مساعده ضروري و عاجل الرد يا شباب اللانسر

[FAR!D]

شباب معايا واحد زميلي معاه لانسر 2013 و كان قصادني في خدمه اني اسألكم عل حاجات معينه
النهارده كان في التوكيل و مهندس هناك قاله فكك من الشدادات و ركب اسبليزر ورا لو عايز ثبات احسن. هوا اللانسر مش فيها استبليزر اصلا ولا ايه؟ فلو فيه بيتباع فين في الحرفيين و ياريت اسم المحل و رنج السعر كام ولو الراجل عايز شدادات( strut bars) ورا وقدام يعني طقم كامل يجيبه منين من الحرفيين وبرضوا رنج السعر كام بس حلفتكم بالله الرد النهارده عشان الراجل عايز ينزل الحرفيين بكره

[MITSUKERO]

العربية بوما 2013 ولا شارك ؟

لو بوما بيبقي فيه حاجة اسمها ميزان خلفي بيركب عادي جدا و كان موجود في الموديلات القديمة اللي كان الرواس بينزلها بس للاسف دياموند غير العفشة بدل سبورت 1600 خلاها زي عفشة ال 1300

المهم الميزان ده من 400 الي 500 جنية بالصوابع بتاعته بكل حاجة و فيه محل في صقر قريش قال ليا 450 بالتركيب كمان

من ناحية بيفرق فهو بيفرق طبعا

في الحرفيين محل اسمه المتخصص صاحبة اسمه رضا ده رقمة 01118583318

كان صلاح صديقي راح له و لقاه عنده ب 500 تقريبا

بالنسبة للشداد الامامي اللي علي البطاحات ده انزل لف عليه و انت و حظك بقي

ده اللي اعرفه و لو عايز اي استفسار اسأل تاني تحت امرك

والله اعلي و اعلم

[FAR!D]

والله يا باشا انت تشكر على انك رديت عليا بسرعه وشكرا اوي على معلومه العفشه انا و صاحب العربيه اتصدمنا ازاي البومه من غير استبليزر عموما الراجل نزل الحرفيين و حيشوف الدنيا فيها ايه الف شكر

[FAR!D]

المفاجأه يا شباب ان الراجل و هوا في الحرفيين النهارده الكل اجمع على ان الانسر من 2010 بتنزل عفشه و فتيس 1300 على 1600 ده غير اصلا المهندس اللي قاله على موضوع العفشه في التوكيل قاله على ان الماتور برضوا اتغير و بقي اخف عشان تجري على حساب طبعا وزنها يعنى ثباتها.......امال بتغلى كل سنه ليه؟؟!!!! ربنا ينتقم من التوكيلات اللي بتعلي. و تلعب في مواصفات العربيات علي مزاجها..... طب ازاي و الحكومه فين احنا عايشين في ميه اللفت ولا ايه....انا كنت عملت تقرير بسيط عنها هنا في القسم اول مركبتها و قلت انه ولا اي انبهار وانا اصلا راكب نوبيرا 99 بس اوربي والله العظيم تلاته برقبتها بامكانيتها و اللي مصروف عليها جوا العربيه بس ناس كتير قالتي هنا لا انت ملاحظاتك عليها مش مظبوته عشان جربتها من مره واحده... على العموم الدنيا تجارب و ادينا بننقلها لبعض شكرا للي رد و لو جد شئ حكتبه

[FAR!D]

الجديد انه عشان يركب الاستبليزر لازم يغير مقصات ورا لان مكان المسامير بتاعت الميزان موجوده في المقص لكن فيه ورده في المقص بتشيل الاستبليزر مش موجوده عنده فطبعا حرام انا اغير جوز مقصات خلفي لعربيه مكملتش 10000 كم.... يالا هوا اختيار غير موفق من البدايه و يعود نفسه عليها وانا من موقعي هاذا انا قفلت من ناحيه العربيه ديه لو سألني حد عن راي ححكيله و الكلام موجود في الموضوع هنا للي لسه حيشتري او اشترى و لبس

[mohamedxsayed]

اصلا من 2010 من ساعه ماديموند خد التوكيل من الرواس وقطع الغيار ولعت وفيها فرق بين glx القديمه والجديده
القديمه موتورها وعفشتها أحسن من الجديده (عن تجربه )

[mahmoud_ali]

انا مش فاهم حاجه يا جماعه ههههههههههههه انا ان شاء الله هجيب لانسر فعاوز افهم ايه ده

[FAR!D]

مش فاهم ايه!!!! بقولك لانسر 2013 اوتوماتك فيها ده كله غير اللي كان بيشكي منه زي التكييف يبقى تروح تجيبها انا لو منك لأ والامر يرجعلك

[FAR!D]

لكن المهندس في التوكيل و رضا في الحرفيين اجمعوا انا من بعد 2010 زي الزفت

[MITSUKERO]

الجديد انه عشان يركب الاستبليزر لازم يغير مقصات ورا لان مكان المسامير بتاعت الميزان موجوده في المقص لكن فيه ورده في المقص بتشيل الاستبليزر مش موجوده عنده فطبعا حرام انا اغير جوز مقصات خلفي لعربيه مكملتش 10000 كم.... يالا هوا اختيار غير موفق من البدايه و يعود نفسه عليها وانا من موقعي هاذا انا قفلت من ناحيه العربيه ديه لو سألني حد عن راي ححكيله و الكلام موجود في الموضوع هنا للي لسه حيشتري او اشترى و لبس

موضوع الوردة اللي في المقص ده جديد بس هسالك خالد اتأكد منه بس اللي اعرفه انه بيركب عادي علي عفشة ال 1300

[vip74]

ياجماعه أنا معايه لانسر
2014
بضمان دايموند
العربية موصفات خليجي
والرواس ينزل نفس العربية