العربية بتسخن

[عمرو عبيد]

السلام عليكم
من فضلكم يا جماعة انا عربيتى بتسخن لما اقف فى اشارة و لما أبدا اتحرك المؤشر بينزل تانى رغم ان المية مزبوطة و المروحة شغالة كويس و الغريب ان حتى و انا واقف و سخنت لما ادوس بنزين بلاقى المؤشر نزل تانى حد عندة فكرة يكون العيب فين انا عربيتى لانسر 2007 اتوماتيك

[Ahmed_Ramadan]

بص على طلمبة الميه

[ياريساوي]

اكيد طرمبة ميه عشان انت بتقول لما بتدوس بنزبن العربية بتنزل حرارتها

[عمرو عبيد]

و دى سعرها كام يا جماعة

[saddam]

صديقي المواطن
العيب ده بينشأ من وساخة وقرب إنسداد مجاري المياه في الراديتير والمكنة تنظفهم اﻷول بفلاش وكمان بالجهاز في البنزينة وتحط مياه خضراء أنتفريز نوع غالي ولو متحلش الموضوع نشوف طلمبة المياه حصل ضعف فيها ولكن في كل اﻷحوال تنظف اﻷول وبعد كده نراجع المراوح وسرعتها
ودمتم للنضال

[عمرو عبيد]

الف شكر يا شباب ربنا يخليكوا

[MITSUKERO]

نضف الريادياتير

اكشف علي تقليب طرمبة المياة

الكشف بفتح غطاء الريادياتير و العربية مش باردة و مش سخنة تكون وسط و شوف المياة بتتحرك مع التزويد ولا لا

[عمرو عبيد]

اولا شكرا على اهتمامكم يا شباب انا رحت عند واحد فى الحي السادس فى مدينة نصر وكشف و قالي ان الردياتير بايظ خالص و عاوز يتغير و جبت واحد جديد شبة الاصلى الي كان راكب بس مش استيراد و الراجل حسبة ب 580بالإضافة الى 100 جنية مصنعية فانا بعد اذنكم عاوز اعرف اية رايكم فى الأسعار دى

[amro0000]

والله ياباشا انا مش مقتنع ان عربية 2007 ولانسر وتغير ريداتير دلوقتي بصراحة مش مقتنع المهم طمنا اخدت الريداتير القديم بتاعها ولا سبته للراجل؟؟؟؟؟؟؟؟؟؟؟؟؟؟؟ وهل المشكله اتحلت معاك اما غيرت الريداتير ولا لسة زي ماهيا ياريت تفاصيل اكتر ياباشا

[عمرو عبيد]

القديم كان مدمر يا باشا انا شايفة بنفسى بيجيب ميه من العلبة الي فوق والي تحت و كنت املى القربة مية الصبح بعد كام ساعه بتفضى لكن هو الي عاوز اعرفة السعر دة مظبوط ولا زيادة و كمان المية الخضرا السعودى دى كويسة و لا لا

[MITSUKERO]

المياة الخضراء السعودي للتجربة فقط و غيرها في اقرب وقت لما تتأكد ان كله تمام

بالنسبة للاسعار فخلاص انت عملت الشغل متركزشي بقي

[mohamedxsayed]

مشكله الحراره فى البوما كتيرررر جدا نضف الرادتير ومروحه التكيف لو بتشغله
ومتحطش ميه عاديه فى العربيه لانها بتشربها جاااامد حافظ دايما على ميه العربيات