انا عايزه ابيع عربيتي,,متبهدله ,,ياترى تجيب كام

[ايه اسامة]

انا معايا كرستاله 99 وحالتها مش اد كده,,,ياترى تجيب كام ,,يعني اتكلم على كام,,ولو اظبط فيها حاجات اظبطت ايه عشان ماتقعش اوي في سعرها؟؟؟؟ارجوا الإفاده ضروري

[amrelsaqqa]

انا معايا كرستاله 99 وحالتها مش اد كده,,,ياترى تجيب كام ,,يعني اتكلم على كام,,ولو اظبط فيها حاجات اظبطت ايه عشان ماتقعش اوي في سعرها؟؟؟؟ارجوا الإفاده ضروري

متبهدلة بمعنى ؟
حالة الميكانيكا بايظة
ولا العفشة
ولا سمكرة خارجية ولا الصالون ؟
ولا كل ده؟
المهم الشاسيه والدواخل سلام دول اهم حاجة في العربية والباقى يتلم
ممكن تتكلمى في رينج 45 طالما العربية اساسياتها سليمة والله اعلم

[amrelsaqqa]

اه حضرتك اللى كان عندك مشكلة في الموتور ؟
لو على قد الموتور بس ، الموتور ما يعيبش عربية
يعنى العربية تتقيم عادى وفي الاخر يتخصم حقه ، واللى يشتري يبقى يجيبلها موتور استيراد

[madman2002]

ما على حسب اللى متبهدل فيها .. زى ما فهمنا منك الماتور هو اللى كان بايظ .. طب باقى العربيه ايه النظام ؟!!

[ايه اسامة]

العربيه فيها الشددات اللخلفيه عايزه تتغير والمقصات الأماميه وفيها شويه سمكره على الجناب وطبعا رش بعديها,,,والتكييف مش شغال الكباس بتاعه,,بصوا العربيه محتاجه شغل وانا مش قادره على الشغل بتاعها,,انا عايزه ابيعها واحط اللي معايا علي فلوسها واشوف الحياه فيها ايه,,بس مش عايزه اصرف كتير عليها
يعني اصرف على ايه فيها عشان ماتقعش ,,السمكره والرش اولى ولا العفشه ولا ايه بالظبطت,,
انا متشكره يجماعه اوي على اهتمامكو بالرد

[eng.m7md.ali]

العفشة والتكييف اهم من السمكرة .. لو حضرتك بتفكري تبيعي اعتقد بعد المشاكل دي العربية ممكن تجيب 41 الف لانها لو سليمة موديل 99 بتعمل 46 -48

[ايه اسامة]

العفشة والتكييف اهم من السمكرة .. لو حضرتك بتفكري تبيعي اعتقد بعد المشاكل دي العربية ممكن تجيب 41 الف لانها لو سليمة موديل 99 بتعمل 46 -48

لو معملتش الليله دي كلها ومثلا اكتفيت بالعفشه,,تجيب 35 مرتاح ولا بعد شكل ؟

[ياريساوي]

متبيعيش الا لما تلاقي عربية تناسبك يعني حددي عايزة جديد ولا مستعمل اتوماتيك ولا مانيول كوري ولا صيني ولا ياباني حددي انت عايزة عربية بدالها في حدود كام قبل ما تبيعيها عشان متحتاريش لأن فترة شرا عربية بتحتاج نفس طويل

[جيفارا]

انا معايا كرستاله 99 وحالتها مش اد كده,,,ياترى تجيب كام ,,يعني اتكلم على كام,,ولو اظبط فيها حاجات اظبطت ايه عشان ماتقعش اوي في سعرها؟؟؟؟ارجوا الإفاده ضروري

مواصفاتها ايه بالتفصيل لو سمحت؟؟؟

[ايه اسامة]

العربيه سنتر وباور وازاز والمفروض كانت تكييف,,واخده خبطه من السدر وبرضه خبطه فيا لشنطه وعملتهم الإتنين,,العفشه اللي ورا عايزه شدادات والأودام عايزه مقصات

[Yasser.Essam]

بمناسبة صيانة التكييف والعفشه

بالنسبه لتكييف هيدخله فى 1000 جنيه صيانه

والعفشه من 600-800 جنيه

[ايه اسامة]

بمناسبة صيانة التكييف والعفشه

بالنسبه لتكييف هيدخله فى 1000 جنيه صيانه

والعفشه من 600-800 جنيه

ياعم واللهي عارفه الأسعار,,انت بتحزني زياده ولا ايه؟هاتكيني على الذي حدث

[وائل البرنس]

لو حضرتك نويتي علي البيع متصرفيش علي تصليحها ، والعربيه بالحاله اللي ذكرتيها متجبش اكتر من 35الف جنيه علشان الخبطات اللي فيها

[hugan]

لو حضرتك نويتي علي البيع متصرفيش علي تصليحها ، والعربيه بالحاله اللي ذكرتيها متجبش اكتر من 35الف جنيه علشان الخبطات اللي فيها

+1111111
بيعها بحالتها كده
لان لوصرفتي عليها مش هاتجيب

[جيفارا]

يعني في رش ف الصدر وف حوض الشنطة؟؟؟؟؟
لان دي دواخل !!!!!!!!