مسامير العجل

[ahhazem]

صباح الفل ياشباب
امبارح نزلت من البيت لاقيت العجلة نايمة
وطبعاً ده شيء متوقع مش دي المشكلة
المشكله بقى لما طلعت العده والكوريك وقررت اركب الاستبن علشان امشي
مش عاوز اقولكوا على كمية الذمه والضمير اللي رجالة التوكيل رابطين بيها العجلة
طبعاً علشان بيربطوا بالكهربا مش يدوي فمش بيفرق معاهم ازاي هيفك
ماشاء الله انا وشباب الشارع كله حاولنا نفك المسامير لحد ما فضل مسمار واحد بعد معاناه لمدة ساعة بكل العدد الموجوده في عربيات الشارع ومفيش فايدة
طبعاً الصامولة اتبهدلت ومرضيتش تتفك
لحد ما لقينا واحد جارنا معاه منفاخ فقررنا ننفخ العجلة علشان اعرف اتحرك واروح بيها عند أي بتاع كاوتش علشان هو يتصرف
وكمان بتاع الكاوتش حاول معاها وكمل بهدلة للصامولة دي واخواتها
المهم انا دلوقتي بقيت محتاج اغير الاربع صواميل دول فرأيكوا ايه اجيبهم منين يكونوا تمام وشداد لإني اتوقع طبعاً ان يكون كل اللي في السوق صيني وتعبان
وياترى الأسعار عامله ازاي

[m.elsherif]

اهم حاجه المسامير تكون لسه كويسه اما الصواميل امرها بسيط

[ahhazem]

اهم حاجه المسامير تكون لسه كويسه اما الصواميل امرها بسيط

ما انا عاوز اغير الصواميل علشان شكلها خلاص مش نافعة تاني وممكن المحاولة فيها تاثر على المسامير

[Kareem.ElAraby]

متابع

[akmm]

هات الاصليه من التوكيل مهما كان السعر ........ واربط بالعقل عليها وربنا يسلم طريقنا كلنا .

[Haitham Basha]

هتلقيهم في التوفيقية و شارع دمشق أنا كنت جايب للشارك الطقم أربعة بـ 15 جنية و نفس الي حصل معاك حصل معايا ههههههههههههههه واضح إن الذمة زايدة شوية عندهم في حتة الصواميل ههههههههههههه :)

[ahhazem]

ربنا يسترها معانا كلنا هحاول اشوفهم بكام في التوكيل وان شاء الله هابلغكم بالسعر

[أبو إياد]

4*5 = 20ج

[ahhazem]

4*5 = 20ج

تمام ياباشا
اشتريتهم امبارح من شارع فيصل فعلاً الواحد ب خمسة جنيه وركبتهم كمان الحمد لله