
يعنى العربيه بقت باور زيت تانى
ايه رايكم ديه ميزه للعربيه ولا عيب
بسرعه قولولى .
تحياتى

[M I D O]

انا اعرف ان الباور الكهرباء مشاكلة كتير فعلا من ايام الالنترا القديمة واتغير وبرضو انا متابع هنا راي باقي الاعضاء

[MITSUKERO]

الموضوع ده من ساعة ما بقت 1600 سي سي مش جديد

[HaNo_ELBeh]

الموضوع ده من ساعة ما بقت 1600 سي سي مش جديد

طيب الموضوع ده كويس يعنى الباور الزيت افضل من الكهربا

[toty_305]

-حضرتك اقتصاديا الباور الكهرباء ملهوش زيت و لا أي صيانة و مش بياخد من قدره الموتور نهائي و مش شرط يبوظ يعني و بتختلف من ماركه للتانية

-الباور الزيت ليه طلمبة و زيت و الطلمبة بتحمل على الموتور

-العربيات الجامدة بيكون mix electro-hdyraulic

[bmya]

انا معايا السيريون كهربه والصني زيت وبصراحه بفضل الكهربه واالشارك الكهربه مشوفتش حد اشتكى منها

[MITSUKERO]

طيب الموضوع ده كويس يعنى الباور الزيت افضل من الكهربا

اللي اعرفه ان الاتنين زي بعض و ان الكهرباء اخف في الدركسيون بس لما سألت ايه السبب قالولي ان كده افضل بس مسألتش علي التفاصيل لاني مهتمتشي قوي بالفرق ساعتها

علي كل حال اول زيارة لورشة المتخصصون هسألهملك

[M_Marwan]

فعلا موديلات ال 1600 سى سى كلها زيت

الباور الكهرباء الحمد لله معايا من 2009 زى الفل واتعودت عليه جدا

[Ahmed TRAVCO]

زي ما الأخوة قالوا:
الباور اتغير من كهرباء إلى زيت من أول موديلات 2012 لما الموتور بقى 1600
- أنا اتعودت على الباور بتاع عربيتي وشايفه تمام... وبرضه لما سألت في التوكيل ايه الحكمة يعني في التغيير ده قالولي كده أحسن ونسبة حدوث أعطال هتكون أقل لو كان الباور زيت (رغم إني مسمعتش عن مشكلة في الكهرباء هتا في المنتدى على الأقل)..

[HaNo_ELBeh]

اللي اعرفه ان الاتنين زي بعض و ان الكهرباء اخف في الدركسيون بس لما سألت ايه السبب قالولي ان كده افضل بس مسألتش علي التفاصيل لاني مهتمتشي قوي بالفرق ساعتها

علي كل حال اول زيارة لورشة المتخصصون هسألهملك

شكرا على اهتمامك وياريت فعلا تسأل وترد علينا علشان نعرف ايه السب فى تغير الباور من كهربا الى زيت
تحياتى

[HaNo_ELBeh]

زي ما الأخوة قالوا:
الباور اتغير من كهرباء إلى زيت من أول موديلات 2012 لما الموتور بقى 1600
- أنا اتعودت على الباور بتاع عربيتي وشايفه تمام... وبرضه لما سألت في التوكيل ايه الحكمة يعني في التغيير ده قالولي كده أحسن ونسبة حدوث أعطال هتكون أقل لو كان الباور زيت (رغم إني مسمعتش عن مشكلة في الكهرباء هتا في المنتدى على الأقل)..

هو فعلا نسبه اعطال اقل
لما سالت امبارح احد مسئولى المبيعات قالى ان العلبه لو فيها حاجه مش بنقدر نفتحاها وبتتغير كلها لكن علشان الباور الكهربا لكن مع الزيت ممكن تغير بعض الاجزاء
تحياتى
انا بعتلك رساله على الخاص

[ma7oo]

كلام غير صحيح بالمرة هما بيقولوا كده عشان يمشوها انما الباور الهربه اللى فى الشارك افضل بمراحل من الزيت من حيث الصيانه والسواقه والنعومه والتقل مع زياده السرعة ودى كانت ميزة كبيره فى الشارك 1500 وده قلل من اسهم الشارك 1600 كتير جدا لانهم شالوا منها حاجات كتير ومنها موضوع الباور ده وبالتجربه هتلاحظ فرق رهيب بين الكهربه والزيت

[HaNo_ELBeh]

كلام غير صحيح بالمرة هما بيقولوا كده عشان يمشوها انما الباور الهربه اللى فى الشارك افضل بمراحل من الزيت من حيث الصيانه والسواقه والنعومه والتقل مع زياده السرعة ودى كانت ميزة كبيره فى الشارك 1500 وده قلل من اسهم الشارك 1600 كتير جدا لانهم شالوا منها حاجات كتير ومنها موضوع الباور ده وبالتجربه هتلاحظ فرق رهيب بين الكهربه والزيت

يعنى معنى كلام حضرتك ان الباور الكهربا افضل من الباور الزيت
بس مافيش حد اشتكى من الباور الزيت
انا كان معايا لانسر بوما وكان باور زيت زى الفل مافيش مشاكل
ومع العلم ان كل مالكى الشارك من اول 2012 محدش اشتكى من الباور الزيت
تحياتى

[toty_305]

-طبعا طبعا الباور الكهرباء أحسن من الزيت بمراحل مش هيعرف كده غير اللي جرب كفاية تقل الدريكيسون في الباور الزيت

[samihanwar]

الباور الكهربه مريح جدا واحسن من الزيت بكتير
ومحدش اشتكى من الكهربه
والالنترا الحمد الله معايا من 2007 وحماله اسيه على الاخر ومفيش اى شكوى منو ولله الحمد