مشكلة تيل فرامل ومساعدين .. ساعدوني !!

[kantalub]

النهاردة دورت علي تيل فرامل اصلي في قنا كلها وما لقيتش المهم ركبت تيل فرامل لعربيتي اللانسر مش اصلي ونوعه كوري تمنه تسعين جنيه وحد نصحني اني اغيره علشان اي وكل تيل مش اصلي بيبوظ الطنبورة وكمان عمره قصير ، هل كلامه صحيح وضروري اغيره ؟

تاني حاجة المساعدين صنايعي الترصيص نصحني اغيرهم ضروري علشان فعلا العربية كانت واطية جدا جدا من تحت وباين تلف المساعدين ، السوال هل عدم التعجيل بتغييرهم في خطر وخصوصا اني مسافر ، وهل ممكن اغيرهم ورا بس من غير قدام ؟ جزاكم الله خيرا علي الاهتمام

[Lifz_Good]

متابع للإفادة

[saddam]

صديقي المواطن
التيل تغيره لما يخلص ونادر جدا جدا جدا دلوأتي تلاقي تيل ياكل طنبورة طبعا ممكن يقل عمره عن اﻷصلي بشوية ولكن مش حيضر العربية أما موضوع وطي العربية فده السوست مهبطة والمساعد لا يتحمل من وزر وطو العربية أكثر من 20% وممكن تسافر عادي لكن لا تسرع ﻷنها لو تعبانة جدا جدا ممكن تعوم منك في.السرعة على مطبات فجائية وطبعا متنساش إن مصر كلها مطب كبير
أما رأيك بأنك تغير مساعدين خلفي دون اﻷمامي فمعروف إن الخلفي دايما ضعيف ويستهلك قبل اﻷمامي وممكن تغير مرتين خلفي ولسه أول مرة حتغير أمامي
ولكن كقاعدة شيء أفضل من لا شيء يعني هواك ومزاجك تغير مساعدين ورا بس والأمامي حين ميسرة فحيحسن الغربية وأدائها أحسن من مفيش وبالتوفيق
ودمتم للنضال

[kantalub]

جزاك الله خيرا ، أفدتني كثيرا .. ويا ريت لو حد عنده رأي آخر غير أخونا يشارك نشرا للفائدة