هل البوما 2014 أعلى من البوما موديلات قديمه ولا برضه واطية في المطبات ؟؟

[محمد هاني]

انا على وشك شراء بوما كلاسيك 2014 لكن فيه ناس بتحذرني ان العربية واطية جدا ومتنفعش في المطبات بتاعتنا وناس تانيه قالولي لا دي أعلى من اللانسر القديم ؟؟
الموضوع ده عامل مشاكل معاكوا ؟؟
والجديد اعلى فعلا من القديم ؟؟
ولكم جزيل الشكر

[Ralliart]

مين قال ان البومة واطية أصلاً!؟
العربية عمرها ما حكت غير في المطبات بتاعت الأهالي اللي عرضها صغير وارتفاعها كبير اللي لازم تحك في اي عربية انما العربية مش واطية نهائياً سواء جديد أو قديم

[محمد هاني]

لأ هي واطية مقارنة بالماتركس اللي كنت راكبها قبل كده وبعدين لما اتنين او تلاته بيركبوا ورا العربية بتبقى واطيه اوي ..
السؤال المهم الموديلات الجديدة أعلى فعلا ؟؟
وشكرا لاهتمامك

[Ahmed Amin]

والله البومة أوطي من الماتريكس ؟!!!! جديدة عليا المعلومة دي الصراحة,,

أنا البومة المانيوال قعدت معايا 3 سنين وكنا بنعد فيها 5 يعني 3 ورا عمرها ما حكت في مطب,,
والأوتو منها التانية معانا بقالها 6 سنين عمرها ما حطت ولا عرضت علي مطب حتي لما بتوطي من ورا,
مين بقي اللي قال اللي قالك أنها واطية.؟

ثانياً الماتريكس اللي بتقارنها ال wheelbase بتاعتها أقصر, ومش عربية صالون.!
يعني المسافة ما بين الكاوتش الأمامي للكاوتش الخلفية أقصر من البومة عشان عربية صالون,
وقصيرة جدا لدرجة إن قبل ما الفردتين الأماميتين بينزلو علي الأرض بيكون اللي ورا طلعو علي المطب,
ومن هنا ممكن تفكر أو تحس أنها مش واطية.!
مع إن بالنظر للعربيتين هتلاقي إن الماتريكس هيا اللي عربية واطييةة,

والانسر بومة لو جربتها أو سئلت أي مالك ليها هيقولك أن عمرها ما كانت واطية, سواء جديد أو قديم.
تحياتي.

[eng/ahmed_go]

يا باشا البومة معروف انها من اعلي العربيات الجديدة
انا معايا 2010 عمرها محكة في مطب الا لو راكب 6 افراد ومطب عريض وخدته بسرعة
(تقريبا حكة معايا 4 او 5 مرات مع العلم اني بروح قري واماكن صاعبة جدا
وخالي معاه 2006 وبيقولي انها عمرها محكة منو قبل كدة
باختصار البومة من احسن العربيات من حيث الارتفاع سواء قديم او جديد بس للامانة مش عارف لو وطية السنادي ولا لاء (بس معتقدش لان العربية ميزتها الرئيسية انها عملية وعالية والعربيات الواطية بيحاولوا يعلوها زي السيفيك فاكيد اللي قال لحضرتك الكلام ده عمروا ما ساق بومة (الا لو كان بيسوق جيب)

[محمد هاني]

شكرا لاهتمامكم وانتوا ادرى طبعا لانكوا راكبين بوما
يعني تنصحوني اجيبها (بوما كلاسيك 2014) واتوكل على الله
ولا افكر في حاجه تانية
انا المفروض رايح ادفع بكره !!!

[Ahmed Amin]

البومة عربية لا تعوض, أحنا بعنا منها المانيوال في 2010 وكانت موديل 2007
ولسه فاضل معانا الأوتو وكانت موديل 2007 برضه,
المانيوال كنت أنا اللي بتحرك بيها علي طول لحد ما أتباعت, أنا ركبت عربيات كتير, بس مركبتش عربية في خفة البومة في الحركة, وسرعت سحبها وأستجابتها و ثباتها علي الأرض وسهولة سواقتها,
عمرها ما عطلت بيا, ولا فكرت حتي تعطل زي ما حصل معايا في عربيات أوروبي كتير,

في خلال ال 3 سنين الأولي بتوع المانيوال مكنتش بحط لها غير بنزين بس, وبغير لها زيت في معاده وعمرها ما شافت وش التوكيل ومش أهمال بس ولا أحتاجت تروح له.
نفس الكلام مع الأوتو بالمناسبة, عربية أعتمادية من الدرجة الأولي,, وتعيش للعمر.

لو يرجع بيا الزمن تاني هجيب أتنين منها ومش واحدة,,
طبعاً أتوكل علي الله عربية تركبها وتنسي المشاكل معاها,
ربنا يوفقك في الشراء ويبارك لك فيها.

[eng/ahmed_go]

شكرا لاهتمامكم وانتوا ادرى طبعا لانكوا راكبين بوما
يعني تنصحوني اجيبها (بوما كلاسيك 2014) واتوكل على الله
ولا افكر في حاجه تانية
انا المفروض رايح ادفع بكره !!!

اتوكل على الله عمرك ما تندم ان شاء الله
بس لو عرفت تجيب الفئة الهاف سبورت يبقى احسن (نا معايا الكلاسيك وبندم اني مجبتش الهاف )
والكلام ده لو معاك الفرق دلوقتي لاني خايف اقولك استنى تلاقي العربيات بتغلى تاني

[تامر.محمد]

شكرا لاهتمامكم وانتوا ادرى طبعا لانكوا راكبين بوما
يعني تنصحوني اجيبها (بوما كلاسيك 2014) واتوكل على الله
ولا افكر في حاجه تانية
انا المفروض رايح ادفع بكره !!!

هممم , مجرد رأي , انا شايف ان العربية قدمت اوي و بقى كتير اوي عليها سعرها ده
الا لو اهم حاجة عندك انك تبيع ما تخسرش كتير , يبقى توكل على الله

[vip74]

انا على وشك شراء بوما كلاسيك 2014 لكن فيه ناس بتحذرني ان العربية واطية جدا ومتنفعش في المطبات بتاعتنا وناس تانيه قالولي لا دي أعلى من اللانسر القديم ؟؟
الموضوع ده عامل مشاكل معاكوا ؟؟
والجديد اعلى فعلا من القديم ؟؟
ولكم جزيل الشكر

السلام عليكم
أنا معي بومه 2014 هي أعلي من أي عربية
وبتبقي معي الاسرة وعمرها ما حكت
علي عكس العربيات التانية ممكن تحك والواحد لوحده

[ahmedshafei777]

شكرا لاهتمامكم وانتوا ادرى طبعا لانكوا راكبين بوما
يعني تنصحوني اجيبها (بوما كلاسيك 2014) واتوكل على الله
ولا افكر في حاجه تانية
انا المفروض رايح ادفع بكره !!!

على فكرة البومة دلوقتي نفس سعر الشارك بالظبط
يبقى اركب شارك احسن علشان فيها تطور كبير عن البومة
ونصيحة متخرجشي برة العربيتين دووووول

وشكرا

[wardet]

بوما 2014 هى هى بوما 2007 من حيث الارتفاع عن الارض
متتقارنش بالماتريكس لان المسافة بين العجل الامامى والخلفى اطول من الماتريكس
وبعدين الحك دا بيبقى حسب الوزن اللى العربية شيلاه
انا كان معايا شاهين وكانت ساعات بتحك فى مطبات خزعبلية من اللى الناس بتعملها

[MITSUKERO]

البومة من 2006 الي 2009 اعلي من البومة من اول 2010 الي الان

البومة بتاعة الرواس اعلي من البومة بتاعة دياموند و لكن الاتنين عاليين عن الارض بالمقارنة بباقي العربيات

ليه بتاعة الرواس اعلي : لان فيها عفشة و جنوط مختلفين

[vip74]

بومه 2014
أعلي معايه محكتش في أي مطب وساعات كنا سبعة
حطت بيه مره واحده في مطب مطب
وأنا قست الارتفاع لقتها أعلي من 2008

[vip74]

البومة من 2006 الي 2009 اعلي من البومة من اول 2010 الي الان

البومة بتاعة الرواس اعلي من البومة بتاعة دياموند و لكن الاتنين عاليين عن الارض بالمقارنة بباقي العربيات

ليه بتاعة الرواس اعلي : لان فيها عفشة و جنوط مختلفين

بومه 2014
بتاعة الرواس هيه نفس بتاعة الرواس دايموند
الاثنين مواصفات سعودي
وبعدين أنا قست ارتفاع
2008
مع صحبي
لقيت
2014
اعلي