مشكله بومه 2007

[iomarz]

السلام عليكم

انا معايا بومه 2007 و ماشيه 44000 كيلو

المشكله اللى عندى ان صوت الموتور عالى شويه بقالو اسبوع كدا دا غير ان سحب العربيه قل شويه

ياريت حد يفيدنى و يقولى المفروض اعمل ايه

[Ahmed Amin]

العربية أوتو ولا مانيوال,
والصوت بيطلع منين بالظبط وعامل أزاي, وبيزيد مع البنزين ولا ثابت ؟
ياريت توضح وتشرح أكتر عشان نقدر نعرف أو نقرب من سبب مشكلتك.

[iomarz]

العربيه مانيوال 1600 و الصوت بيزيد مع البنزين

[Ahmed Amin]

طيب الصوت جاي منين, وعامل أزاي
وهيا ممورة بيكون فيه صوت برضه, ولا بيطلع لما بتتحرك بس.

ياريت توصف أكتر عشان نفهم اللي عندك

[iomarz]

لا الصوت عادى و انا ممور الصوت طالع من الموتور و لما بتحرك بس و المفروض ان لما اكبس بنزين العربيه تسحب معايا زى الاول لكن بكبس و السحب بقى بطيئ و بقى فى هزه بسيطه فى الدريكسيون

الحكايه دى من اخر مره فولت فيها انا شاكك ان البنزين ممكن يكون مخلط مايه

[eng.salama93]

ممكن يبقي اسطوانه و ديسك

[Ahmed Amin]

لو العيب في البنزين كنت هتلاقي العربية مبرجلة معاك علي السلانسية برضه وهيا ممورة ومش واخدة غيار,
فا هنستبعد البنزين الوحش, وعشان تتأكد أكتر دوس بنزين وانت واقف ومش واخد غيار وشوف الموتور عدد لفاته بتعلي بسهولة ولا بيغيب وبتلت وبيرعش وهوا بيعلي.
ممكن يكون عندك الدبرياج بقي وحش زي ما سلامة قال, لأن دي اللي بيخلي سحب المانيوال مش مظبوط,

هزة في الدركسيون علي سرعة, تبقي عايز ترصرص الكاوتش والعجيل,
لكن لو فيه هزة علي سرعة بطيئة أكشف عالي العفشة وعلي قواعد الموتور,

[iomarz]

انا فعلا كنت هروح اعمل ترصيص من كام يوم بس انشغلت
و هروح ان شاء الله اكشف على الاسطوانه
الف شكر يا رجاله

[Ahmed Amin]

الشكر لله, وأبقي عرفنا عملت أيه.

[amro0000]

ياريت حد يعرفنا اعراض ضعف اسطوانه الدبرياج وهيا بتبان ازاي واية الي بيخلي الواحد يقول ان الاسطوانه بتضعف ؟؟

[MITSUKERO]

ياريت حد يعرفنا اعراض ضعف اسطوانه الدبرياج وهيا بتبان ازاي واية الي بيخلي الواحد يقول ان الاسطوانه بتضعف ؟؟

فيه كذا حاجة

اول اختبار هو اختبار بسيط و علي الواقف

تجيب الخامس -- و تحاول تطلع بالعربية و انت مشبعها بنزين كويس
طفت منك يبقي الاسطوانة تمام جدا مطفتشي يبقي بتفوت

نيجي بقي لدرجة التفويت

علي المطالع العربية صوتها بيعلي و العربية مش بتمشي كويس ؟ يبقي الاسطوانة بتودع

استهلاك البنزين عالي و كل مراحل البنزين سليمة يبقي برضة الاسطوانة ضعيفة

صوت العربية بيعلي قوي مع السرعات العالية و الاستجابة ضعيفة يبقي برضة اسطوانة ضعيفة

قبل بقي ما تدوخ نفسك اول حاجة تكشف علي فلتر البنزين و البوجيهات من الاخر تشوف الحاجات اللي بتأثر علي سحب العربية تأثير قوي و ممكن تشخيصها يتداخل مع الاسطوانة

والله اعلي و اعلم

[iomarz]

روحت انهردا كشفت على العربيه و طلعت الاسطوانه سليمه و كل المشكله ان تيل الفرامل وحش و عايز يتغير و كان بيخلى العربيه تطلع صوت زى ( ووووووووووووووووووو ) كدا

عايز اجيب بقى تيل اصلى سألت قالولى بيتباع فى التوكيل ب 475

ايه رأيكم يا جماعه ؟

[amro0000]

اوعا تجيب تيل غير الاصلي الي من التوكيل اي تيل فرامل غيرة مش هيعد معاك ومش هيعمر وممكن يبوظلك الطنابير بتاعة العربية وتلاقي نفسك دخلت في عك جامد

[MITSUKERO]

روحت انهردا كشفت على العربيه و طلعت الاسطوانه سليمه و كل المشكله ان تيل الفرامل وحش و عايز يتغير و كان بيخلى العربيه تطلع صوت زى ( ووووووووووووووووووو ) كدا

عايز اجيب بقى تيل اصلى سألت قالولى بيتباع فى التوكيل ب 475

ايه رأيكم يا جماعه ؟

فيه تيل كوري اسمه فريكسا ممتاز جدا عن تجربة

[iomarz]

فيه تيل كوري اسمه فريكسا ممتاز جدا عن تجربة

داا اللى عندى و اثر على الطنبوره و بأمانه يا الاصلى يا بلاش