استلام سيارة جديدة

[ahmedshafei777]

السادة الزملاء

بفضل الله اشتريت سيارة شارك جديدة

كل اللي خدته من المعرض اقرار استلام بعد ما دفعت الثمن بالكامل
والورق لسه بعد يومين شامل الفواتير والضمان والافراج الجمركي


هل الكلام ده مظبوط؟ ولا لازم كنت اخد اي اثبات تاني وانا ماشي

انا مش عارف الصراحة ارجو الافادة

[MITSUKERO]

لا عادي كل العربيات كده بس عايزين تفاصيل شوية لان زمايلي في الشغل بيدوروا علي شارك في المعارض و مش لاقيين انت جبتها اي فئة و بكام ؟

[ahmedshafei777]

لا عادي كل العربيات كده بس عايزين تفاصيل شوية لان زمايلي في الشغل بيدوروا علي شارك في المعارض و مش لاقيين انت جبتها اي فئة و بكام ؟

انا جيبتها من سمير ريان الفئة الأولى بسعر 131000 فيها واحد ايرباج والكماليات الأساسية
وتجربتي معاها سواقة ساعتين بس

الموتور صوته هادي جدا والعفشة ناعمة والعربية عالية محكتش في مطبات
والصالون واسع واي حاجة هتقابلني هقول عليها ان شاء الله


وشكر

[فبريكا]

الف مبروك ياباشا يديك خيرها ويكفيك شرها ... هى موديل 2013 ولا 2014

[my3fox]

ألف مبروك و ربنا يبارك لك فيها و يكفيك شرها إن شاء الله.
سؤال طالما مفيش ورق....يبقي حضرتك ماشي بيها إزاي دلوقتي.
هل بتاخد نمر تجارية من المعرض؟

[ahmedshafei777]

الف مبروك ياباشا يديك خيرها ويكفيك شرها ... هى موديل 2013 ولا 2014

\

2013

[ahmedshafei777]

ألف مبروك و ربنا يبارك لك فيها و يكفيك شرها إن شاء الله.
سؤال طالما مفيش ورق....يبقي حضرتك ماشي بيها إزاي دلوقتي.
هل بتاخد نمر تجارية من المعرض؟

بدون نمر ومحدش اداني لوحات تجارية
بس هما قالو انهم هيخلصوا الورق ويقابلوني في المرور

[semsem5144]

الف مبروك ماتشغلش بالك انا مشيت بعربيتي اسبوع من غير نمر خليك متابع معاهم وربنا يباركلك فيها ويكفيك شر العين

[ahmedshafei777]

الف مبروك ماتشغلش بالك انا مشيت بعربيتي اسبوع من غير نمر خليك متابع معاهم وربنا يباركلك فيها ويكفيك شر العين

والله انا بستريح نفسيا لما بترد عليه
انت عارف الواحد دافع فلوس كتير وبيقلق
بس السؤال انا كده تحت رحمتهم الورق ده من غيره يبقى العربية ملهاش لزمة
وممكن يستعبطوا

[delaga]

مبروك على العربية الجديدة
وموضوع الورق مافيش منه قلق ان شاء الله
لكن كنت تاخد نمر تجارىة احسن علشان تبقى ماشى متطمن لان لو اى حد وقفك من حقه انه يسحب العربية
انا مش عايز اقلقك لكن لازم تبقى عارف وربنا يوفقك وتخلص ورقها بسرعة

[Haitham Basha]

ألف ألف مبروك على العربية و ربنا يديك خيرها ويكفيك شرها ... متقلقش يا باشا سمير ريان ناس محترمة أوي و مدام معاك ورقة من المعرض باسمك و مختومة يبقى مفيش قلق إن شاء الله أنا مشيت بعربية قبل كده 20 يوم من غير نمر و رحت عملت صيانة الألف كمان ههههههههههههه من غير نمر عادي جداً ...

[فبريكا]

\

2013

ربنا يبارك لك ولينا والفرح فرحنا يا باشا الف مبروك

[mimohsen]

الف مبروك ... مفيش قلق من سمير ريان ... كبيره يتاخر كام يوم ويجهز الورق ... انا كنت جايب منه الشارك سنة 2008

[mostafaelhamzawy]

سمير ريان الناس بتشكر فيه كلهم متقلقش والف مبروك وربنا يديك خيرها ويكفيك شرها وشر عيون الناس

[fathifathi]

الف مبروك يااباشا العربية.بس متقلقش خالص.انا سبقتك بردة انا اشتريت نفس العربية من سمير ريان يوم الخميس ال فات.والمندوب اتصل بيا يوم السبت اخر النهار يعنى بعدها بيومين قالى الورق جاهز عندهم ف المعرض.طبعا هو اتصل بيا عشان انا من مطروح وكلمنى عشان ابعتله حد ياخد الورق منهم ووصلى النهاردة الحمد لله.شهادة بيانات ومبايعة بالعربية وفاتورة فيها قيمة العربية 115000الف.طبعا حاجة تخض فرق كبير بين الفاتورة وال انت دافعة بس نقول ايه؟يالا الحمد لله.وكمان وصلنى كتاب الضمان بتاع الرواس