هجيب شارك ومحتاج نصايحكم ضروري!!!

[nunoismaz83]

السلام عليكم ورحمة الله وبركاته
بأختصار هجيب شارك قريب ان شاء رب العالمين ... وان شاء الله هجبها يوزد 2008
محتاج نصايحكم
1- لما اجي اكشف "اكشف عليها فيين" ( توكيل ولا بنزينة ) "أنهي الأقوى من وجهة نظركم"
2- مين خبير في العربية دي ولا أودي توكيل على طول بمجرد الشراء " بس انا عارف ان التوكيل بيستعبط"
3- وهل هيه فعلاً فيها عيب في الماتور والفتيس زي ما هو مشاع عن العربية
4- ايه افضل فئة ممكن اجبها .... اقصدة اوتوماتيك ولا مانيول ...
5- السعر المتوقع من عربية تكون حالتها كويسة أوي
6- أفضل مورد قطع غير ... ( اجيب منه قطع غيار الأصلي ) " لو الباند رقم 2 مش التوكيل "

ولكم جزيل الشكر ويارب انضم للرابطة

[فبريكا]

سلام عليكم

لو قدامك وحدة حلوة قولي علشان انا كمان عايز اشتري شارك اتومانيك فول اوبشن

[ashrafE51]

الشراك موديل ٢٠٠٨ الماتور بتوعها ١٥٠٠ سي سي ،،، شكل العربية مش متأقلم مع مستوي سيارات متسوبيشي.

[فبريكا]

الشراك موديل ٢٠٠٨ الماتور بتوعها ١٥٠٠ سي سي ،،، شكل العربية مش متأقلم مع مستوي سيارات متسوبيشي.

يعني رايك نصرف نظر عنها ومش متاقلم من حيث ايه بالضبط

[nunoismaz83]

يعني رايك نصرف نظر عنها ومش متاقلم من حيث ايه بالضبط

الغريب ان ناس كتير أوي بتقول الكلام ده وفي ناس تانية بتقول غير كده خالص ... غير ان في حد قالي هتدمنها!!!

هو التعليق إلى الكل متفق عليه هو ان قطع الغيار بتاعتها غالية نسباً للبومة

[فبريكا]

الغريب ان ناس كتير أوي بتقول الكلام ده وفي ناس تانية بتقول غير كده خالص ... غير ان في حد قالي هتدمنها!!!

هو التعليق إلى الكل متفق عليه هو ان قطع الغيار بتاعتها غالية نسباً للبومة

مهو كل واحد ليه وجهة نظر انا شايف انها عربية محترمة واكبر من البومة وشكلها احلى كمان و بعدين الى عايز يركب عربية زي ديه عارف ان قطع غيارها غالية وعارف انها غاليه لانها معمرة مهو المرسيدس قطع غيارها غالية محدش بيركب مرسيدس وبي ام يعني .

[nunoismaz83]

هيه الناس مش عايزة ترد لية طيب هو انا قولت حاجة غلط؟!!!

[Sa3D ALEX]

بص حضرتك وباختصار الشارك فعلا وحش على الطريق وفعلا هتدمنها زى مصحبك قاللك انا عن نفسى الشارك الى معايا دى الثانيه وهبيعها علشان اجيب الثالثه وهتبقى زيرو بأذن الله

[فبريكا]

بص حضرتك وباختصار الشارك فعلا وحش على الطريق وفعلا هتدمنها زى مصحبك قاللك انا عن نفسى الشارك الى معايا دى الثانيه وهبيعها علشان اجيب الثالثه وهتبقى زيرو بأذن الله

هى من كتر ماهي وحشة حتجيب التالتة ...طب وحش ازاي على الطريق ؟ وهل الموديل 2008 بس يعني لو الماتور 1600 تبقى حلوة

[Sa3D ALEX]

هى من كتر ماهي وحشة حتجيب التالتة ...طب وحش ازاي على الطريق ؟ وهل الموديل 2008 بس يعني لو الماتور 1600 تبقى حلوة

ههههههههههههههههههه لا حضرتك فهمت غلط انا اقصد وحش بمعنى عملاق حاجه جامده مش وحش بقصد سيىء

[فبريكا]

ههههههههههههههههههه لا حضرتك فهمت غلط انا اقصد وحش بمعنى عملاق حاجه جامده مش وحش بقصد سيىء

هههههههههه الله يطمن قلبك يا باشا طيب كان عندي استفسار يعنى انا قدامي عربية 2008 راشة برة نضافة موتورها 1500 سي سي خليجي فبريكة جوة مفهاش اسبولير ولا فتحة سقف ولا شاشة ولا بصمة وسعرها 90 الف اية رايك فيها ونكشف عليها فين لان باين عليها فيها كمبيوتر وحركات.

[just_magdy1]

انا الشارك إللى معايا التالته ومازلت سعيد بيها ... باختصار الشارك عربيه محترمة ... بس نصيحة تعالى على نفسك شويه وهات حاجه نضيفه وياريت تكون هاى لاين

[فبريكا]

انا لاقيت بعض الردود في منتديات تانية ححطها يمكن تفيدكم

قطع الغيار

قطع غيارها متوفره استيراد واصلى وجديد مش اصلى,
الاصليه غاليه وفارقه كتير عن الغير اصليه الاسبانى والصينى والتايوانى, بس عمره الافتراضى اكبر بكتير من الغير اصلى, عموما اسعار الاصلى قريبه من اسعار البومه الاصلى
اغلى حاجه اصلى هيا فلتر البنزين, 700 جنيه الاصلى !!!! وبيتغير كل 60000
عامل زى بتاع البومه والتويوتا اللى بيبقى راكب اعلى تانك البنزين, على عكس الماركات التانيه الى بيبقى فى حوض الموتور

----

محتار ما بين الشارك والبومه ؟ الشارك موتور افضل ونظام تعليق متطور وافضل وثبات اعلى بفرق ملحوظ وصالون اوسع وكماليات اعكثر واستهلاك بنزين اقل
البومه تتفوق فى سعر اعاده البيع والشنطه اوسع وصاجها افضل من الشارك بس الشركه جردت اخر انتاجها من الكماليات بقلهم كام سنه, ده مافيهاش مؤشر حراره مجرد لمبه بتنور لما تسخن ومافيهاش نور عند نقلات الفتيس
قطع الغيار لو هتتعامل مع التوكيل مش فارقه تقريبا الاثنين قريبيين جدا من بعض, وسيبك من الكلام ان الفانوس ب6000 جنيه لان ده حاله خاصه للخليجى اللى كان بينزل بزينون بعدسات متحركه زى المرسيدس, انما سعر الفانوس العادى اللى بينزل وكيل فى الرينج الطبيعى للعربيات المثيله ونفس ثمن البومه, تقريبا فى حدود ال2000
انا معرفش ايه اخبار قطع غيار الشارك بره التوكيل.

[Sa3D ALEX]

هههههههههه الله يطمن قلبك يا باشا طيب كان عندي استفسار يعنى انا قدامي عربية 2008 راشة برة نضافة موتورها 1500 سي سي خليجي فبريكة جوة مفهاش اسبولير ولا فتحة سقف ولا شاشة ولا بصمة وسعرها 90 الف اية رايك فيها ونكشف عليها فين لان باين عليها فيها كمبيوتر وحركات.

حضرتك دى تبقى اول فئه اوتوماتيك وكمان سعرها عالى شويه خاصه انها رشه حزام يعنى مش فابريكا ونصيحه العربيه دى متجابش غير هاى لاين واعتقد هتلاقى هاى لاين فى حدود من 90 بس هتكون مش حاله هتكون ماشيه كتير وكمان راشه حزام اما الحالات النادره هتكون فوق 100 الف هاى لاين
تحياتى ليك

[فبريكا]

انا الشارك إللى معايا التالته ومازلت سعيد بيها ... باختصار الشارك عربيه محترمة ... بس نصيحة تعالى على نفسك شويه وهات حاجه نضيفه وياريت تكون هاى لاين

طيب يا ريت لو قدامك عربية هاي لاين كويسة تقولي عليها

انا بصراحة معرفش فئتها بالضبط ومقلق منها بس ححط صورتها يمكن حضرتك ليك خبرة فيها بحكم انك مجربها او اي حد من السادة الاعضاء وقولولي النوع بتاعها او الفئة

http://www.m5zn.com/newuploads/2013/09/18/png//m5zn_9a6ecc8f6eaecf0.png

وكام سعرها فى السوق